📌 Key Points
- కరీంనగర్లో అల్లు అర్జున్ ఫ్యాన్స్ అసోసియేషన్ రాష్ట్ర స్థాయి సమావేశం ఘనంగా జరిగింది.
- రాష్ట్రంలోని బన్నీ అభిమానులను ఒకే తాటిపైకి తెచ్చేందుకు ఈ మీటింగ్ దోహదపడుతుంది.
- అభిమానుల ద్వారా ఏడాదికి ఒక మంచి పని చేయాలనే కాన్సెప్ట్ను బన్నీ ప్రోత్సహిస్తున్నారు.
- కొత్తగా ఐదు జిల్లాలకు నూతన కమిటీలను ఎన్నుకున్నారు, అంజి యాదవ్ అధ్యక్షత వహించారు.
ఐకాన్ స్టార్ అల్లు అర్జున్ అభిమానుల సంఘం తెలంగాణలో దూసుకుపోతోంది. కరీంనగర్ వేదికగా జరిగిన రాష్ట్ర స్థాయి సమావేశం విజయవంతమైంది. అభిమానులందరూ ఒకే తాటిపైకి వచ్చి సేవా కార్యక్రమాలు చేయాలనే లక్ష్యంతో ముందుకు సాగుతున్నారు.
రాష్ట్ర స్థాయిలో అల్లు అర్జున్ అభిమానుల సమావేశం
AAFA: టాలీవుడ్ సెన్సేషన్, ఐకాన్ స్టార్ అల్లు అర్జున్ (Icon Star Allu Arjun) అంటే కేవలం వెండితెరపై డ్యాన్సులు, డైలాగులు మాత్రమే కాదు.. అదొక ఎమోషన్గా అందరికీ ఎక్కేస్తున్నారు. ఈ విషయాన్ని మరోసారి నిరూపించారు ఆయన అభిమానులు. తాజాగా కరీంనగర్ వేదికగా జరిగిన అల్లు అర్జున్ ఫ్యాన్స్ అసోసియేషన్ (Allu Arjun Fans Association) రాష్ట్ర స్థాయి సమావేశం అత్యంత వైభవంగా, భారీ ఎత్తున విజయవంతమైందని వారు అధికారికంగా ప్రకటన విడుదల చేశారు. రాష్ట్రవ్యాప్తంగా ఉన్న బన్నీ ఆర్మీని ఒక్కతాటిపైకి తెచ్చేందుకు ఈ మీటింగ్ ఒక బలమైన పునాదిగా నిలిచిందట. ఇటీవల అల్లు అర్జున్.. ‘ఏడాదికి ఒక మంచి పని’ అనే కాన్సెప్ట్తో అభిమానులను దగ్గరకు తీస్తున్న విషయం తెలిసిందే. దీనికై అల్లు అర్జున్ ఫ్యాన్స్ (Allu Arjun Fans) అసోసియేషన్ ఏర్పాటు చేసి, ప్రతి జిల్లాకు కమిటీలను ఏర్పాటు చేస్తున్నారు. ఈ క్రమంలోనే ఇప్పుడు ఐదు జిల్లాలకు చెందిన నూతన కమిటీలను ప్రకటించారు.
అభిమానుల ద్వారా సేవా కార్యక్రమాలు
ఈ సమావేశానికి AAFA తెలంగాణ రాష్ట్ర అధ్యక్షుడు అంజి యాదవ్ నేతృత్వం వహించారు. కేవలం సినిమా రిలీజ్ రోజున హడావుడి చేయడమే కాకుండా, క్రమశిక్షణతో కూడిన ఒక వ్యవస్థను నిర్మించడమే లక్ష్యంగా ఈ భేటీ సాగింది. ఇందులో భాగంగా తెలంగాణలోని కీలకమైన ఐదు జిల్లాలకు నూతన జిల్లా కమిటీలను ప్రకటించారు. ఆ జిల్లాలు ఏవంటే.. కరీంనగర్, ఖమ్మం, ఆదిలాబాద్, వరంగల్, నిజామాబాద్. ఈ కమిటీల ద్వారా క్షేత్రస్థాయిలో అభిమానుల మధ్య సమన్వయాన్ని పెంచడమే కాకుండా, రాష్ట్రవ్యాప్తంగా AAFA నెట్వర్క్ను మరింత విస్తరించనున్నారు. ప్రతి గ్రామం నుంచి పట్టణం వరకు అల్లు అర్జున్ నామస్మరణ మారుమోగేలా ప్రణాళికలు సిద్ధం చేస్తున్నారు.
నూతన జిల్లా కమిటీల ప్రకటన
అల్లు అర్జున్ ఇచ్చిన ‘One Good Deed Every Year’ పిలుపు మేరకు.. అభిమానులందరినీ ఒక్క తాటిపైకి తీసుకొస్తున్నారు. ప్రతి అభిమాని ఏడాదికి కనీసం ఒక మంచి పని చేసి సమాజానికి అండగా నిలవాలనే సంకల్పంతో అసోసియేషన్ను ఏర్పాటు చేశారు. కరీంనగర్ సమావేశంలో అంజి యాదవ్ ఇదే విషయాన్ని మరోసారి నొక్కి చెప్పారు. కేవలం కటౌట్లు, ఫ్లెక్సీలకే పరిమితం కాకుండా.. రక్తదాన శిబిరాలు, పేద విద్యార్థులకు సాయం, పర్యావరణ పరిరక్షణ వంటి సేవా కార్యక్రమాల్లో ఫ్యాన్స్ ముందుండాలని ఆయన పిలుపునిచ్చారు. ఈ పిలుపుతో ఉత్సాహం పొందిన అభిమానులు, తమ హీరో స్ఫూర్తితో సామాజిక సేవలో సరికొత్త రికార్డులు సృష్టిస్తామని ప్రతినబూనారు. కరీంనగర్లో జరిగిన ఈ మీటింగ్కు ఆయా జిల్లాల ప్రతినిధులు, వేలాది మంది అభిమానులు హాజరయ్యారు. రాష్ట్ర నాయకత్వం తీసుకున్న ఈ నిర్ణయాలతో తెలంగాణలో అల్లు అర్జున్ ఫ్యాన్ బేస్ మరో లెవల్కు వెళ్లడం ఖాయమనేలా ఫ్యాన్స్ సంబరాలు చేసుకుంటున్నారు.
అల్లు అర్జున్ స్ఫూర్తితో అభిమానులు సమాజానికి ఉపయోగపడే పనులు చేయడానికి సిద్ధంగా ఉన్నారు. ఇది కేవలం సినిమా అభిమానం కాదు, సేవా భావంతో కూడిన బాధ్యత అని నిరూపిస్తున్నారు.
