ఐకాన్ స్టార్ అల్లు అర్జున్ కాంతార ఛాప్టర్ 1 సినిమాపై తన మనసులోని మాటను బయటపెట్టారు. ఈ సినిమాను మైండ్ బ్లోయింగ్ మూవీగా అభివర్ణించిన ఆయన, రిషబ్ శెట్టి అద్భుతమైన వన్ మ్యాన్ షో చేశారని కొనియాడారు. ఈ బ్లాక్ బస్టర్ మూవీ ప్రపంచవ్యాప్తంగా భారీ వసూళ్లను సాధించింది.
Key Points
ఐకాన్ స్టార్ అల్లు అర్జున్ కాంతార ఛాప్టర్ 1ని మైండ్ బ్లోయింగ్ మూవీగా అభివర్ణించారు.
రిషబ్ శెట్టి వన్ మ్యాన్ షో అద్భుతమని అల్లు అర్జున్ కొనియాడారు.
కాంతార ఛాప్టర్ 1 ప్రపంచవ్యాప్తంగా రూ.809 కోట్లు వసూలు చేసింది.
ఈ రివ్యూను అల్లు అర్జున్ తన ఇన్స్టాగ్రామ్ స్టోరీస్లో పోస్ట్ చేశారు.
అల్లు అర్జున్ కాంతార రివ్యూ
కాంతార ఛాప్టర్ 1 సినిమాను ఆకాశానికెత్తాడు ఐకాన్ స్టార్ అల్లు అర్జున్. ఇదో మైంబ్ బ్లోయింగ్ మూవీ అని, రిషబ్ శెట్టి వన్ మ్యాన్ షో చేశాడని చెప్పాడు. ఈ సినిమా రివ్యూను అతడు ఇన్స్టాగ్రామ్ స్టోరీస్ లో పోస్ట్ చేశాడు.
కాంతార ఛాప్టర్ 1 మూవీ అభిమానుల్లో మరో సెలబ్రిటీ చేరిపోయాడు. అతడు మరెవరో కాదు టాలీవుడ్ ఐకాన్ స్టార్ అల్లు అర్జున్. గురువారం (అక్టోబర్ 23) రాత్రి ఈ సినిమా చూశానని చెప్పిన అతడు.. మూవీ రివ్యూ రెండు ముక్కల్లో చెప్పేశాడు. ఇదొక మైంబ్ బ్లోయింగ్ సినిమా అని అతడు అనడం విశేషం.
అల్లు అర్జున్ కాంతార ఛాప్టర్ 1 రివ్యూ
మైండ్ బ్లోయింగ్ మూవీ: అల్లు అర్జున్
ప్రతి క్రాఫ్ట్ లోనూ అద్భుతమనిపించాడు. రుక్మిణి వసంత్, జయరాం, గుల్షన్ దేవయ్య గార్ల నటన చాలా బాగుంది. టెక్నీషియన్లందరూ ముఖ్యంగా మ్యూజిక్ డైరెక్టర్ అజనీస్, సినిమాటోగ్రాఫర్, ఆర్ట్ డైరెక్టర్, స్టంట్స్ అన్నీ అద్భుతంగా ఉన్నాయి. హోంబలే ఫిల్మ్స్ కు శుభాకాంక్షలు. నిజంగా ఇదొక మాటలకు అందని అద్భుతమైన అనుభవం” అని అల్లు అర్జున్ రివ్యూ రాశాడు.
అత్యధిక వసూళ్ల మూవీ కాంతార ఛాప్టర్ 1
కాంతార బాక్స్ ఆఫీస్ వసూళ్లు
కాంతార ఛాప్టర్ 1 సినిమాను నిర్మించిన హోంబలే ఫిలిమ్స్ ప్రకారం.. ఈ సినిమా మొత్తం వసూళ్లు ప్రపంచవ్యాప్తంగా రూ.809 కోట్లుగా ఉన్నాయి. 2025లో అత్యధిక వసూళ్లు సాధించిన భారతీయ చిత్రాల జాబితాలో కాంతార ఛాప్టర్ 1, ఛావా తర్వాత మోహిత్ సూరి డైరెక్ట్ చేసిన సయ్యారా ఉంది. ఇది ప్రపంచవ్యాప్తంగా రూ.576 కోట్లు వసూలు చేసింది. రజనీకాంత్ మూవీ కూలీ ప్రపంచవ్యాప్తంగా రూ.500 కోట్లకు పైగా వసూళ్లతో నాలుగో స్థానంలో ఉంది.
యశ్ రాజ్ ఫిల్మ్స్ స్పై థ్రిల్లర్ వార్ 2 రూ.365 కోట్ల వసూళ్లతో టాప్ 5లో నిలిచింది. మహావతార్ నరసింహ, ఓజీ, లోకా ఛాప్టర్ 1 అనే మూడు ఇతర ఇండియన్ మూవీస్ కూడా ఈ ఏడాడి రూ.300 కోట్లకు పైగా వసూలు చేశాయి. టాప్ 10లోకి వచ్చిన ఒకే ఒక హిందీ మూవీ ఆమిర్ ఖాన్ నటించిన సితారే జమీన్ పర్. ఇది మోహన్లాల్ నటించిన L2: ఎంపురాన్ కంటే కొద్దిగా వెనుక ఉంది.
అల్లు అర్జున్ ప్రశంసలతో కాంతార ఛాప్టర్ 1 విజయం మరింత పెరిగింది. ఈ సినిమా మైండ్ బ్లోయింగ్ అనుభూతిని అందించి, రిషబ్ శెట్టి నటనకు తిరుగులేదని నిరూపించింది. ఇది నిజంగా ఓ అద్భుతమైన సినిమా.
