స్వీడన్కు చెందిన ఒక జంట ‘సీతా పయనం’ చిత్రంలోని ‘ఏ ఊరికెళ్తావే పిల్లా’ పాటకు డ్యాన్స్ చేస్తూ సోషల్ మీడియాలో వైరల్ అయ్యారు. ఈ వీడియో తెలుగు సినిమాలకున్న ప్రపంచవ్యాప్త ఆదరణను చాటుతోంది.
Key Points
స్వీడన్ దేశస్థులు కర్ల్ స్వాన్బెర్గ్ మరియు ఆయన భార్య 'సీతా పయనం' చిత్రంలోని పాటకు డ్యాన్స్ చేశారు.
'ఏ ఊరికెళ్తావే పిల్లా' పాటకు వారి నృత్యం సోషల్ మీడియాలో వైరల్ అయింది.
వారి వీడియో తెలుగు వంటకాలను కూడా ప్రదర్శించింది.
తెలుగు సినిమాలకు విదేశీ అభిమానుల సంఖ్య పెరుగుతోంది.
విదేశీ జంట యొక్క వైరల్ డ్యాన్స్ వీడియో
తెలుగు సినిమాలకు ప్రపంచవ్యాప్తంగా క్రేజ్ వస్తోంది . మన టాలీవుడ్ చిత్రాలకు విదేశీ ఫ్యాన్స్ ఫిదా అయిపోతుంటారు . జపానీయులైతే మన చిత్రాలను తెగ చూసేస్తారు . జపాన్ కు చెందిన జూనియర్ ఎన్టీఆర్ అభిమాని తెలుగు కూడా నేర్చుకుని అందరినీ ఆశ్చర్యానికి గురి చేసింది . అంతలా మన సినిమాలకు ఫారినర్స్ ఫిదా అయిపోయారు . ఇక డేవిడ్ వార్నర్ గురించి చెప్పాల్సిన పనిలేదు . పుష్ప మేనరిజంతో రీల్స్ చేస్తూ అలరించిన డేవిడ్ వార్నర్ .. నితిన్ మూవీ రాబిన్ హుడ్ తో ఏకంగా టాలీవుడ్ ఎంట్రీ ఇచ్చారు . అంతలా మన సినిమాలు , పాటలకు విదేశీ ఆడియన్స్ సైతం ఫిదా అయిపోవాల్సిందే .
‘సీతా పయనం’ చిత్రం నుండి ప్రసిద్ధ పాట
గతంలో సంక్రాంతి వస్తున్నాం సాంగ్ తో అలరించిన విదేశీ జంట .. మరోసారి తెలుగు పాటతో సోషల్ మీడియాను షేక్ చేసింది . తాజాగా ఈ జంట మరోసారి తెలుగు సాంగ్ తో ప్రేక్షకులను అలరించింది . స్వీడన్కు చెందిన కర్ల్ స్వాన్బెర్గ్ అనే నటుడు తన సతీమణితో కలిసి మరో తెలుగు పాటకు డ్యాన్స్ చేశారు.
తెలుగు సినిమాల ప్రపంచవ్యాప్త ఆకర్షణ
అర్జున్ సర్జా మేనల్లుడు ధృవ సర్జా , ఐశ్వర్య అర్జున్ హీరో , హీరోయిన్లుగా నటించిన చిత్రం సీతా పయనం . ఈ సినిమాలో ‘ ఏ ఊరికెళ్తావే పిల్లా .. నువ్వు ఏ ఊరికెళ్తావే పిల్లా .. మా ఊరు రావే పిల్లా ‘ అనే పాటను రీ క్రియేట్ చేశారు . తెలుగు వంటకాలను పరిచయం చేస్తూ విదేశీ జంట చేసిన వీడియో నెట్టింట వైరల్ గా మారింది . తెలుగు ఆడియన్స్ ను ఈ వీడియో తెగ ఆకట్టుకుంటోంది . కాగా .. అర్జున్ సర్జా నటిస్తూ, దర్శకత్వం వహించిన చిత్రం ‘సీతా పయనం . అర్జున్ కుమార్తె, హీరోయిన్ ఐశ్వర్యా అర్జున్ మెయిన్ లీడ్ రోల్లో నటించింది . సత్యరాజ్, ప్రకాశ్రాజ్, కోవై సరళ కీలక పాత్రల్లో నటించారు .
తెలుగు సినిమా పాటలకు విదేశాల్లోనూ మంచి ఆదరణ లభిస్తోంది. ఈ వీడియో ద్వారా తెలుగు సంస్కృతి ప్రపంచానికి చేరుతోంది.
