📌 Key Points
- తరుణ్ భాస్కర్ దర్శకత్వంలో ‘ఈ నగరానికి ఏమైంది 2’ మూవీ షూటింగ్ ప్రారంభం!
- తొలి భాగం నటీనటులే సీక్వెల్లో మెరవనున్నారు! సుశాంత్ స్థానంలో శ్రీనాథ్ మాగంటి!
- మే 1న ‘గాయపడ్డ సింహం’ విడుదల! హీరోగా తరుణ్ భాస్కర్ అదరగొట్టేందుకు సిద్ధం!
- సీక్వెల్ ఆలస్యంపై తరుణ్ భాస్కర్ క్లారిటీ! సరైన సమయంలోనే ప్రాజెక్ట్ ప్రారంభించామన్న దర్శకుడు!
తరుణ్ భాస్కర్ దర్శకత్వంలో వచ్చిన ‘ఈ నగరానికి ఏమైంది’ ఎంత పెద్ద హిట్టో మనందరికీ తెలుసు. ఇప్పుడు ఆ సినిమాకి సీక్వెల్ రాబోతుంది. దీనికి సంబంధించిన సూపర్ అప్డేట్ వచ్చేసింది! ఇక పండగే.
సీక్వెల్ ఆలస్యంపై తరుణ్ భాస్కర్ సమాధానం!
నటుడు, దర్శకుడు తరుణ్ భాస్కర్ తాజాగా ‘గాయపడ్డ సింహం’ అనే చిత్రంలో హీరోగా నటించిన విషయం తెలిసిందే. ఈ చిత్రాన్ని మే 1న విడుదల చేయనున్నట్లు మేకర్స్ ఇప్పటికే అధికారికంగా ప్రకటించారు. సినిమా విడుదల తేదీ సమీపిస్తున్న నేపథ్యంలో తరుణ్ భాస్కర్ తాజాగా ఓ ఇంటర్వ్యూలో పాల్గొని పలు ఆసక్తికర విషయాలను వెల్లడించారు. ఈ సందర్భంగా ఆయన తన దర్శకత్వంలో రూపొందుతున్న ఈ నగరానికి ఏమైంది 2 చిత్రానికి సంబంధించిన కొన్ని ఇంట్రెస్టింగ్ వివరాలను పంచుకున్నారు. ముఖ్యంగా ఈ సినిమా ప్రారంభం ఆలస్యమైన కారణాలపై ఆయన స్పందించారు. ఇంటర్వ్యూలో భాగంగా, “ఈ నగరానికి ఏమైంది సీక్వెల్ కోసం ప్రేక్షకులు చాలా కాలంగా ఎదురుచూస్తున్నారు. ఇంత లేటుగా ఎందుకు ఈ సినిమాను ప్రారంభించారు?” అనే ప్రశ్న ఎదురైంది.
దీనికి తరుణ్ భాస్కర్ సమాధానంగా మాట్లాడుతూ… “ఇది గవర్నమెంట్ స్కీమ్ కాదు కదా, ఎప్పుడంటే అప్పుడు ప్రారంభించడానికి. అవును, చాలా మంది ఈ సినిమా సీక్వెల్ కోసం ఎంతోకాలంగా ఎదురు చూస్తున్నారు. అయితే నాకు ఈ కథకు సంబంధించిన ఐడియా కొంతకాలం క్రితమే వచ్చింది. దాంతో ఇప్పుడు ఈ సినిమాను ప్రారంభించాం. సరైన సమయంలోనే ఈ ప్రాజెక్ట్ మొదలైందని నేను భావిస్తున్నాను” అని తెలిపారు. అలాగే, మొదటి భాగంలో నటించిన నటీనటులు ఈ సీక్వెల్లో కొనసాగుతున్నారా అనే ప్రశ్నకు కూడా ఆయన స్పందించారు. “దాదాపు అందరూ ఈ సినిమాలో కనిపించనున్నారు. అయితే కార్తీక్ పాత్రలో నటించిన సుశాంత్ కి వైజాగ్లో కొన్ని కమిట్మెంట్స్ ఉండటంతో ఆయన ఈ ప్రాజెక్ట్లో పాల్గొనలేకపోతున్నారు. దాంతో ఆ పాత్రలో శ్రీనాథ్ మాగంటిను రీప్లేస్ చేసినట్లు” తరుణ్ భాస్కర్ వెల్లడించారు.
సుశాంత్ స్థానంలో శ్రీనాథ్ మాగంటి!
‘గాయపడ్డ సింహం’ విడుదల ఎప్పుడంటే?
తరుణ్ భాస్కర్ ‘ఈ నగరానికి ఏమైంది 2’ పై ఇచ్చిన అప్డేట్ టాలీవుడ్ లో హాట్ టాపిక్ గా మారింది. సినిమా గురించిన మరిన్ని వివరాల కోసం వేచి ఉండండి.
