టాలీవుడ్ రౌడీ హీరో విజయ్ దేవరకొండ, నేషనల్ క్రష్ రష్మిక మందన్నా ఎంగేజ్మెంట్ గురించిన వార్తలు సోషల్ మీడియాలో కలకలం సృష్టిస్తున్నాయి. రహస్యంగా నిశ్చితార్థం జరిగిందని, ఫిబ్రవరిలో పెళ్లి అని ప్రచారం జరుగుతోంది. అయితే, దీనిపై ఇరువురి నుండి అధికారిక ప్రకటన ఇంకా రాలేదు.
Key Points
రౌడీ హీరో విజయ్ దేవరకొండ, నేషనల్ క్రష్ రష్మిక మందన్నా రహస్య నిశ్చితార్థం వార్తలు.
వచ్చే ఏడాది ఫిబ్రవరిలో డెస్టినేషన్ వెడ్డింగ్కు ముహూర్తాలు కుదిరాయని ప్రచారం.
విజయ్, రష్మికల నుండి నిశ్చితార్థం, పెళ్లి వార్తలపై అధికారిక ప్రకటన ఇంకా రాలేదు.
ఇద్దరూ సాంప్రదాయ దుస్తుల్లో విడివిడిగా షేర్ చేసిన ఫొటోలు వైరల్.
రహస్యంగా నిశ్చితార్థం జరిగిందా?
రౌడీ హీరో విజయ్ దేవరకొండ, నేషనల్ క్రష్ రష్మిక మందన్నా ఎంగేజ్మెంట్ జరిగిందంటూ అటు సోషల్ మీడియాలో, ఇటు మీడియా సైట్లలో వార్తలు జోరుగా వస్తున్నాయి. శుక్రవారం అంటే అక్టోబర్ 4న చాలా రహస్యంగా విజయ్, రష్మిక నిశ్చితార్థం జరిగనట్లు పలు బాలీవుడ్ సైట్స్ సైతం పేర్కొన్నాయి.
హైదరాబాద్లోని విజయ్ దేవరకొండ నివాసంలోనే ఉదయం 11 గంటలకు రష్మిక మందన్నాతో నిశ్చితార్థం జరిగిందని సమాచారం. ఇరు కుటుంబ సభ్యులు, అత్యంత సన్నిహితుల సమక్షంలో చాలా నిరాడంబరంగా విజయ్ దేవరకొండ-రష్మిక మందన్నా ఎంగేజ్మెంట్ జరిగిందని నిన్నటి నుంచి జోరుగా ప్రచారం జరుగుతోంది.
ఈ విషయాన్ని హీరో హీరోయిన్ల సన్నిహితులు స్వయంగా ప్రకటించినట్లు సమాచారం. అంతేకాకుండా వచ్చే ఏడాది ఫిబ్రవరిలో విజయ్ రష్మిక పెళ్లికి ముహుర్తాలు కుదిరినట్లు తెలుస్తోంది. అలాగే, విజయ్ దేవరకొండ, రష్మిక మందన్నా ఫిబ్రవరిలో డెస్టినేషన్ వెడ్డింగ్ చేసుకోనున్నట్లు రూమర్స్ వినిపిస్తున్నాయి.
ఫిబ్రవరిలో డెస్టినేషన్ వెడ్డింగ్ ప్రచారం
అయితే, ఈ నిశ్చితార్థం, పెళ్లి వార్తలపై అటు విజయ్ దేవరకొండ గానీ ఇటు రష్మిక మందన్నా గానీ ఇప్పటివరకు ఎలాంటి అధికారిక ప్రకటన ఇవ్వలేదు. దీనిపై స్పందించనూ కూడా లేదు. కానీ, ఈ ఎంగేజ్మెంట్ వార్తల నేపథ్యంలో విజయ్, రష్మికల ఇన్స్టాగ్రామ్ అకౌంట్స్ను నెటిజన్స్ సెర్చ్ చేసి మరి చూస్తున్నారు.
వాటిలో రష్మిక మందన్నా, విజయ్ దేవరకొండ విడివిడిగా షేర్ చేసిన ఫొటోల్లో ఇద్దరు సాంప్రదాయబద్ధంగా కనిపించడం ఈ నిశ్చితార్థపు వార్తలకు బలం చేకూర్చేలా కనిపిస్తోంది. ఎర్ర చీర, నుదుటన బొట్టుతోలో చాలా ట్రెడిషనల్గా రష్మిక కనిపిస్తే.. విజయ్ దేవరకొండ షేర్వానీలో స్టైలిష్గా అట్రాక్ట్ చేశాడు.
నెట్టింట వైరల్ అవుతున్న ఫొటోలు
ఇప్పుడు ఈ ఫొటోలు సోషల్ మీడియాలో తెగ వైరల్ అవుతున్నాయి. అయితే, ఈ ఫొటోలు వేరే వేడుకల్లో భాగంగా తీసుకున్నట్లుగా నెటిజన్స్ కామెంట్స్ చేస్తున్నారు. దసరా సందర్భంగా రష్మిక అలా ఫొటోలు దిగితే.. న్యూయార్క్లో విజయ్ దేవరకొండ పోజులు ఇచ్చినట్లుగా వారి క్యాప్షన్ ద్వారా తెలుస్తోంది.
ఇదిలా ఉంటే, గత కొన్ని నెలలుగా రష్మిక, విజయ్ డేటింగ్ చేస్తున్నట్లు రూమర్స్ వినిపిస్తున్న విషయం తెలిసిందే. వీరిద్దరు ఈ విషయంపై డైరెక్ట్గా ఎప్పటికీ చెప్పకపోయినప్పటికీ పలు సందర్భాల్లో ఒకే ప్లేసులో విడివిడిగా ఫొటోలు షేర్ చేస్తూ దొరికిపోయారు. ఎయిర్ పోర్ట్, వెకేషన్స్లో విజయ్, రష్మిక షేర్ చేసిన ఫొటోలు వీరి లవ్ ట్రాక్ వార్తలకు ప్రాణం పోశాయి.
విజయ్, రష్మిక నిశ్చితార్థం, పెళ్లి వార్తలు ఊహాగానాలేనా, లేక నిజమేనా అనేది వారి అధికారిక ప్రకటన వచ్చేవరకు స్పష్టత రాదు. ఏది ఏమైనా, వారి అభిమానులు మాత్రం ఈ వార్తలను ఆసక్తిగా అనుసరిస్తున్నారు.
