📌 Key Points
- ఒరాకిల్ సంస్థలో 30 వేల మంది ఉద్యోగుల తొలగింపు ఇంకా మరువకముందే అమెజాన్ లో భారీ లేఆఫ్స్.
- దాదాపు 14 వేల మంది ఉద్యోగులను తొలగించడానికి అమెజాన్ సిద్ధమైనట్లు సమాచారం.
- లేఆఫ్లు అమెజాన్ వెబ్ సర్వీసెస్, రిటైల్, హెచ్ఆర్ విభాగాల్లో ఉండబోతున్నాయని అంచనా.
- మెక్రోసాప్ట్, టీసీఎల్ వంటి దిగ్గజ సంస్థల బాటలోనే అమెజాన్ పయనిస్తుండటంతో ఉద్యోగుల్లో ఆందోళన.
ప్రముఖ ఐటీ దిగ్గజం ఒరాకిల్ భారీగా ఉద్యోగులను తొలగించిన కొద్ది రోజులకే అమెజాన్ కూడా అదే బాటలో పయనిస్తోంది. దాదాపు 14 వేల మంది ఉద్యోగులను తొలగించేందుకు సిద్ధమైంది. ఈ పరిణామం ఐటీ రంగంలో కలకలం రేపుతోంది.
అమెజాన్ లో భారీ లేఆఫ్స్: కారణాలేంటి?
ప్రముఖ ఐటీ దిగ్గజం ఒరాకిల్ (Oracle) లో ప్రపంచ వ్యాప్తంగా 30 వేల మంది ఉద్యోగులపై వేటు వేసిన ఘటన మరువక ముందే ప్రముఖ ఈ కామర్స్ సంస్థ అమెజాన్ (amazon) ఉద్యోగులపై పెద్ద ఎత్తున్న వేటు వేసేందుకు సిద్ధమైనట్లు తెలుస్తోంది. ఏకంగా 14 వేల మంది ఉద్యోగులకు ఉద్వాసన పలికేందుకు సిద్ధమైనట్లు సమాచారం. ఆసియా బిజినెస్ అవుట్ లుక్ ప్రకారం వచ్చే నెలలో ఈ లేఆఫ్లు ఉండబోతున్నాయి. అమెజన్ వెబ్ సర్వీసెస్, రిటైల్, హెచ్ఆర్ విభాగాల్లోని ఉద్యోగులపై వేటు పడబోతుందని తెలుస్తోంది. అయితే ఈ లేఆఫ్ల పై అమెజాన్ నుంచి ఎటువంటి అధికారిక ప్రకటన వెలువడలేదు. కాగా 2025లో 14 వేల మందిని, ఈ 2026 ప్రారంభంలోనే మరో 16 వేల మందిని అమెజాన్ తొలగించింది. ఓ వైపు మెక్రోసాప్ట్, టీసీఎల్, యాక్సెంచర్, ఒరాకిల్ వంటి దిగ్గజ సంస్థలు వరుసగా ఉద్యోగులను తొలగిస్తుండగా అదే బాటలో అమెజాన్ సైతం వెళ్తుండటంతో తమ బతుకులు ఎప్పుడు రోడ్డున పడతాయో అనే ఆందోళన ప్రపంచ వ్యాప్తంగా ఆయా సంస్థలలోని ఉద్యోగుల్లో వ్యక్తం అవుతోంది.
ఏయే విభాగాల్లో ఉద్యోగుల తొలగింపు?
ఉద్యోగుల్లో పెరుగుతున్న ఆందోళన
ప్రముఖ కంపెనీలు వరుసగా ఉద్యోగులను తొలగిస్తుండటంతో ఐటీ రంగంలో భయాందోళనలు నెలకొన్నాయి. అమెజాన్ తీసుకుంటున్న ఈ నిర్ణయం రానున్న రోజుల్లో ఇంకెలాంటి పరిణామాలకు దారితీస్తుందో వేచి చూడాలి.
