మలయాళ స్టార్ హీరో ఉన్ని ముకుందన్ నటించిన మార్కో చిత్రం భారీ విజయం సాధించింది. రూ. 100 కోట్లకు పైగా వసూళ్లు రాబట్టిన ఈ సినిమాకు సీక్వెల్ ప్రకటించారు. అయితే ఆశ్చర్యకరంగా ఉన్ని ముకుందన్ సీక్వెల్ లో నటించబోమని ప్రకటించారు.
Key Points
మార్కో సినిమా రూ. 100 కోట్లకు పైగా వసూళ్లు సాధించింది.
మార్కో సినిమాకు సీక్వెల్ నిర్మాణంలో ఉంది.
ఉన్ని ముకుందన్ మార్కో సీక్వెల్ నుంచి తప్పుకున్నారు.
సినిమాపై నెగెటివిటీ కారణంగా ఉన్ని ముకుందన్ నిర్ణయం తీసుకున్నారు.
మార్కో సినిమా విజయం
మలయాళ స్టార్ ఉన్ని ముకుందన్ హీరోగా వచ్చిన మోస్ట్ వయోలెన్స్ చిత్రం మార్కో . గతేడాది రిలీజైన ఈ సినిమా మలయాళంలో సంచలనం సృష్టించింది. కేవలం రూ. 30 కోట్ల బడ్జెట్ ఈ చిత్రాన్ని తెరకెక్కించగా.. కేవలం మలయాళంలోనే రూ. 100 కోట్లకు పైగా వసూళ్లను సాధించి రికార్డులు సృష్టించింది. మలయాళంతో పాటు తెలుగు, తమిళ్, హిందీ భాషల్లో ఈ సినిమా అంచనాలకు మించి వసూళ్లు రాబట్టింది.
మార్కో సూపర్ హిట్ కావడంతో ఈ మూవీకి సీక్వెల్ తెరకెక్కించే పనిలో మేకర్స్ పుల్ బిజీ అయిపోయారు . తాజాగా లార్డ్ మార్కో టైటిల్ ను మలయాళ ఫిల్మ్ ఛాంబర్ లో అధికారికంగా నమోదు చేశారు . దర్శకుడు హనీఫ్ , నిర్మాత షరీఫ్ ఈ టైటిల్ ను రిజిస్టర్ చేసుకున్నారు . అయితే ఈ సినిమాలో మార్కో హీరో ఉన్ని ముకుందన్ పేరు లేకపోవడం మాలీవుడ్ లో చర్చనీయాంశంగా మారింది . ఉన్ని ప్లేస్ లో మరో హీరోను తీసుకొస్తున్నారా ? అనే చర్చ మొదలైంది . దీంతో ఈ మూవీలో మమ్ముట్టి, యశ్, పృథ్వీరాజ్ , హృతిక్ రోషన్ లాంటి పేర్లు వినిపిస్తున్నాయి . లేదంటే మలయాళంలో ఎవరైనా స్టార్ హీరోతో ప్లాన్ చేయనున్నారని టాక్ .
సీక్వెల్ ప్రకటన మరియు ఉన్ని ముకుందన్ నిర్ణయం
అయితే ఇప్పటికే మార్కో సీక్వెల్ నుంచి తాను తప్పుకుంటున్నట్లు ఉన్ని ముకుందన్ ప్రకటించారు . ఈ మూవీపై విపరీతమైన నెగెటివిటీ రావడంతో ఈ ఆలోచనను విరమించుకుంటున్నట్లు తెలిపారు . మార్కో సిరీస్ను కొనసాగించాలనే ఉద్దేశం తనకు లేదన్నారు . మార్కో కంటే మంచి సినిమాను మీ ముందుకు తీసుకురావడానికి ప్రయత్నిస్తానని వెల్లడింతారు. అందుకే ఉన్ని ముకుందన్ ను సీక్వెల్ నుంచి మేకర్స్ తప్పించినట్లు తెలుస్తోంది .
భవిష్యత్తు ప్రణాళికలు
కాగా.. 2024 డిసెంబర్లో విడుదలైన ‘మార్కో చిత్రంలో వయొలెన్స్ విపరీతంగా ఉన్నట్లు టాక్ వినిపించింది. దీంతో కొందరు మార్కో చిత్రంపై విమర్శలు కూడా చేశారు. అయినప్పటికీ ఈ చిత్రం బాక్సాఫీస్ వద్ద మంచి విజయాన్ని సాధించింది. హనీఫ్ అదేని దర్శకత్వం వహించారు. ఈ చిత్రం మలయాళం, హిందీ భాషలలో ఒకేసారి విడుదల కాగా.. తెలుగు వెర్షన్ జనవరి 1న, తమిళ వెర్షన్ జనవరి 3న థియేటర్లలోకి వచ్చింది.
మార్కో సినిమా సూపర్ హిట్ అయినప్పటికీ, నెగెటివిటీ కారణంగా ఉన్ని ముకుందన్ సీక్వెల్ నుంచి తప్పుకున్నారు. ఇప్పుడు మార్కో సీక్వెల్ ఎవరితో తెరకెక్కబోతుందో చూడాలి.
