📌 Key Points
- పవన్ కళ్యాణ్, హరీష్ శంకర్ కాంబినేషన్లో వస్తున్న ‘ఉస్తాద్ భగత్ సింగ్’ చిత్రం.
- అమెరికాలో ఆశించిన స్థాయిలో ప్రీ బుకింగ్స్ లేని కారణంగా అభిమానులు నిరాశ.
- గతంలో పవన్ నటించిన ‘హరిహర వీరమల్లు’ సినిమా బుకింగ్స్ను కూడా అధిగమించలేకపోయిన ‘ఉస్తాద్ భగత్ సింగ్’.
- రణ్వీర్ సింగ్ సినిమా విడుదల కూడా ‘ఉస్తాద్ భగత్ సింగ్’ సినిమాపై ప్రభావం చూపింది.
పవన్ కళ్యాణ్ హీరోగా హరీష్ శంకర్ దర్శకత్వంలో వస్తున్న ‘ఉస్తాద్ భగత్ సింగ్’ చిత్రం విడుదలకు సిద్ధంగా ఉంది. అయితే, ఈ సినిమా ప్రీ బుకింగ్స్ ఆశించిన స్థాయిలో లేకపోవడంతో అభిమానులు నిరాశకు గురవుతున్నారు.
ఉస్తాద్ భగత్ సింగ్ ప్రీ బుకింగ్స్ పరిస్థితి
Ustaad Bhagat Singh: పవన్ కళ్యాణ్ హీరోగా హరీష్ శంకర్ దర్శకత్వంలో ప్రేక్షకుల ముందుకు రాబోతున్న తాజా చిత్రం ఉస్తాద్ భగత్ సింగ్(Ustaad Bhagat Singh). ఈ సినిమా ఉగాది పండుగను పురస్కరించుకొని మార్చి 19వ తేదీ ప్రేక్షకుల ముందుకు రాబోతున్న నేపథ్యంలో ప్రమోషన్లను కూడా వేగవంతం చేస్తున్నారు. ఈ సినిమా ప్రమోషన్లలో భాగంగా డైరెక్టర్ వరుస ఇంటర్వ్యూలలో పాల్గొంటున్నారు. ఇక ఈ సినిమా నుంచి వరుస అప్డేట్స్ విడుదల చేస్తూ సినిమాపై భారీగా అంచనాలను పెంచేస్తున్నారు. ఇటీవల ఈ సినిమా నుంచి కాలర్ ఎత్తరా అంటూ థర్డ్ సింగిల్ విడుదల చేసిన సంగతి తెలిసిందే.
ఇలా రెండు తెలుగు రాష్ట్రాలలో ఈ సినిమా పట్ల భారీ అంచనాలు ఉన్నప్పటికీ యూఎస్ఏ లో మాత్రం ఈ సినిమా పూర్తిగా అభిమానులను నిరాశ పరుస్తుందని చెప్పాలి. అక్కడ ఈ సినిమా ప్రీ బుకింగ్స్ చాలా దారుణంగా ఉన్నాయని చెప్పాలి . పవన్ కళ్యాణ్ ఇటీవల నటించిన హరిహర వీరమల్లు (HHVM)సినిమా బుకింగ్స్ ను కూడా ఉస్తాద్ భగత్ సింగ్ సినిమా బీట్ చేయలేకపోవడంతో అభిమానులు ఆశ్చర్యం వ్యక్తం చేస్తున్నారు. నిజానికి ఉస్తాద్ భగత్ సింగ్ సినిమా పట్ల భారీ స్థాయిలో అంచనాలు ఉన్నప్పటికీ ఈ సినిమా బుకింగ్స్ మాత్రం అభిమానులను నిరాశకు గురి చేస్తున్నాయి.
అమెరికాలో నిరాశపరిచిన బుకింగ్స్
పవన్ కళ్యాణ్ హరీష్ శంకర్ కాంబినేషన్లో సినిమా అంటేనే మరో గబ్బర్ సింగ్ రేంజ్ లో ఈ చిత్రాన్ని ఊహించుకున్నారు .వీరిద్దరి కాంబినేషన్లో వచ్చిన గబ్బర్ సింగ్ సినిమా ఇండస్ట్రీ రికార్డులను తిరగరాసింది. తిరిగి మరోసారి ఈ కాంబినేషన్ లో సినిమా ప్రేక్షకుల ముందుకు రాబోతున్న నేపథ్యంలో ఈ సినిమా పట్ల భారీ అంచనాలు ఉన్నప్పటికీ దారుణమైన బుకింగ్స్ అవుతాయని అభిమానులు కూడా ఊహించి ఉండరని చెప్పాలి. మరి రాబోయే రోజులలో ఈ సినిమా ప్రీ బుకింగ్స్ విషయంలో వీరమల్లు, ఓజి సినిమాలను బీట్ చేసి ముందుకు వెళ్తుందా లేదంటే అభిమానులను నిరాశ పరుస్తుందా అనేది తెలియాల్సి ఉంది.
ఈ విధంగా ఉస్తాద్ భగత్ సింగ్ సినిమాకు ప్రీ బుకింగ్స్ కు సరైన ఆదరణ లేకపోవడానికి కారణం లేదని చెప్పాలి ఇటీవల పవన్ నటించిన వీరమల్లు, ఓజి సినిమాలు అనుకున్న స్థాయిలో ఆదరణను నోచుకోని నేపథ్యంలో ఈ సినిమా ప్రీ బుకింగ్ ప్రభావం చూపుతోందని తెలుస్తోంది. ఇక ఈ సినిమాకు పోటీగా బాలీవుడ్ నటుడు రణవీర్ సింగ్ ప్రధాన పాత్రలో నటించిన ధురంధర్ సినిమా కూడా అదే రోజున విడుదల కాబోతున్న నేపథ్యంలో ఆ ప్రభావం కూడా ఉస్తాద్ భగత్ సింగ్ సినిమా పై పడిందనే చెప్పాలి. మరి మార్చి 19వ తేదీ రాబోతున్న ఈ సినిమా ఏ విధమైనటువంటి అంచనాలను అందుకుంటుందనేది తెలియాల్సి ఉంది.
సినిమాపై ఇతర సినిమాల ప్రభావం
మొత్తానికి, ‘ఉస్తాద్ భగత్ సింగ్’ సినిమా ప్రీ బుకింగ్స్ ఆశించిన స్థాయిలో లేకపోవడం అభిమానులను కలవరానికి గురిచేస్తోంది. రాబోయే రోజుల్లో బుకింగ్స్ పుంజుకుంటాయో లేదో చూడాలి.
