టాలీవుడ్ డైరెక్టర్ త్రివిక్రమ్ గురించి అనేక రూమర్లు వైరల్ అవుతున్నాయి. అల్లు అర్జున్, ఎన్టీఆర్, రామ్ చరణ్ తో సినిమాలు చేస్తున్నారనే వార్తలు సోషల్ మీడియాలో చక్కర్లు కొడుతున్నాయి. ఈ రూమర్లపై నిర్మాత నాగవంశీ స్పందించారు.
Key Points
త్రివిక్రమ్ ప్రస్తుతం రెండు ప్రాజెక్టులు మాత్రమే చేస్తున్నారు.
వెంకటేష్ మరియు ఎన్టీఆర్ తో సినిమాలు ఖరారు.
ఇతర హీరోలతో సినిమాలు చేస్తున్నారనే వార్తలు రూమర్లు.
నాగవంశీ ట్వీట్ ద్వారా క్లారిటీ ఇచ్చారు.
త్రివిక్రమ్ సినిమాలపై రూమర్లు
టాలీవుడ్ స్టార్ డైరెక్టర్ త్రివిక్రమ్(Trivikram) గత ఏడాది ‘గుంటూరు కారం’ చిత్రంతో పాజిటివ్ టాక్ను సొంతం చేసుకున్నారు. ప్రస్తుతం ఆయన అల్లు అర్జున్(Allu Arjun)తో ఓ భారీ ప్రాజెక్ట్ను తెరకెక్కిస్తున్నట్లు గత కొద్ది కాలంగా పలు వార్తలు వైరల్ అవుతున్నాయి. అంతేకాకుండా ఎన్టీఆర్, రామ్ చరణ్(Ram Charan), వెంకటేష్ వంటి స్టార్స్తోనూ సినిమాలు చేయనున్నట్లు సోషల్ మీడియాలో పలు పోస్టులు చక్కర్లు కొడుతున్నాయి. ఈ క్రమంలో.. తాజాగా, ఈ విషయంపై నిర్మాత నాగవంశీ ట్విట్టర్ ద్వారా స్పందించి క్లారిటీ ఇచ్చారు. ‘‘ త్రివిక్రమ్ చేతిలో ప్రస్తుతం రెండు ప్రాజెక్టులు మాత్రమే ఉన్నాయి. అందులో ఒకటి వెంకటేష్తో చేయనున్నారు.
అలాగే మరొకటి ఎన్టీఆర్ అన్నతో తెరకెక్కించనున్నారు. అవి కాకుండా వేరే హీరోలతో త్రివిక్రమ్ సినిమాలు చేస్తున్నట్లు వస్తున్న వార్తలు కేవలం ఊహాగానాలు మాత్రమే. ఒకవేళ త్రివిక్రమ్కు సంబంధించిన మరేదైనా ప్రాజెక్ట్ ఫిక్స్ అయితే నేను స్వయంగా ట్విట్టర్ ద్వారా ప్రకటిస్తాను. కానీ రూమర్స్ ప్రచారం చేయకండి’’ అని రాసుకొచ్చారు. ప్రస్తుతం ఇందుకు సంబంధించిన పోస్ట్ సోషల్ మీడియాలో వైరల్ అవుతూ చర్చకు దారితీస్తోంది. వీరిద్దరితో ఎలాంటి జోనర్లో సినిమా చేయనున్నారా? అని నెటిజన్లు చర్చించుకుంటున్నారు.
నాగవంశీ క్లారిటీ
వైరల్ ట్వీట్
నాగవంశీ స్పష్టతతో త్రివిక్రమ్ సినిమాలకు సంబంధించిన అనేక అనుమానాలకు తెరపడింది. ప్రస్తుతం వెంకటేష్ మరియు ఎన్టీఆర్ తో సినిమాలు మాత్రమే ఖరారని తెలుసుకున్నాం.
