📌 Key Points
- ఐఫోన్ యూజర్ల కోసం వాట్సాప్ ‘వ్యూ వన్స్’ మెసేజ్ ఫీచర్ను తీసుకువస్తోంది.
- ఈ ఫీచర్తో పంపిన మెసేజ్లు ఒక్కసారి చూసిన తర్వాత ఆటోమేటిక్గా మాయమవుతాయి.
- మెసేజ్లను కాపీ, ఫార్వార్డ్ లేదా సేవ్ చేయకుండా నిరోధిస్తుంది.
- ప్రస్తుతం టెస్టింగ్ దశలో ఉంది, త్వరలో అందరికీ అందుబాటులోకి రానుంది.
వాట్సాప్ ఐఫోన్ యూజర్ల కోసం సరికొత్త ‘వ్యూ వన్స్’ మెసేజ్ ఫీచర్ను తీసుకువస్తోంది. ఈ ఫీచర్ ద్వారా మీరు పంపే మెసేజ్లు అవతలి వ్యక్తి ఒక్కసారి చూడగానే మాయమైపోతాయి. ఇది మీ ప్రైవసీకి మరింత భద్రతను అందిస్తుంది. ఈ అద్భుతమైన ఫీచర్ ఎలా పనిచేస్తుందో తెలుసుకుందాం.
వ్యూ వన్స్ మెసేజ్ ఫీచర్ అంటే ఏమిటి?
WhatsApp iPhone : వాట్సాప్ ఐఫోన్ యూజర్లకు గుడ్ న్యూస్.. ఇక మీ ప్రైవసీకి మరింత సేఫ్టీ.. ప్రత్యేకించి ఆపిల్ ఐఫోన్ యూజర్ల కోసం వాట్సాప్ సరికొత్త ఫీచర్ తీసుకువస్తోంది. ఈ కొత్త ఫీచర్ ద్వారా మీరు పంపే మెసేజ్ ఒకసారి చూడగానే వెంటనే మాయమైపోతుంది. యూజర్లను ఆకట్టుకునేందుకు యాప్కు ఎప్పటికప్పుడు కొత్త ఫీచర్లను అందిస్తోంది.
ఇప్పుడు, ఫోటోలు, వీడియోల కోసం ‘View Once’ ఫీచర్ను ప్రవేశపెట్టగా మెసేజ్ల కోసం కూడా కంపెనీ ‘View Once’ఫీచర్పై పనిచేస్తోంది. ఈ ఫీచర్తో, మెసేజ్లను (WhatsApp iPhones) ఒకసారి చూశాక అవి వాటంతట అవే అదృశ్యమవుతాయి. ఈ ఫీచర్ ప్రస్తుతం టెస్టింగ్ స్టేజీలో ఉంది. అతి త్వరలోనే రిలీజ్ చేసే అవకాశం ఉంది.
వాట్సాప్ నివేదిక ప్రకారం.. ఆండ్రాయిడ్ ఐఓఎస్ బీటా వెర్షన్లలో ఈ ఫీచర్ వివరాలు రివీల్ అయ్యాయి. అయితే, ఈ ఫీచర్ ఇంకా టెస్టింగ్ అందుబాటులోకి రాలేదు. సున్నితమైన సమాచారాన్ని షేర్ చేయకుండా యూజర్లకు మరింత కంట్రోలింగ్ ఇవ్వాలని వాట్సాప్ ఈ ఫీచర్ తీసుకువస్తోంది.
ఈ ఫీచర్ ఎలా పనిచేస్తుంది?
Read Also : PF withdrawal : PF డబ్బులు కావాలా? ఫస్ట్ మీ EPFO ఖాతాలో ఈ డిటైల్స్ చెక్ చేసుకోండి.. లేదంటే పైసా కూడా రాదు..!
ఈ కొత్త ఫీచర్ ఎలా పనిచేస్తుంది? : నివేదికల ప్రకారం.. వాట్సాప్ యూజర్లు మెసేజ్ టైప్ చేసిన తర్వాత సెండ్ బటన్ను ఎక్కువసేపు ట్యాప్ చేసి పట్టుకుంటే చాలు.. ఈ ఫీచర్ యాక్టివేట్ అవుతుంది. అప్పుడు వారికి ‘Send As View Once’అనే ఆప్షన్ కనిపిస్తుంది. అప్పుడు మీ మెసేజ్ పంపే వ్యక్తికి ఒక్కసారి మాత్రమే చదివే ఫార్మాట్లో పంపవచ్చు. అవతల వ్యక్తి మీ మెసేజ్ ఒకసారి చూశాక అదృశ్యమవుతుంది. ఆ తర్వాత మళ్లీ చూడలేరు.
ప్రైవసీకి ఎంత భద్రత?
ఫోటోలు, వీడియోల కోసం ‘వ్యూ వన్స్’ ఫీచర్ మాదిరిగానే మెసేజ్ చూసిన వెంటనే కాపీ చేయడం, ఫార్వార్డ్ చేయడం, షేర్ చేయడం చేయలేరు. మెసేజ్ సేవ్ కూడా చేయలేకపోవచ్చు. స్క్రీన్షాట్లు, స్క్రీన్ రికార్డింగ్లపై కూడా లిమిట్స్ ఉండొచ్చు.
ఈ ఫీచర్ పర్సనల్ గ్రూప్ చాట్లు రెండింటిలోనూ వర్క్ అవుతుంది. అయితే, ఛానెల్లలో అందుబాటులో ఉండదు. ఈ ఫీచర్కు సంబంధించిన ఏ వివరాలనూ కంపెనీ ఇంకా వెరిఫై చేయలేదు.
వాట్సాప్ తీసుకువస్తున్న ఈ ‘వ్యూ వన్స్’ మెసేజ్ ఫీచర్ యూజర్ల ప్రైవసీని మరింత పెంచుతుంది. సున్నితమైన సమాచారాన్ని సురక్షితంగా పంచుకోవడానికి ఇది ఒక అద్భుతమైన పరిష్కారం. ఈ ఫీచర్ త్వరలో అందరికీ అందుబాటులోకి రావాలని ఆశిస్తున్నాం.
