📌 Key Points
- ఆది సాయి కుమార్, అరుణ దంపతులకు మగబిడ్డ జననం.
- ‘శంబాల’ సినిమాతో ఆది సాయి కుమార్ హిట్ అందుకున్నాడు.
- తాత సాయి కుమార్ ఆనందంలో మునిగిపోయారు.
- లిటిల్ ఫింగర్స్ పోస్ట్ తో వారసుడి రాకను ప్రకటించిన ఆది.
నటుడు ఆది సాయి కుమార్ ఇంట ప్రస్తుతం రెట్టింపు ఆనందం నెలకొంది. ఇటీవల విడుదలైన ‘శంబాల’ సినిమా హిట్ టాక్ అందుకోగా, ఇప్పుడు అతనికి ఓ పండంటి మగబిడ్డ జన్మించాడు. ఈ డబుల్ ధమాకాతో ఆది కుటుంబం సంబరాలు చేసుకుంటోంది.
ఆది సాయి కుమార్ ఇంట వారసుడి ఆగమనం
సీనియర్ నటుడు సాయి కుమార్, అతని తనయుడు ఆది సాయి కుమార్ ఇప్పుడు రెట్టింపు సంతోషంలో తేలిపోతున్నారు. రీసెంట్ గా శంబాల సినిమాతో హిట్ అందుకున్నాడు ఆది. ఇప్పుడు అతనికి కొడుకు పుట్టాడు. ఓ క్యూట్ పోస్ట్ తో ఈ విషయాన్ని వెల్లడించాడు ఆది.
శంబాల సినిమా సూపర్ హిట్
చాలా కాలం నుంచి ఓ హిట్ కోసం వెయిట్ చేసిన హీరో ఆది సాయి కుమార్ కు ఇప్పుడు డబుల్ డిలైట్. అతని ఆనందం ఇప్పుడు రెట్టింపైంది. ఓ వైపు అతని రీసెంట్ మూవీ శంబాల హిట్ గా నిలిచింది. మరోవైపు ఆది భార్య అరుణ ఓ పండంటి మగ బిడ్డకు జన్మనిచ్చింది. ఈ విషయాన్ని ఆది సాయి కుమార్ శనివారం (జనవరి 3) ఇన్ స్టాగ్రామ్ లో ఓ క్యూట్ పోస్ట్ తో పంచుకున్నాడు.
ఆది కెరీర్ మలుపు
2011లో ప్రేమ కావాలి సినిమాతో తెరంగేట్రం చేశాడు ఆది సాయి కుమార్. ఆ మూవీ హిట్ గా నిలిచింది. అంతేకాదు బెస్ట్ మేల్ డెబ్యూగా ఈ సినిమాకు ఆది ఫిల్మ్ ఫేర్, సైమా అవార్డులూ గెలుచుకున్నాడు. ఆ తర్వాత చాలా సినిమాలే చేసినా పెద్దగా హిట్లు దక్కలేదు. ఇప్పుడు శంబాలతో కాస్త రిలీఫ్ దొరికింది.
చాలా కాలం తర్వాత హిట్, ఇప్పుడు వారసుడి రాకతో ఆది సాయి కుమార్ కెరీర్, వ్యక్తిగత జీవితం కొత్త మలుపు తీసుకున్నాయి. ఈ ఆనందకరమైన క్షణాలు అతని కుటుంబానికి మరింత ఉత్సాహాన్ని నింపాయి.
