షాకింగ్: నాపై విమర్శలు వర్షం కురిసింది! ఐశ్వర్య రజినీకాంత్ సంచలన వ్యాఖ్యలు వైరల్!

Published: 14-02-2026, 2:05 AM

📌 Key Points

కొచ్చాడయాన్ సినిమాపై విమర్శలు, సాంకేతిక పరిజ్ఞానంపై అవగాహన లేకపోవడంతో నిరాశ చెందిన ఐశ్వర్య!
ప్రస్తుతం యానిమేషన్ టెక్నాలజీని ఆదరిస్తున్న ప్రేక్షకులు, ఐశ్వర్య ప్రయత్నాన్ని మెచ్చుకుంటున్న సినీ విమర్శకులు!
చిన్నతనంలో తండ్రి రజినీకాంత్‌తో గడిపిన మధుర క్షణాలు, షూటింగ్ స్పాట్‌లలో సందడి చేసిన ఐశ్వర్య!
సూపర్ స్టార్ రజినీకాంత్ బిజీ షెడ్యూల్, పిల్లలతో తక్కువ సమయం గడిపినా అనుబంధం పదిలంగా ఉందన్న ఐశ్వర్య!

సూపర్ స్టార్ రజినీకాంత్ కుమార్తె ఐశ్వర్య రజినీకాంత్ తాజాగా కొన్ని సంచలన విషయాలు వెల్లడించారు. ఆమె తన సినిమా కెరీర్ గురించి, తండ్రితో తనకున్న అనుబంధం గురించి ఎన్నో ఆసక్తికరమైన విషయాలు పంచుకున్నారు. ఆ వివరాలు ఇప్పుడు చూద్దాం.

కొచ్చాడయాన్ సినిమాపై ఐశ్వర్య కామెంట్స్!

కోలీవుడ్ సూపర్ స్టార్ రజినీకాంత్ కుమార్తె ఐశ్వర్య రజినీకాంత్(Aishwarya Rajinikanth), దర్శకురాలిగా తనకంటూ ఒక ప్రత్యేక గుర్తింపు తెచ్చుకుంది. నిత్యం పలు బ్లాక్ బస్టర్ హిట్స్ అందిస్తూ … సినీ ప్రియులను అలరిస్తోంది. ఇటీవల ఆమె తెరకెక్కించిన ‘విత్ లవ్’ (with love)థియేటర్స్‌లోకి వచ్చి సినీ సెలబ్రిటీలు ప్రశంసలు పొందింది. ఇదిలా ఉంటే.. తాజాగా ఒక ఇంటర్వ్యూలో పాల్గొన్న ఐశ్వర్య, తాను సినిమా ఇండస్ట్రీకి వచ్చిన కొత్తలో ఎదుర్కొన్న సవాళ్లు, తన తండ్రి రజినీకాంత్‌తో ఉన్న అనుబంధం గురించి ఆసక్తికర విషయాలను పంచుకుంది. 2014లో రజినీకాంత్ హీరోగా ఐశ్వర్య దర్శకత్వంలో ‘కొచ్చాడయాన్'(Kochadaiiyaan) అనే యానిమేషన్ సినిమా వచ్చింది. ఆ సినిమా గురించి ఐశ్వర్య మాట్లాడుతూ.. ‘‘ఆ సినిమా విడుదలయ్యాక నాపై చాలా విమర్శలు వచ్చాయి. అప్పట్లో మన దేశంలో యానిమేషన్ (మోషన్ క్యాప్చర్) సాంకేతికత గురించి జనాలకు పెద్దగా అవగాహన లేదు. అందుకే ఆ సినిమాను బొమ్మల సినిమా అని వెక్కిరించారు.

అందులో ఉన్నది రజినీకాంత్ కాదని కొందరు విమర్శించడం నన్ను చాలా బాధించింది. కొత్త విషయాలను ప్రయత్నించినప్పుడు జనం వెంటనే ఆదరించకపోవడం కష్టంగా అనిపించింది’’ అని ఆమె ఆవేదన వ్యక్తం చేసింది. ప్రస్తుతం వస్తున్న సినిమాల గురించి చెబుతూ.. ‘‘అప్పట్లో నేను ఏదైతే ప్రయత్నించానో, ఇప్పుడు అవే టెక్నిక్స్‌ను పెద్ద పెద్ద సినిమాల్లో వాడుతున్నారు. ఇప్పుడు వస్తున్న ‘మహా అవతార్ నరసింహ’ వంటి యానిమేషన్ చిత్రాలు పెద్ద హిట్లు కావడం చూస్తుంటే సంతోషంగా ఉంది. నేను 10 ఏళ్ల క్రితమే ఇలాంటి వినూత్న ప్రయత్నం చేశాను’’ అని చెప్పింది. ఇక తన తండ్రి గురించి చెబుతూ ఐశ్వర్య ఎమోషనల్ అయింది. ‘‘మా నాన్న నేను పుట్టకముందే సూపర్ స్టార్. అప్పట్లో ఆయన ఒకేసారి నాలుగైదు సినిమాలు చేస్తూ చాలా బిజీగా ఉండేవారు. దానివల్ల చిన్నతనంలో మేము నాన్నను చాలా మిస్ అయ్యాము. ఆయనతో సమయం గడపడం కోసం మేము షూటింగ్ స్పాట్‌లకు వెళ్లేవాళ్లం. ఆయన నటించిన సినిమాలన్నీ థియేటర్ల కంటే ముందు డబ్బింగ్ స్టూడియోల్లోనే చూసేవాళ్లం’’ అని తన చిన్ననాటి జ్ఞాపకాలను పంచుకుంది.