📌 Key Points
- అడివి శేష్ తన కొత్త సినిమా ‘డెకాయిట్’లో ‘తూ చీజ్ బడీ హై మస్త్ మస్త్’ పాటను రీక్రియేట్ చేశాడు.
- తొలిసారి స్కూల్ స్టేజ్పై డ్యాన్స్ చేసింది ఈ పాటకే అని శేష్ ఎమోషనల్ అయ్యాడు.
- ఈ పాట హక్కులను అధికారికంగా కొనుగోలు చేసి సినిమాలో ఉపయోగించుకుంటున్నారు.
- ‘డెకాయిట్’ మార్చి 19న తెలుగు, హిందీ భాషల్లో విడుదల కానుంది; మృణాల్ ఠాకూర్, అనురాగ్ కశ్యప్ కీలక పాత్రల్లో.
టాలీవుడ్ స్టార్ అడివి శేష్ తన ‘డెకాయిట్’ సినిమాలో 90ల హిట్ పాట ‘తూ చీజ్ బడీ హై మస్త్ మస్త్’ను రీమిక్స్ చేస్తున్నారు. తన తొలి స్టేజ్ డ్యాన్స్ మెమొరీకి గుర్తుగా ఈ పాటను సినిమాలో పెట్టినట్లు శేష్ భావోద్వేగంగా వెల్లడించారు. ఈ వార్త ప్రస్తుతం సినీ వర్గాల్లో చర్చనీయాంశంగా మారింది.
తూ చీజ్ బడీ: అడివి శేష్ తొలి డ్యాన్స్ మెమొరీ
టాలీవుడ్ స్టార్ హీరో అడివి శేష్ ఈ ఏడాది డెకాయిట్ మూవీతో వస్తున్న విషయం తెలుసు కదా. ఈ సినిమాలో తూ చీజ్ బడీ హై మస్త్ మస్త్ సాంగ్ ఉండటంపై అతడు స్పందించాడు. ఈ హిందీ పాట అంటే తనకు ఎంత ఇష్టమో అతడు చెప్పుకొచ్చాడు.
టాలీవుడ్ వెర్సటైల్ హీరో అడివి శేష్ తన నెక్ట్స్ మూవీ ‘డెకాయిట్’ (Dacoit) కోసం ఒక క్రేజీ నిర్ణయం తీసుకున్నాడు. 90వ దశకంలో దేశాన్ని ఊపేసిన హిందీ పాట “తూ చీజ్ బడి హై మస్త్ మస్త్” (Tu Cheez Badi Hai Mast Mast)ను ఈ సినిమాలో రీమిక్స్/రీక్రియేట్ చేయబోతున్నారు. దీనికి సంబంధించిన హక్కులను అధికారికంగా కొనుగోలు చేసినట్లు శేష్ వెల్లడించాడు.
డెకాయిట్: కథా నేపథ్యం, నటీనటులు
చిన్నప్పటి మెమొరీ.. స్కూల్ స్టేజ్ పై డాన్స్
“కొన్ని పాటలు మనతో పాటే ఉండిపోతాయి. 90ల్లో పెరిగిన మాకు ఈ పాట అంటే ఒక వైబ్. నిజానికి నేను స్కూల్ స్టేజ్ మీద చేసిన మొట్టమొదటి డాన్స్ పెర్ఫార్మెన్స్ ఈ పాటకే (మెడ్లీలో భాగంగా). ఆ జ్ఞాపకం నాకింకా గుర్తుంది. అందుకే సినిమా డిస్కషన్స్ జరుగుతున్నప్పుడు.. ఈ పాటను కేవలం ఒక గిమ్మిక్కులా కాకుండా, ఒక ఎమోషన్ లాగా వాడాలనిపించింది. చిన్నప్పుడు మ్యూజిక్, ఎంటర్టైన్మెంట్ ని ప్రేమించిన ఆ కుర్రాడికి నేను ఇచ్చే గౌరవం ఇది” అని శేష్ ఎమోషనల్ అయ్యాడు.
హక్కుల కొనుగోలు, విడుదల వివరాలు
అధికారికంగా రైట్స్ తీసుకుని..
ఇక ‘ డెకాయిట్ ‘ సినిమా విషయానికి వస్తే ఇందులో అడివి శేష్ సరసన మృణాల్ ఠాకూర్ నటిస్తోంది. తనను మోసం చేసిన మాజీ ప్రేమికురాలిపై పగ తీర్చుకోవాలనుకునే ఒక కోపంతో రగిలిపోయే ఖైదీ కథ ఇది. ప్రముఖ దర్శకుడు అనురాగ్ కశ్యప్ ఇందులో ఒక కీలక పాత్రలో కనిపిస్తాడు. షానీల్ డియో డైరెక్ట్ చేస్తున్నాడు. అన్నపూర్ణ స్టూడియోస్ సమర్పణలో సుప్రియ యార్లగడ్డ, సునీల్ నారంగ్ నిర్మిస్తున్నారు. ఈ సినిమా మార్చి 19న హిందీ, తెలుగు భాషల్లో విడుదల కానుంది. గత నెలలోనే మేకర్స్ టీజర్స్ రిలీజ్ చేశారు.
అడివి శేష్ ఈ పాటకు తన భావోద్వేగ అనుబంధాన్ని జోడించడం ‘డెకాయిట్’ సినిమాపై అంచనాలను పెంచుతోంది. ఈ ప్రత్యేకమైన భావోద్వేగం, కథాంశం సినిమాకు ఎలాంటి బలాన్ని చేకూర్చనుందో చూడాలి.
