సూపర్ స్టార్ మహేశ్ బాబు గ్లోబల్ క్రేజ్ మరోసారి నిరూపితమైంది. ఆస్ట్రేలియాలోని పెర్త్ నుంచి 6,817 కి.మీ ప్రయాణించి గ్లోబ్ట్రాటర్ ఈవెంట్కు వచ్చిన ఓ అభిమాని కథ వైరల్గా మారింది. ఈ ఘటన మహేశ్ బాబుకున్న ప్రపంచవ్యాప్త అభిమానులను స్పష్టం చేసింది.
Key Points
ఆస్ట్రేలియా నుంచి హైదరాబాద్కు 6,817 కి.మీ ప్రయాణించిన మహేశ్ బాబు అభిమాని.
గ్లోబ్ట్రాటర్ ఈవెంట్కు హాజరయ్యేందుకు ఈ సుదీర్ఘ ప్రయాణం.
అభిమాని సునీల్ పోస్ట్ సోషల్ మీడియాలో భారీగా వైరల్ అయింది.
ఎస్.ఎస్. రాజమౌళి కుమారుడు కార్తికేయ స్పందనతో మరింత హైప్.
ఆస్ట్రేలియా నుంచి గ్లోబ్ట్రాటర్ ఈవెంట్కు
టాలీవుడ్ సూపర్ స్టార్ మహేశ్ బాబు ఫ్యాన్స్ మరోసారి ప్రపంచ దృష్టిని ఆకర్షించారు. ఆస్ట్రేలియాలోని పెర్త్ నగరం నుంచి హైదరాబాద్ వరకు 6,817 కి.మీ దూరం.. కేవలం మహేశ్ బాబును చూడాలనే కోరికతో హైదరాబాద్ కు వచ్చారు సూపర్ స్టార్ ఫ్యాన్స్. రామోజీ ఫిల్మ్ సిటీలో జరిగిన ‘గ్లోబ్ట్రాటర్’ ఈవెంట్ కోసం ప్రత్యేకంగా 12 గంటల ప్రయాణం చేసి నగరానికి చేరుకున్నానని చేసిన పోస్టు వైరల్ గామారింది.
గ్లోబ్ట్రాటర్ ఈవెంట్ కోసం ప్రపంచవ్యాప్తంగా ఉన్న అభిమానులు వచ్చారు. కానీ, ఒక అభిమాని అంత దూరం నుంచి రావడం అందరిని ఆశ్చర్యపరుస్తోంది. పెర్త్ వీధుల నుంచి RFC వరకు సాగిన తన ప్రయాణాన్ని సునీల్ స్వయంగా సోషల్ మీడియాలో పంచుకోవడంతో ఒక్కసారిగా వైరల్ అయింది.
సునీల్ చేసిన పోస్ట్లో ప్రయాణానికి సంబంధించిన ఫోటోలు, ప్రత్యేక గ్లోబ్ట్రాటర్ పాస్పోర్ట్, ఫ్లైట్ డిటైల్స్ ఉన్నాయి. తన పోస్టులో “12 hours of flight and 6817 kms from the streets of Perth to RFC Hyderabad. #JaiBabu #GlobeTrotter” అంటూ పేర్కొన్నాడు. ఇది మహేశ్ బాబు అభిమానుల్లో మరింత ఉత్సాహం నింపింది. వేలాది లైక్లు, షేర్లు, కామెంట్లు కొద్ది గంటల్లోనే వైరల్ అయింది. సునీల్ చేసిన ఈ ప్రయాణం కేవలం ఒక ఫ్యాన్ మూమెంట్ మాత్రమే కాదు, మహేశ్ బాబు గ్లోబల్ క్రేజ్ ఎంతదో స్పష్టంగా చూపించిందని నెటిజన్లు కామెంట్స్ చేస్తున్నారు.
అభిమాని పోస్ట్ వైరల్, కార్తికేయ స్పందన
దర్శకుడు ఎస్.ఎస్.రాజమౌళి కుమారుడు కార్తికేయ ఈ పోస్ట్పై స్పందించడంతో ఇది సోషల్ మీడియాలో సునామీ రేపింది. “ఒక్కడే తెలుగోడు మాత్రమే అనుభూతి చెందే బిగ్గెస్ట్ ఎమోషన్. Sky also not the limit.” అనే కార్తికేయ మాటలు అభిమానుల్లో సంబరాలు రేకెత్తించాయి. ఈ స్పందనతో సునీల్ పోస్ట్ టాలీవుడ్ వర్గాల్లో, ముఖ్యంగా మహేశ్ బాబు ఫ్యాన్ కమ్యూనిటీలో రచ్చ లేపింది.
After 12hr of flight and 6817 kms from streets of Perth to RFC Hyderabad. #JaiBabu @urstrulyMahesh #GlobeTrotter day. pic.twitter.com/eWZzlwg5gB
మహేశ్ బాబు గ్లోబల్ క్రేజ్
— Sunil Avula (@avulasunil) November 15, 2025
ఈ ఫ్యాన్స్ ప్రయాణం మహేశ్ బాబు అంతర్జాతీయ స్థాయి మార్కెట్, పాపులారిటీకి మరో నిదర్శనం. ప్రత్యేకించి విదేశాల్లో ఉన్న తెలుగు ప్రజల్లో మహేశ్ సినిమాలకు క్రేజ్ ను ఇది చూపిస్తుంది. అందుకే మహేష్ సినిమాలు ఓవర్సీస్లోనూ భారీ కలెక్షన్లను సాధిస్తాయి. సింగపూర్, ఆస్ట్రేలియా, అమెరికా, యూకే వంటి దేశాల నుంచి కూడా అభిమానులు ఈ ఈవెంట్కు రావడం టాలీవుడ్లో అరుదైన సంఘటనగా నిలిచింది.
ఈ సంఘటన మహేశ్ బాబుకి ప్రపంచవ్యాప్తంగా ఉన్న అభిమానుల బలాన్ని, ఆయన గ్లోబల్ స్టార్డమ్ను మరోసారి నిరూపించింది. ఇలాంటి ఫ్యాన్ మూమెంట్స్ టాలీవుడ్ ఖ్యాతిని మరింత పెంచుతున్నాయి.
