📌 Key Points
- విజయ్ సేతుపతి కెరీర్లో 50వ చిత్రం ‘మహారాజా’కు సీక్వెల్ రాబోతుంది. సంచలన విజయం సాధించిన ఈ చిత్రం.
- బాక్సాఫీస్ వద్ద రూ. 200 కోట్లకు పైగా వసూళ్లు సాధించిన ‘మహారాజా’ రికార్డు బ్రేక్ చేసింది.
- దర్శకుడు నిథిలన్ సామినాథన్ సీక్వెల్ కోసం పవర్ఫుల్ లైన్ సిద్ధం చేశారు, ఇది మరింత ఉత్కంఠగా ఉండనుంది.
- ‘మహారాజా 2’లో మొదటి భాగం కంటే ఎక్కువ ట్విస్టులు, సస్పెన్స్లు ఉండబోతున్నాయి, ఫ్యాన్స్ కు పండగే.
విజయ్ సేతుపతి నటించిన ‘మహారాజా’ చిత్రం ఎంతటి విజయం సాధించిందో మనందరికీ తెలుసు. ఇప్పుడు ఆ సినిమాకు సీక్వెల్ రాబోతుందనే వార్త టాలీవుడ్ లో వైరల్ గా మారింది. ఈ సీక్వెల్ పై భారీ అంచనాలు నెలకొన్నాయి.
మహారాజా సీక్వెల్: విజయ్ సేతుపతి గ్రీన్ సిగ్నల్!
Maharaja Sequel: తమిళ స్టార్ విజయ్ సేతుపతి కెరీర్లో 50వ చిత్రంగా వచ్చిన ‘మహారాజా’ సృష్టించిన ప్రభంజనం గురించి ప్రత్యేకంగా చెప్పాల్సిన పనిలేదు. సాదాసీదా కథాంశంతో మొదలై, వెండితెరపై ఊహించని మలుపులతో ప్రేక్షకులను సీటు అంచున కూర్చోబెట్టింది ఈ సినిమా. అసలు ఏమాత్రం అంచనాలు లేకుండా వచ్చిన ఈ సినిమా బాక్సాఫీస్ వద్ద సుమారు రూ. 200 కోట్లకు పైగా వసూళ్లు సాధించి సరికొత్త రికార్డ్స్ క్రియేట్ చేసింది.
కేవలం థియేటర్లలోనే కాకుండా.. ఓటీటీలో కూడా అత్యధిక వ్యూస్ సాధించి, గత ఐదేళ్లలో భారతీయ సినిమా అందించిన అత్యుత్తమ థ్రిల్లర్లలో ఒకటిగా నిలిచింది. ఇప్పుడు ఈ సెన్సేషనల్ హిట్ సినిమా గురించిన క్రేజీ న్యూస్ ఒకటి ఇండస్ట్రీ వర్గాల్లో వైరల్ గా మారింది. అదేంటంటే, మహారాజా సినిమాకు సీక్వెల్ రాబోతుందట. దర్శకుడు నిథిలన్ సామినాథన్ ఇప్పటికే ‘మహారాజా 2(Maharaja Sequel)’ కోసం ఒక పవర్ఫుల్ లైన్ను సిద్ధం చేసినట్లు సమాచారం.
నిథిలన్ పవర్ ఫుల్ స్క్రిప్ట్ రెడీ!
ఈ విషయంపై స్వయంగా విజయ్ సేతుపతి ఒక ఇంటర్వ్యూలో క్లారిటీ ఇచ్చాడు. దర్శకుడు నిథిలన్ సామినాథన్ సీక్వెల్ కి సంబందించిన చెప్పిన కీ పాయింట్ తనకు బాగా నచ్చిందని, పూర్తిస్థాయి స్క్రిప్ట్ వినడానికి తాను కూడా ఎంతో ఆతృతగా ఉన్నానని చెప్పుకొచ్చాడు విజయ్ సేతుపతి. మొదటి భాగంలో తండ్రి కూతుళ్ల సెంటిమెంట్తో పాటు సాగిన మైండ్ బ్లోయింగ్ సస్పెన్స్, రెండో భాగంలో మరిన్ని ఇంటెన్స్ ట్విస్టులతో ఉండబోతున్నట్లు తెలుస్తోంది. దీంతో, విజయ్ సేతుపతి ఫ్యాన్స్ ఆనందం వ్యక్తం చేస్తున్నారు.
భారీ అంచనాలతో మహారాజా 2!
ఇక మహారాజా సినిమా.. కేవలం భారత్లోనే కాకుండా చైనా, జపాన్ వంటి అంతర్జాతీయ మార్కెట్లలోనూ విశేష ఆదరణ పొందింది. ఇటీవల వరుస పరాజయాలతో సతమతమవుతున్న విజయ్ సేతుపతికి, ఈ సీక్వెల్ మరో భారీ బ్లాక్బస్టర్ను అందిస్తుందని ఆయన ఫ్యాన్స్ ఆశిస్తున్నారు. మహారాజా సినిమా సీక్వెల్ కి సంబంధించి మరిన్ని వివరాలు త్వరలోనే మేకర్స్ వెల్లడించనున్నారు.
మహారాజా సీక్వెల్ గురించి మరిన్ని వివరాలు త్వరలోనే మేకర్స్ వెల్లడించనున్నారు. ఈ సినిమా ఎలాంటి రికార్డులు క్రియేట్ చేస్తుందో చూడటానికి అందరూ ఆసక్తిగా ఎదురుచూస్తున్నారు. మరిన్ని అప్డేట్స్ కోసం చూస్తూ ఉండండి.
