హృతిక్ రోషన్, ఎన్టీఆర్, కియారా అద్వానీ జంటగా నటించిన యాక్షన్ ఎంటర్టైనర్ ‘వార్ 2’ సినిమా విడుదలకు 50 రోజులు మాత్రమే మిగిలి ఉన్నాయి. ఈ సందర్భంగా మేకర్స్ కొత్త పోస్టర్లను విడుదల చేశారు.
Key Points
హృతిక్ రోషన్, ఎన్టీఆర్, కియారా అద్వానీ నటించిన వార్ 2 సినిమా ఆగస్టు 14న విడుదల.
విడుదలకు 50 రోజుల కౌంట్డౌన్ ప్రారంభం.
ఐమ్యాక్స్ థియేటర్లలో ప్రపంచవ్యాప్తంగా విడుదల.
నటీనటుల పోస్టర్స్ విడుదలై సినిమాపై ఆసక్తి పెరిగింది.
50 రోజుల కౌంట్డౌన్
థియేటర్స్లో ‘వార్ 2’కి యాభై రోజుల కౌంట్డౌన్ మొదలైంది. హృతిక్ రోషన్, ఎన్టీఆర్, కియారా అద్వానీ లీడ్ రోల్స్లో నటించిన స్పై యాక్షన్ సినిమా ‘వార్ 2’. ‘వైఆర్ఎఫ్ (యశ్రాజ్ ఫిల్మ్స్)’ స్పై యూనివర్స్లో భాగంగా రూపొందిన ‘వార్ 2’ని అయాన్ ముఖర్జీ దర్శకత్వంలో ఆదిత్యా చోప్రా నిర్మించారు. ఈ చిత్రం ఆగస్టు 14న విడుదల కానుంది.
ఐమ్యాక్స్ విడుదల
కాగా ఈ సినిమా విడుదలకు సరిగ్గా 50 రోజులు ఉన్న నేపథ్యంలో ఈ సినిమాలో నటించిన ఎన్టీఆర్, హృతిక్ రోషన్, కియారా అద్వానీల పోస్టర్స్ను మేకర్స్ గురువారం విడుదల చేశారు. అలాగే ‘వార్ 2’ సినిమాను ఉత్తర అమెరికా, మిడిల్ ఈస్ట్, యూకె, యూరప్, ఆస్ట్రేలియా, ఆఫ్రికా, సౌత్ ఈస్ట్ ఆసియా సహా భారతదేశంలో ఐమ్యాక్స్ థియేటర్లలో విడుదల చేయనున్నట్లుగా కూడా మేకర్స్ తెలిపారు.
నటీనటుల పోస్టర్స్
‘‘భారతీయ సినీ పరిశ్రమలో ఇద్దరు సూపర్ స్టార్స్ హృతిక్ రోషన్, ఎన్టీఆర్ల మధ్య జరిగే ఈ అద్భుతమైన పోరును ఐమ్యాక్స్ ఫార్మాట్లో ప్రదర్శించడం ద్వారా ప్రపంచవ్యాప్తంగా ఉన్న అభిమానులకు, ప్రేక్షకులకు ఒక అద్భుతమైన అనుభూతిని అందించనున్నాం’’ అని తెలిపారు యశ్ రాజ్ ఫిల్మ్స్ ఇంటర్నేషనల్ డిస్ట్రిబ్యూషన్ వైస్ ప్రెసిడెంట్ నెల్సన్ డిసౌజా. ‘‘యాక్షన్’ చిత్రాలకే ‘వార్ 2’ సినిమా ఓ పాఠంలా ఉంటుంది. ప్రేక్షకులు మర్చిపోలేని సినిమాటిక్ ఎక్స్పీరియన్స్ను ఐమ్యాక్స్లో మాత్రమే పొందగలరు’’ అని పేర్కొన్నారు ఐమ్యాక్స్ ఇంటర్నేషనల్ డెవలప్మెంట్, డిస్ట్రిబ్యూషన్ వైస్ ప్రెసిడెంట్ క్రిస్టఫర్ టిల్లా్మన్.
వార్ 2 సినిమా విడుదలకు 50 రోజులు మాత్రమే మిగిలి ఉన్నాయి. ఐమ్యాక్స్ థియేటర్లలో విడుదల కానున్న ఈ సినిమా భారీ అంచనాలను పెంచుతోంది.
