మలయాళ సినిమా పరిశ్రమ ప్రస్తుతం అద్భుతమైన విజయాలను సాధిస్తోంది. 2023 తొలి ఆరు నెలల్లో విడుదలైన అత్యంత విజయవంతమైన ఆరు మలయాళ చిత్రాల గురించి తెలుసుకుందాం.
Key Points
మోహన్ లాల్ నటించిన 'తుడరుమ్', 'ఎల్2: ఎంపురాన్' బ్లాక్ బస్టర్లు
2023 తొలి ఆరు నెలల్లో అత్యధిక వసూళ్లు సాధించిన మలయాళ చిత్రాలు
రేఖాచిత్రమ్, ఆఫీసర్ ఆన్ డ్యూటీ వంటి క్రైమ్ థ్రిల్లర్లు కూడా ఆకట్టుకున్నాయి
జియోహాట్స్టార్, నెట్ఫ్లిక్స్, సోనీలివ్ లో తెలుగులో చూడవచ్చు
2023 తొలి ఆరు నెలల టాప్ మలయాళ సినిమాలు
మలయాళం సినిమా రేంజ్ ప్రతి ఏటా పెరుగుతూ వస్తోంది. కమర్షియల్గానూ ఆ ఇండస్ట్రీ నుంచి వచ్చిన సినిమాలు భారీ విజయాన్ని సాధిస్తున్నాయి. ఈ ఏడాది అలా మోహన్లాల్ నటించినవే రెండు మూవీస్ ఉన్నాయి. వీటితోపాటు మరికొన్ని కూడా బాక్సాఫీస్ దగ్గర సక్సెస్ సాధించాయి. జూన్ 30తో ఈ ఏడాది తొలి ఆరు నెలలు ముగిసింది. ఈ ఆరు నెలల్లో మలయాళం నుంచి వచ్చిన టాప్ 6 మూవీస్ ఏవో చూడండి.
1. తుడరుమ్ – జియోహాట్స్టార్
మోహన్లాల్ తన స్టార్డమ్ను మరోసారి నిరూపించుకున్నాడు. తరుణ్ మూర్తి దర్శకత్వంలో వచ్చిన యాక్షన్ థ్రిల్లర్ ‘తుడరుమ్’ బాక్సాఫీస్ వద్ద అద్భుతమైన విజయాన్ని సాధించింది. ఈ మూవీ రూ.28 కోట్ల బడ్జెట్తో తెరకెక్కగా.. ప్రపంచవ్యాప్తంగా రూ.232 కోట్లకు పైగా వసూలు చేసి, ఈ ఏడాది అత్యధిక వసూళ్లు సాధించిన మలయాళ సినిమాల్లో రెండో స్థానంలో నిలిచింది.
కేరళలో రూ.118 కోట్లకు పైగా వసూలు చేసి.. ఆ రాష్ట్రంలో రూ.100 కోట్ల మార్క్ అందుకున్న తొలి మలయాళం మూవీగా రికార్డు క్రియేట్ చేసింది. ఈ సినిమా ప్రస్తుతం తెలుగులోనూ జియోహాట్స్టార్ లో స్ట్రీమింగ్ అవుతోంది.
2. ఎల్2: ఎంపురాన్ – జియోహాట్స్టార్
మోహన్ లాల్ బ్లాక్ బస్టర్లు
పృథ్వీరాజ్ సుకుమారన్ దర్శకత్వంలో.. మోహన్లాల్ ప్రధాన పాత్రలో వచ్చిన ‘ఎల్2: ఎంపురాన్’ సంచలనం సృష్టించింది. ఇది 2019 హిట్ మూవీ ‘లూసిఫర్’కు సీక్వెల్. ఇది అత్యధిక వసూళ్లు సాధించిన మలయాళం మూవీగా చరిత్ర సృష్టించింది. కేవలం 16 రోజుల్లోనే ప్రపంచవ్యాప్తంగా రూ.262.72 కోట్లకు పైగా వసూలు చేసింది. ఈ ఏడాది అత్యధిక వసూళ్లు సాధించిన సౌత్ ఇండస్ట్రీ మూవీ కూడా ఇదే. ఈ సినిమా కూడా తెలుగులో జియోహాట్స్టార్ లో అందుబాటులో ఉంది.
3. రేఖాచిత్రమ్ – సోనీలివ్
జోఫిన్ టి చాకో దర్శకత్వం వహించిన ఈ క్రైమ్ థ్రిల్లర్ కూడా ఈ ఏడాది మంచి వసూళ్లు సాధించిన సినిమాగా నిలిచింది. ఆసిఫ్ అలీ ఇందులో సీఐ వివేక్గా నటించాడు. 40 ఏళ్ల కిందట జరిగిన ఓ హత్య కేసును ఛేదించే అఫీసర్ గా అతడు కనిపించాడు. రేఖాచిత్రమ్ మూవీ బాక్సాఫీస్ దగ్గర రూ.57.31 కోట్లు వసూలు చేసి, 2025లో మొదటి బ్లాక్బస్టర్గా నిలిచింది.
4. ఆఫీసర్ ఆన్ డ్యూటీ – నెట్ఫ్లిక్స్
ఇతర విజయవంతమైన మలయాళ చిత్రాలు
కుంచకో బోబన్ ప్రధాన పాత్రలో నటించిన మూవీ ఆఫీసర్ ఆన్ డ్యూటీ. ఇది కూడా ఓ క్రైమ్ థ్రిల్లర్ మూవీయే. ఓ నకిలీ గొలుసు తాకట్టు కేసు ఓ తీవ్రమైన అమ్మాయిల బ్లాక్మెయిల్, ఆత్మహత్యల కేసును ఎలా తెరపైకి తెస్తుంది? దానికి ఓ పోలీస్ ఆఫీసర్ ఎలా ఛేదిస్తాడన్నది ఈ మూవీ స్టోరీ. ఈ సినిమా బాక్సాఫీస్ దగ్గర రూ.54.25 కోట్లు వసూలు చేసింది. నెట్ఫ్లిక్స్ లో తెలుగులోనూ అందుబాటులో ఉంది.
5. ఆలప్పుళ జింఖానా – సోనీలివ్
ప్రేమలు ఫేమ్ నస్లెన్ మరోసారి నవ్వులు పూయించిన మూవీ ఈ ఆలప్పుళ జింఖానా. ఖాలిద్ రెహమాన్ డైరెక్షన్ లో వచ్చిన ఈ సినిమా ప్రపంచవ్యాప్తంగా రూ.52.23 కోట్లు వసూలు చేసింది. కొందరు యువకులు, వాళ్ల బాక్సింగ్ కష్టాల చుట్టూ తిరిగే ఈ స్టోరీ బాగా నవ్విస్తోంది. సోనీలివ్ ఓటీటీలో తెలుగులోనూ అందుబాటులో ఉంది.
అనురాజ్ మనోహర్ దర్శకత్వంలో, టొవినో థామస్ లీడ్ రోల్లో నటించిన మూవీ నరివెట్ట. వయనాడ్ లో జరిగిన ఓ నిజ జీవిత ఘటన ఆధారంగా ఈ మూవీని తెరకెక్కించారు. ఈ సినిమా కూడా బాక్సాఫీస్ దగ్గర సక్సెస్ సాధించింది. మే 23న థియేటర్లలో రిలీజ్ అయిన ఈ సినిమా కూడా తెలుగులోనూ రిలీజైంది. అయితే ఇప్పటి వరకూ ఓటీటీలోకి స్ట్రీమింగ్ కు రాలేదు. ఓటీటీ ప్లాట్ఫామ్ కూడా ఇంకా ఫైనల్ కాలేదు.
ఈ ఆరు మలయాళ సినిమాలు ఈ ఏడాది ప్రేక్షకులను బాగా ఆకట్టుకున్నాయి. వీటిని ఓటీటీ ప్లాట్ఫామ్స్ లో తెలుగులో చూసి ఆనందించండి.
