ఉస్తాద్ భగత్ సింగ్: పవన్ కళ్యాణ్ విధ్వంసం! ట్విట్టర్ షేక్.. బ్లాక్ బస్టర్ హిట్టేనా?

Published: 18-03-2026, 5:05 PM

📌 Key Points

పవన్ కళ్యాణ్ ఉస్తాద్ భగత్ సింగ్: ఫస్ట్ హాఫ్ అదిరింది, వింటేజ్ పవన్ కళ్యాణ్ తిరిగి వచ్చేశాడు!
శ్రీలీల, రాశి ఖన్నా గ్లామర్ మెరుపులు, కానీ నటించే స్కోప్ తక్కువ, అభిమానులకు కాస్త నిరాశ!
దేవిశ్రీ ప్రసాద్ సంగీతం, తమన్ బీజీయం సినిమాకు హైలైట్, పవన్ ఫ్యాన్స్ పండగ చేసుకుంటున్నారు.
హరీష్ శంకర్ మార్క్ ఎలివేషన్ సీన్స్, కానీ రొటీన్ స్టోరీతో సామాన్య ప్రేక్షకులకు కొంచెం బోర్!

పవర్ స్టార్ పవన్ కళ్యాణ్, హరీష్ శంకర్ కాంబినేషన్లో వచ్చిన ఉస్తాద్ భగత్ సింగ్ చిత్రం విడుదల అయింది. ఈ సినిమాపై భారీ అంచనాలు ఉన్నాయి. చిత్రం ఎలా ఉందో ఇప్పుడు చూద్దాం!

పవన్ కళ్యాణ్ మాస్ ఎంట్రీ: అదిరిన ఫస్ట్ హాఫ్!

పవర్ స్టార్ పవన్ కళ్యాణ్, హరీష్ శంకర్ కాంబినేషన్ లో తెరకెక్కిన ఉస్తాద్ భగత్ సింగ్ చిత్రంపై మంచి అంచనాలు ఉన్నాయి. ఇటీవల చిత్ర యూనిట్ చేసిన ప్రచార కార్యక్రమాలతో సినిమాపై బజ్ ఇంకా పెరిగింది. ఈ చిత్రంలో శ్రీలీల, రాశి ఖన్నా హీరోయిన్లుగా నటించారు. రావు రమేష్, పార్తీబన్ కీలక పాత్రల్లో నటించారు. ఈ చిత్రానికి దేవిశ్రీ ప్రసాద్ సంగీతం అందించగా, తమన్ బీజియం ఇచ్చారు. మొత్తంగా థియేటర్స్ లోకి ఉస్తాద్ భగత్ సింగ్ వచ్చేసింది. యుఎస్ ప్రీమియర్ షోలు ప్రారంభం అయ్యాయి. ప్రీమియర్స్ నుంచి ఈ చిత్రానికి ఎలాంటి రెస్పాన్స్ దక్కుతుందో ట్విట్టర్ రివ్యూలో తెలుసుకుందాం.

పవన్ కళ్యాణ్ చిన్ననాటి సన్నివేశాలతో ఈ చిత్ర కథ ప్రారంభం అవుతుంది. పోలీస్ స్టేషన్ లో పవన్ ఎంట్రీ ఇచ్చే సీన్ ఆకట్టుకునే విధంగా ఉంటుంది. ఇక అక్కడి నుంచి అసలు కథ మొదలవుతుంది. ఆడియన్స్ నుంచి ఫస్ట్ హాఫ్ కి మంచి రిపోర్ట్స్ వస్తున్నాయి. ఫస్ట్ హాఫ్ ఎంటర్టైనింగ్ గా ఉందని అంటున్నారు. కానీ రొటీన్ స్టోరీ అని కూడా చెబుతున్నారు.

శ్రీలీల, రాశి ఖన్నా గ్లామర్ ట్రీట్.. కథలో ట్విస్ట్!

చాలా కాలం తర్వాత వింటేజ్ పవన్ కళ్యాణ్ ని చూస్తున్నాం అని అంటున్నారు. పవన్ కళ్యాణ్ కామెడీ టైమింగ్, యాక్షన్ ఎపిసోడ్స్, ఎక్కే దాక అనే సాంగ్ బాగా వర్కౌట్ అయ్యాయి. డైరెక్టర్ హరీష్ శంకర్ కొత్తగా ట్రై చేయకుండా పవన్ కళ్యాణ్ స్ట్రెంత్ ని దృష్టిలో పెట్టుకునే ఈ చిత్రం తెరకెక్కించినట్లు ఉంది. పవన్ కళ్యాణ్ ఎలివేషన్ సీన్స్ కూడా బాగానే వర్కౌట్ అయ్యాయి.

ట్విట్టర్ లో ఉస్తాద్ భగత్ సింగ్ టాక్: హిట్టా ఫట్టా?

ఇక సెకండ్ హాఫ్ లో కూడా కొన్ని సాలిడ్ ఎపిసోడ్స్ ఉన్నాయి. అవకాశం ఉన్న ప్రతి సీన్ లో హరీష్ శంకర్ పవన్ కళ్యాణ్ ని ఎలివేట్ చేస్తూ వచ్చారు. అయితే ఈ చిత్రంలో కూడా కొన్ని మైనస్ లు ఉన్నాయి. సినిమా స్టార్టింగ్ నుంచి ఎండింగ్ వరకు పవన్ కళ్యాణ్ వన్ మ్యాన్ షో అన్నట్లుగా సాగింది. కొత్తగా ప్రయత్నించిన అంశాలు లేవు. దీనితో ఆడియన్స్ రొటీన్ గా ఫీల్ అయ్యే అవకాశం ఉంది.

కొన్ని మాస్ సన్నివేశాలు గతంలో చాలా సార్లు చూసినట్లుగా రొటీన్ గా అనిపిస్తాయి. రాశి ఖన్నా, శ్రీలీల లకు నటించే అవకాశం తక్కువగా దొరికింది. ఇక తమన్ తన బిజీయంతో అవసరమైన సపోర్ట్ ఇచ్చారు. ఓవరాల్ గా చెప్పాలంటే ఉస్తాద్ మూవీ కేవలం పవన్ కళ్యాణ్ ఎనెర్జీ, అభిమానులని దృష్టిలో పెట్టుకుని తెరకెక్కించినదే.

ఉస్తాద్ భగత్ సింగ్ మూవీ పవన్ కళ్యాణ్ అభిమానులకు పండగే. మిగతా ప్రేక్షకులకు నచ్చుతుందో లేదో చూడాలి. మరిన్ని అప్డేట్స్ కోసం చూస్తూనే ఉండండి.