📌 Key Points
- విజయ్ దేవరకొండ, రష్మికల పెళ్లి ఫిబ్రవరి 26న రాజస్థాన్లో జరగనున్నట్లు సమాచారం! అభిమానుల్లో ఆనందం.
- మార్చి 4న హైదరాబాద్లో సినీ ప్రముఖుల కోసం గ్రాండ్ రిసెప్షన్ ఏర్పాటు చేయనున్నారని సమాచారం.
- పెళ్లి ఇన్విటేషన్ వస్తే మీకు వాట్సాప్లో ఫార్వర్డ్ చేస్తానన్న తరుణ్ భాస్కర్ సెటైరికల్ కామెంట్స్!
- విజయ్, రష్మికల పెళ్లిపై అధికారిక ప్రకటన కోసం అభిమానుల నిరీక్షణ! సస్పెన్స్ కొనసాగుతోంది.
టాలీవుడ్ లవ్ బర్డ్స్ విజయ్ దేవరకొండ, రష్మిక మందన్నల పెళ్లి వార్త ఇప్పుడు సెన్సేషన్ క్రియేట్ చేస్తోంది. వీరి పెళ్లికి సంబంధించిన ఆసక్తికరమైన విషయాలు ఇప్పుడు వైరల్ అవుతున్నాయి.
రాజస్థాన్లో డెస్టినేషన్ వెడ్డింగ్!
టాలీవుడ్ క్రేజీ జంట విజయ్ దేవరకొండ(Vijay Deverakonda), రష్మిక మందన్న(Rashmika Mandanna)ల పెళ్లి వార్త ఇప్పుడు ఫిలిం నగర్లో హాట్ టాపిక్గా మారింది. సోషల్ మీడియాలో వైరల్ అవుతున్న సమాచారం ప్రకారం, ఫిబ్రవరి 26న రాజస్థాన్లోని ఉదయ్పూర్లో ఉన్న ఒక చారిత్రాత్మక కోటలో వీరిద్దరూ ఏడడుగులు వేయబోతున్నారట. ఇప్పటికే దీనికి సంబంధించిన వివాహ వేదిక వీడియోలు నెట్టింట హల్చల్ చేస్తుండగా, పెళ్లి ఏర్పాట్లు కూడా శరవేగంగా జరుగుతున్నట్లు తెలుస్తోంది. ఉదయ్పూర్లో డెస్టినేషన్ వెడ్డింగ్ ముగిసిన తర్వాత, మార్చి 4న హైదరాబాద్లో సినీ ప్రముఖుల కోసం భారీ రిసెప్షన్ ఏర్పాటు చేయనున్నట్లు సమాచారం. ఈ పెళ్లి వార్తలపై తాజాగా హీరో, దర్శకుడు తరుణ్ భాస్కర్(Tarun Bhaskar) తనదైన శైలిలో స్పందించారు. ఆయన హీరోగా నటిస్తున్న ‘గాయపడ్డ సింహం’ చిత్ర ట్రైలర్ లాంచ్ ఈవెంట్లో విజయ్-రష్మిక పెళ్లి గురించి ప్రశ్న ఎదురవగా.. తరుణ్ రియాక్ట్ అయ్యాడు.
‘‘నాకు ఇంకా పెళ్లి ఇన్విటేషన్ రాలేదు. ఒకవేళ కార్డు వస్తే గనుక కచ్చితంగా మీకు వాట్సాప్లో ఫార్వర్డ్ చేస్తా.. అప్పుడు ఇద్దరం కలిసి వెళ్దాం’’ అని చెప్పడంతో అక్కడున్న వారంతా నవ్వుల్లో మునిగిపోయారు. తరుణ్ చేసిన ఈ సెటైరికల్ కామెంట్స్ ఇప్పుడు సోషల్ మీడియాలో తెగ వైరల్ అవుతున్నాయి. అయితే ఈ వివాహంపై అటు విజయ్ దేవరకొండ కానీ, ఇటు రష్మిక కానీ ఇప్పటి వరకు అధికారికంగా స్పందించలేదు. ఆహ్వాన పత్రికలు కూడా సిద్ధమవుతున్నాయని ప్రచారం జరుగుతున్నప్పటికీ, స్టార్ కపుల్ నుంచి క్లారిటీ వచ్చే వరకు ఇవన్నీ కేవలం గాసిప్స్ అని కొందరు కొట్టిపారేస్తున్నారు. ఏది ఏమైనా, రాజస్థాన్ కోటలో పెళ్లి, హైదరాబాద్లో గ్రాండ్ రిసెప్షన్ అనే వార్తలు మాత్రం అభిమానుల్లో భారీ ఆసక్తిని రేకెత్తిస్తున్నాయి. అధికారిక ప్రకటన వస్తే తప్ప ఈ సస్పెన్స్కు తెరపడేలా లేదు.
హైదరాబాద్లో గ్రాండ్ రిసెప్షన్ ప్లాన్
తరుణ్ భాస్కర్ ఫన్నీ రియాక్షన్ వైరల్
విజయ్, రష్మికల పెళ్లి వార్త ఇండస్ట్రీలో హాట్ టాపిక్గా మారింది. దీనిపై మరింత సమాచారం కోసం చూస్తూ ఉండండి. అధికారిక ప్రకటన వచ్చే వరకు వేచి చూద్దాం!
