అశోక్ గల్లా హీరోగా నటించిన ‘వింటారా సరదాగా’ చిత్రం టీజర్ ఇటీవల విడుదలైంది. అమెరికా నేపథ్యంలో తెరకెక్కుతున్న ఈ రొమాంటిక్ కామెడీ డ్రామా విదేశాల్లో చదువుకునే విద్యార్థుల జీవితాలను తెరపైకి తీసుకువస్తుంది.
Key Points
అశోక్ గల్లా హీరోగా నటించిన 'వింటారా సరదాగా' టీజర్ విడుదల
అమెరికా నేపథ్యంలో రొమాంటిక్ కామెడీ డ్రామా
సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ నిర్మాణం
విదేశాల్లోని విద్యార్థుల జీవితాలను ప్రతిబింబించే కథ
‘వింటారా సరదాగా’ టీజర్ విడుదల
అశోక్ గల్లా హీరోగా నటించిన మూడో సినిమా ‘ వింటారా సరదాగా ‘ ( Vintara Saradaga) నుంచి తాజాగా టీజర్ విడుదలైంది . ఇప్పటికే ఆయన దేవకీనందన వాసుదేవ , హీరో వంటి సినిమాలతో తెలుగు ప్రేక్షకులకు దగ్గరయ్యాడు . ఇప్పుడు కడుపుబ్బా నవ్వించేందుకు మళ్లీ వస్తున్నాడు . అశోక్ గల్లా హీరోగా, రాహుల్ విజయ్, శివాత్మిక, శ్రీ గౌరీప్రియ ఇతర ప్రధాన పాత్రధారులుగా నటించిన ‘ వింటారా సరదాగా’ చిత్రం రొమాంటిక్ కామెడీ డ్రామా తెరకెక్కనుంది. అమెరికా నేపథ్యంలో ఈ చిత్రాన్ని యువ దర్శకుడు ఉద్భవ్ తెరకెక్కించనున్నారు. సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ పతాకాలపై సూర్యదేవర నాగవంశీ, సాయి సౌజన్య ఈ చిత్రాన్ని నిర్మిస్తున్నారు. ‘‘ప్రేక్షకులను కడుపుబ్బా నవ్వించే హాస్యంతో పాటు హృదయాన్ని హత్తుకునే డ్రామాగా ఈ చిత్రం అలరించనుంది .
విదేశాల్లోని విద్యార్థుల జీవితాలను ప్రతిబింబించేలా వినోదాత్మకంగా, సరికొత్తగా సినిమా టీజర్ ఉంది . ఒక వైపు అగ్ర కథానాయకులతో భారీ చిత్రాలు చేస్తూనే, మరోవైపు యువ ప్రతిభను ప్రోత్సహిస్తూ వైవిధ్యమైన చిత్రాలను నిర్మిస్తోంది ప్రముఖ నిర్మాణ సంస్థ సితార ఎంటర్టైన్మెంట్స్. సితార సంస్థ నుంచి వస్తున్న మరో విభిన్న చిత్రం ‘ VISA – వింటారా సరదాగా’ అని చెప్పవచ్చు . అమెరికా నేపథ్యంలో సాగే ఈ చిత్ర టీజర్ అద్భుతంగా ఉంది. ఎన్నో కలలతో కొత్త ప్రపంచంలోకి అడుగుపెట్టిన తెలుగు విద్యార్థుల ప్రయాణాలను చూపిస్తూ టీజర్ ఎంతో అందంగా సాగింది. స్నేహం, ప్రేమ, గందరగోళం, ఊహించని సవాళ్లు వంటి అంశాలతో టీజర్ ఆద్యంతం ఆసక్తికరంగా నడిచింది. భావోద్వేగాలతో నిండిన ఓ మధుర ప్రయాణాన్ని ఈ చిత్రంలో చూడబోతున్నామనే హామీని టీజర్ ఇచ్చింది.
అమెరికా నేపథ్యం, రొమాంటిక్ కామెడీ
సితార ఎంటర్టైన్మెంట్స్ నిర్మాణం
అమెరికాలోని విద్యార్థుల జీవితాలను ఆసక్తికరంగా చూపిస్తూ, హాస్యం, డ్రామాతో ‘వింటారా సరదాగా’ ప్రేక్షకులను అలరించనుంది. టీజర్ ఆకట్టుకునేలా ఉంది.
