📌 Key Points
- పెళ్లిపై ఐశ్వర్య లక్ష్మి సంచలన వ్యాఖ్యలు – సహజీవనానికే ఓటు!
- 34 ఏళ్ల వయస్సులో పెళ్లిపై విముఖత – కారణమిదేనట!
- సమాజంలో సంతోషంగా లేని జంటలను చూసి నిర్ణయం మార్చుకున్న ఐశ్వర్య లక్ష్మి.
- ఒకప్పుడు మ్యాట్రిమోనీలో ప్రొఫైల్.. ఆ తర్వాత మనసు మార్చుకున్న హీరోయిన్!
టాలీవుడ్ హీరోయిన్ ఐశ్వర్య లక్ష్మి పెళ్లి గురించి సంచలన వ్యాఖ్యలు చేశారు. ఆమె చేసిన కామెంట్స్ ఇప్పుడు సోషల్ మీడియాలో వైరల్ అవుతున్నాయి. అసలు ఐశ్వర్య లక్ష్మి ఎందుకిలా మాట్లాడారో తెలుసుకుందాం.
పెళ్లిపై ఐశ్వర్య లక్ష్మి సంచలన నిర్ణయం!
Aishwarya Lakshmi: సినిమా ఇండస్ట్రీలో హీరోయిన్స్ వ్యక్తిగత జీవితంపై, ముఖ్యంగా వారి వివాహంపై రకరకాల పుకార్లు రావడం మనం చూస్తూనే ఉంటాం. గతంలో అనుష్క, త్రిష వంటి చాలా మంది స్టార్ హీరోయిన్ల పెళ్లి గురించి ఎన్నో వార్తలు వినిపించాయి. అయితే, వీరందరికీ భిన్నంగా నటి ఐశ్వర్య లక్ష్మి(Aishwarya Lakshmi) మాత్రం తన పెళ్లి విషయంలో చాలా క్లారిటీగా ఉంది. 34 ఏళ్ల వయసున్న ఈ అమ్మడు, తనకు పెళ్లి పట్ల అస్సలు ఆసక్తి లేదని కుండబద్ధలు కొట్టినట్లు చెప్పేసింది.
29 ఏళ్ల వయసులోనే తనకు పెళ్లిపై పూర్తి అవగాహన వచ్చిందని, వైవాహిక బంధంలోకి అడుగుపెట్టే ఉద్దేశం లేదని ఆమె స్పష్టం చేస్తోంది. తన నిర్ణయాన్ని ఎవరూ మార్చలేరని, సంతోషకరమైన జీవితం గడపడానికి పెళ్లి అనేది తప్పనిసరి నిబంధన కాదని ఆమె బలంగా నమ్ముతోంది. చుట్టూ ఉన్న సమాజంలో అనేక వివాహాలను గమనించిన తర్వాతే ఐశ్వర్య ఈ నిర్ణయానికి వచ్చింది.
సహజీవనానికే ఓటు వేస్తున్న హీరోయిన్
మూడు దశాబ్దాల తన జీవితంలో ఎన్నో జంటలను చూశానని, కానీ వారిలో మనస్ఫూర్తిగా సంతోషంగా ఉన్నవారు చాలా తక్కువ మంది మాత్రమేనని ఆమె అభిప్రాయపడింది. ముఖ్యంగా పెళ్లి తర్వాత భాగస్వాముల కెరీర్ లో ఆటంకాలు కలగడం తనను ఆలోచింపజేసిందని పేర్కొంది. ఒకప్పుడు తను కూడా పెళ్లి గురించి ఎన్నో అందమైన కలలు కన్నానని, కానీ కాలక్రమేణా ఆ ఆలోచనలు మారిపోయాయని తెలిపింది. ఒంటరిగా ఉండటం కంటే, మనసులు కలిసిన వ్యక్తితో పెళ్లి అనే బంధం లేకుండా సహజీవనం చేయడమే మంచిదని అంటోంది.
ఎందుకు పెళ్లి వద్దనుకుంటున్నారో తెలుసా?
ఇక్కడ మరో ఆసక్తికరమైన విషయం ఏమిటంటే, ఒకానొక సమయంలో ఐశ్వర్య కూడా తన కెరీర్ పక్కన పెట్టి పెళ్లి చేసుకోవాలన్న ఆలోచనతో తన ప్రొఫైల్ను మ్యాట్రిమోనీ సైట్లో పెట్టిందట. కానీ, ఒక సెలబ్రిటీ ప్రొఫైల్ కావడంతో అది ‘ఫేక్’ అని భావించి చాలామంది లైట్ తీసుకున్నారట. సరిగ్గా అదే సమయంలో పెళ్లి అనే వ్యవస్థపై ఆమె ఆలోచనా దృక్పథం పూర్తిగా మారిపోయిందట. ఇద్దరు వ్యక్తుల మధ్య మనశ్శాంతి, తృప్తి ఉండాలి, కానీ అది పెళ్లితోనే సాధ్యం కాదని ఆమె గట్టిగా చెబుతోంది. ఇంతటి స్పష్టమైన అభిప్రాయాలు కలిగి ఉంది కాబట్టే, ప్రస్తుతం ఆమె పెళ్లి గురించి ఎలాంటి పుకార్లు వచ్చే అవకాశం లేకుండా పోయింది. దీంతో. ఐశ్వర్య లక్ష్మి చేసిన ఈ కామెంట్స్ ఇప్పుడు నెట్టింట వైరల్ అవుతున్నాయి.
ఐశ్వర్య లక్ష్మి తీసుకున్న ఈ నిర్ణయం టాలీవుడ్ లో హాట్ టాపిక్ గా మారింది. మరిన్ని ఆసక్తికరమైన అప్డేట్స్ కోసం చూస్తూనే ఉండండి.
