టాలీవుడ్లో కార్మికుల వేతనాల పెంపుపై సమ్మె జరుగుతుండగా, నిర్మాతలు కొత్త వారిని నియమించుకునేందుకు ఒక నోటిఫికేషన్ను విడుదల చేశారు. యూనియన్లతో సంబంధం లేకుండా నేరుగా నియామకాలు జరుగుతాయి.
Key Points
టాలీవుడ్లో కార్మికుల సమ్మె కారణంగా కొత్త ఉద్యోగుల నియామకం.
యూనియన్లతో సంబంధం లేకుండా నేరుగా నిర్మాతలు నియామకాలు చేపట్టనున్నారు.
ఆసక్తిగల వారు Atfpg.com ద్వారా దరఖాస్తు చేసుకోవచ్చు.
కార్మికుల సమ్మె & వేతనాల పెంపు
టాలీవుడ్ లో సమ్మె సైరన్ మోగడంతో తెలుగు ఫిల్మ్ ఛాంబర్ ఆఫ్ కామర్స్ (టీఎఫ్సీసీ) ( Telugu Film Chamber of Commerce) ఒక కీలక నిర్ణయం తీసుకుంది . కార్మికుల వేతనాలు 30 శాతం పెంచాలంటూ తెలుగు ఫిల్మ్ ఇండస్ట్రీ ఎంప్లాయిస్ ఫెడరేషన్ సమ్మెలోకి వెళ్లింది . దీంతో నిర్మాతలు కూడా కార్మికులకు అంత మొత్తం చెల్లించలేమని తేల్చేశారు . బయట ఉన్న ఉద్యోగాలతో పోల్చి చూస్తే ఇప్పటికే వర్కర్లకు ఎక్కువ చెల్లిస్తున్నామని నిర్మాతలు చెబుతున్నారు .
నిర్మాతల కొత్త నిర్ణయం
కార్మికుల వేతనాల పెంపు విషయంలో ఫిల్మ్ ఫెడరేషన్ తగ్గకపోవడంతో నిర్మాతలు కూడా ఒక నిర్ణయానికి వచ్చారు . నిర్మాతలు కొత్త మార్గాలు అన్వేషించారు. ఇక నుంచి యూనియన్లతో సంబంధం లేకుండా నిర్మాతలే ఒక నోటిఫికేషన్ విడుదల చేసి ఆసక్తికలిగిన కొత్తవారిని వర్క్ లోకి తీసుకోవాలని అనుకున్నారు . ఎంపిక అయిన వారిని పనికి తగినట్లు ట్రైయినింగ్ ఇచ్చి ఉద్యోగం కల్పించాలని చూస్తున్నారు .
నోటిఫికేషన్ వివరాలు & దరఖాస్తు ప్రక్రియ
మొత్తం 22 విభాగాలకు సంబంధించి ఒక నోటిఫికేషన్ విడుదల చేశారు . అందులో ఎడిటింగ్ , మేకప్ , కాస్ట్యూమ్స్ , ప్రొడక్షన్ , ఆర్ట్ వర్క్ , కొరియోగ్రఫీ వంటివి కూడా ఉన్నాయి . ఆసక్తి వున్న వారు ధరఖాస్తు Atfpg.com చేసుకోవచ్చు . నిర్మాత అశ్వీనిదత్ కూడా ఆ నోటిఫికేషన్ లింక్ నే షేర్ చేశారు . మీలో ఎవరైనా ఔత్సాహిక నిపుణులు , కార్మికులు సినీ రంగంలో పనిచేయాలంటే వారితో పని చేయించుకోవడానికి నిర్మాతలందరూ ఏకగ్రీవంగా ఆమోదించారు. సభ్యత్వం కోసం రూ.లక్షలు ఇవ్వాల్సిన అవసరం లేదు. నైపుణ్యం ఉన్న కార్మికులకు పని కల్పించడమే తమ ధ్యేయమని వారు పేర్కొన్నారు .
టాలీవుడ్లోని కార్మికుల సమస్యలకు పరిష్కారంగా, నిర్మాతలు కొత్త వారిని నేరుగా నియమించుకునేందుకు చర్యలు తీసుకున్నారు. ఈ నిర్ణయం సినీ పరిశ్రమ భవిష్యత్తుపై ఎలాంటి ప్రభావం చూపుతుందో వేచి చూడాలి.
