ఓటీటీ ప్రేమికులకు గుడ్ న్యూస్! మే 28న రెండు కొత్త సినిమాలు, ఒక వెబ్ సిరీస్ ఓటీటీలో విడుదలవుతున్నాయి. క్రైమ్ థ్రిల్లర్, సూపర్ హీరో చిత్రాలతో పాటు, కొత్త సిరీస్ కూడా ప్రేక్షకులను అలరించనుంది.
Key Points
రేపు జీ5లో కన్నడ మిస్టరీ థ్రిల్లర్ 'అజ్ఞాతవాసి' స్ట్రీమింగ్ ప్రారంభం.
జియో హాట్స్టార్లో 'కెప్టెన్ అమెరికా: బ్రేవ్ న్యూవరల్డ్' రెగ్యులర్ స్ట్రీమింగ్.
క్రైమ్ మిస్టరీ, సూపర్ హీరో జానర్ల సినిమాలు, సిరీస్ ల అందుబాటు.
అజ్ఞాతవాసి: కన్నడ మిస్టరీ థ్రిల్లర్
ఓటీటీలో కొత్త కంటెంట్ చూద్దామని అనుకుంటున్న వారికి రేపు (మే 28) రెండు కొత్త చిత్రాలు అందుబాటులోకి రానున్నాయి. కన్నడ మిస్టరీ థ్రిల్లర్ సినిమా అజ్ఞాతవాసి స్ట్రీమింగ్కు ఎంట్రీ ఇవ్వనుంది. ఓ పాపులర్ హాలీవుడ్ సూపర్ హీరో చిత్రం స్ట్రీమింగ్కు రానుంది. ఓ వెబ్ సిరీస్ కూడా ఎంట్రీ ఇవ్వనుంది. రేపు ఓటీటీలోకి రానున్న రెండు చిత్రాలు, సిరీస్లు ఏవో ఇక్కడ తెలుసుకోండి.
కన్నడ మిస్టరీ క్రైమ్ థ్రిల్లర్ ‘అజ్ఞాతవాసి’ మూవీకి థియేట్రికల్ రిలీజ్లో పాజిటివ్ టాక్ వచ్చింది. రంగనాయన రఘు, పావన గౌడ, సిద్ధు మూలిమణి ప్రధాన పాత్రలు పోషించిన ఈ సినిమా ఏప్రిల్ 11వ తేదీన థియేటర్లలో విడుదలైంది. మోస్తరు హిట్ కొట్టింది. ఈ సినిమా ఇప్పుడు ఓటీటీలోకి వస్తోంది. రేపు (మే 28) జీ5 ఓటీటీలో అజ్ఞాతవాసి చిత్రం స్ట్రీమింగ్కు రానుంది. అంటే ఈ అర్ధరాత్రే స్ట్రీమింగ్ షురూ అవుతుంది.
అజ్ఞాతవాసి మూవీకి జనార్దన చిక్కన్న దర్శకత్వం వహించారు. ఓ మర్డర్ కేసు చుట్టూ ఈ చిత్రం సాగుతుంది. ఈ మూవీ నరేషన్ డిఫరెంట్గా ఉంటుంది. రంగనాయన రఘు పర్ఫార్మెన్స్ మెప్పిస్తుంది. ఈ మూవీలో రఘు, పావన, సిద్ధుతో పాటు శరత్ లోహితస్వ, రవిశంకర్ గౌడ, యమున శ్రీనిధి కూడా కీలకపాత్రలు పోషించారు.
కెప్టెన్ అమెరికా: బ్రేవ్ న్యూవరల్డ్
అజ్ఞాతవాసి సినిమా కథ 1990ల బ్యాక్డ్రాప్లో నల్కేరి అనే గ్రామంలో సాగుతుంది. పాతికేళ్లుగా హత్యే జరగని రికార్డు ఉండే ఆ గ్రామంలో ఓ ఘటన జరుగుతుంది. భూస్వామి అయిన శ్రీనివాసయ్య (శరత్ లోహితస్వ) హత్యకు గురవుతాడు. ఈ కేసును ఇన్స్పెక్టర్ గోవిందు (రంగనాయన రఘు) విచారణ చేపడతాడు. రోహిత్ (సిద్ధు), పంకజ (పావన గౌడ)పై అనుమానం ఉంటుంది. అసలు శ్రీనివాసయ్యను ఎవరు చంపారు? వారిద్దరిపై ఎందుకు అనుమానం వచ్చింది? వేరే వ్యక్తికి ఏమైనా సంబంధం ఉందా? ఈ మిస్టరీని గోవిందు ఎలా ఛేదించాడనేది అజ్ఞాతవాసి సినిమాలో ఉంటుంది. ఈ మూవీని రేపటి నుంచి జీ5లో చూడొచ్చు.
హాలీవుడ్ సూపర్ హీరో సినిమా ‘కెప్టెన్ అమెరికా: బ్రేవ్ న్యూవరల్డ్’ ఫిబ్రవరి 14వ తేదీన థియేటర్లలో రిలీజైంది. ఆంథోనీ మాకీ, డెనీ రెమీరెజ్ లీడ్ రోల్స్ చేసిన ఈ చిత్ర సూపర్ హిట్ అయింది. ఈ మూవీకి జులియస్ ఓనా దర్శకత్వం వహించారు. ఈ సినిమా రేపు (మే 28) జియో హాట్స్టార్ ఓటీటీలో రెగ్యులర్ స్ట్రీమింగ్కు రానుంది.
కొత్త వెబ్ సిరీస్ ఓటీటీలో
ఇప్పటికే ప్రైమ్ వీడియో సహా కొన్ని ఓటీటీల్లో కెప్టెన్ అమెరికా: బ్రేవ్ న్యూవరల్డ్ చిత్రం రెంటల్ విధానంలో వచ్చింది. అయితే, రేపు జియోహాట్స్టార్ ఓటీటీలో సాధారణ స్ట్రీమింగ్కు అడుగుపెట్టింది. హాట్స్టార్ సబ్స్క్రైబర్లు రెంట్ లేకుండా ఈ చిత్రాన్ని చూసేయవచ్చు.
ఇంగ్లిష్ వెబ్ సిరీస్ ‘ఎఫ్1: ది అకాడమీ’ రేపు నెట్ఫ్లిక్స్ ఓటీటీలో స్ట్రీమింగ్కు రానుంది. ఎఫ్1 రేసులో అమ్మాయి పోటీపడడం ఈ డాక్యు సిరీస్లో ఉంటుంది. లీసా కేయన్ ఈ సిరీస్కు షోరన్నర్గా ఉన్నారు.
మొత్తంగా, రేపు ఓటీటీ ప్రేక్షకులకు వినోదానికి కొదవ ఉండదు. వివిధ జానర్లలోని సినిమాలు, సిరీస్ లతో రేపు ఓటీటీ ప్లాట్ఫామ్స్ సందడిగా ఉండనున్నాయి.
