📌 Key Points
- చిలుకూరు బాలాజీ ప్రధాన అర్చకులు రంగరాజన్ అఖండ 2 సినిమాను వీక్షించారు.
- సినిమాలో ధర్మం గురించి అద్భుతంగా చూపించారని, ప్రతి ఒక్కరూ చూడాలని సూచించారు.
- అఖండ 2లో లాజిక్, మ్యాజిక్ రెండూ ఉన్నాయని, సీటులో నుండి కదలకుండా చూశానని తెలిపారు.
- సినిమాలోని బాలయ్య డైలాగులు తన తండ్రిని గుర్తు చేశాయని రంగరాజన్ ప్రత్యేకంగా ప్రశంసించారు.
బాలయ్య నటించిన అఖండ 2 సినిమాపై ప్రఖ్యాత చిలుకూరు బాలాజీ అర్చకులు రంగరాజన్ తన అభిప్రాయాన్ని పంచుకున్నారు. ధర్మం గురించి సినిమా అద్భుతంగా చూపించిందని, ప్రతి ఒక్కరూ తప్పక చూడాలని ఆయన ప్రశంసించారు. సినిమాలోని లాజిక్, మ్యాజిక్పై ఆయన చేసిన వ్యాఖ్యలు ఆసక్తికరంగా మారాయి.
చిలుకూరు అర్చకుల అఖండ 2 వీక్షణ
బాలయ్య హీరోగా నటించిన అఖండ 2 సినిమాను ప్రఖ్యాత చిలుకూరు బాలాజీ టెంపుల్ ప్రధాన అర్చకులు రంగరాజన్ వీక్షించారు. అనంతరం థియేటర్ వద్ద ఆయన మీడియాతో మాట్లాడి తన అభిప్రాయాన్ని పంచుకున్నారు. సినిమాలో ధర్మం గురించి అద్భుతంగా చూపించారని అన్నారు. ప్రతి ఒక్కరూ ఈ సినిమా చూడాలని చెప్పారు. సినిమాలో లాజిక్, మ్యాజిక్ రెండూ ఉన్నాయని అన్నారు. సీటులో నుండి కదలకుండా సినిమా చూశానని అన్నారు. భగవంతుడు ఉన్నాడా.. ఉంటే ఇంత అరాచకానని సహిస్తూ ఉంటాడా అనేది ప్రతి ఒక్కరిలో ఉండే ప్రశ్న అని, ప్రపంచంలో మిగతాా చోట్ల అర్థ, కామం కోసమే జీవిస్తారని అన్నారు.
కానీ భారతదేశంలో మాత్రం ధర్మ, అర్థ, కామ, మోక్షాల కోసం జీవిస్తారని చెప్పారు. మన గడ్డపై ధర్మమే ముఖ్య భూమిక పోషిస్తుందని వ్యాఖ్యానించారు. ధర్మం ఎప్పుడు ఇబ్బందుల్లో ఉంటుందో అప్పుడు ఏదో ఒక రూపంలో భగవంతుడు వస్తాడన్నారు. తన ధర్మాన్ని రక్షించుకుంటాడన్నారు. ఇదే ఇతివృత్తం అఖండ 2లో చూపించారన్నారు. గుడి అనేది భక్తులకు చెందిన సన్నిధి అనే తమ తండ్రి మాటలు సినిమా చూసిన తరవాత గుర్తు వచ్చాయన్నారు. సినిమాలోని బాలయ్య డైలాగులు తమ తండ్రిని గుర్తు చేశాయని చెప్పారు. డైలాగ్ రైటర్ ను అభినందించాలని వ్యాఖ్యానించారు. సినిమా గురించి మాట్లాడితే గంటసేపు చెప్పవచ్చని.. గట్టిగా ఐదు నిమిషాలు కూడా కూర్చుని రాయలేని పనికిమాలినవాళ్లు ఇచ్చే రివ్యూలు పట్టించుకోనవసరంలేదన్నారు. ఎవరో ఎందుకు చెప్పాలి.. సినిమా మీరే చూసి రివ్వ్యూ చెప్పండని అన్నారు.
సినిమాపై రంగరాజన్ ప్రశంసలు
ధర్మం, బాలయ్య డైలాగులు: అర్చకుల ప్రత్యేక వ్యాఖ్యలు
మొత్తంగా, చిలుకూరు అర్చకులు రంగరాజన్ అఖండ 2 సినిమాకు గొప్ప ప్రశంసలు కురిపించారు. సినిమాలోని ధర్మ సూత్రాలు, బాలయ్య డైలాగులు తనను ఎంతగానో ఆకట్టుకున్నాయని స్పష్టం చేశారు. ఈ అనూహ్య రివ్యూ సినిమాకు మరింత బూస్ట్నిస్తుందని భావిస్తున్నారు.
