📌 Key Points
- అనన్య నాగళ్ల ఇన్స్టాగ్రామ్ సబ్స్క్రిప్షన్ ద్వారా నెలకు దాదాపు 2 లక్షల రూపాయలు సంపాదిస్తున్నట్లు వార్తలు.
- సబ్స్క్రైబర్లకు ప్రత్యేకమైన స్టోరీలు, కామెంట్లపై ప్రత్యేక గుర్తింపు లభిస్తుంది.
- సబ్స్క్రైబర్లు లైవ్ సెషన్లలో మాట్లాడే, చాట్ చేసే అవకాశం పొందుతారు.
- అనన్య వ్యక్తిగత, షూటింగ్ సెట్స్ వీడియోలను సబ్స్క్రైబర్ల కోసం షేర్ చేస్తోంది.
ప్రముఖ నటి అనన్య నాగళ్ల తన ఇన్స్టాగ్రామ్ ఖాతాలో సబ్స్క్రిప్షన్ సేవలను ప్రారంభించింది. దీని ద్వారా ఆమె నెలకు దాదాపు 2 లక్షల రూపాయలు సంపాదిస్తున్నట్లు సమాచారం. సబ్స్క్రైబర్లకు ప్రత్యేక కంటెంట్ అందుబాటులో ఉంటుంది.
అనన్య నాగళ్ల సబ్స్క్రిప్షన్ వివరాలు
Ananya Nagalla:ప్రస్తుతం సోషల్ మీడియాలో ఇన్ స్టాగ్రామ్ సబ్స్క్రిప్షన్ ఫీచర్ ఒక హాట్ టాపిక్. కేవలం ఫోటోలు, వీడియోలే కాకుండా, డబ్బులు చెల్లిస్తేనే కనిపించే ‘ఎక్స్క్లూజివ్ కంటెంట్’ వైపు టాలీవుడ్ ముద్దుగుమ్మలు అడుగులు వేస్తున్నారు. సినిమాల కంటే సోషల్ మీడియా ద్వారానే ఫ్యాన్స్కు చేరువవుతూ, అదే సమయంలో భారీగా సంపాదిస్తూ వార్తల్లో నిలుస్తున్నారు. ఈ ట్రెండ్లోకి తాజాగా అందాల భామ అనన్య నాగళ్ల కూడా చేరిపోయింది.
తెలుగు అమ్మాయి అనన్య నాగళ్ల సోషల్ మీడియాలో ఎంత యాక్టివ్గా ఉంటుందో అందరికీ తెలిసిందే. తన గ్లామరస్ ఫోటోలతో ఎప్పుడూ నెట్టింట హల్ చల్ చేసే ఈ బ్యూటీ, ఇప్పుడు తన ఇన్ స్టాగ్రామ్ ప్రొఫైల్లో సబ్స్క్రిప్షన్ ఫీచర్ను అందుబాటులోకి తెచ్చింది. అంటే, అనన్యకు సంబంధించిన కొన్ని ప్రత్యేకమైన ఫోటోలు, వీడియోలు చూడాలంటే ఫ్యాన్స్ ఇకపై నెలకు కొంత రుసుము చెల్లించాల్సి ఉంటుంది. ఈ విషయాన్ని ఆమె తన ఫాలోవర్లకు తెలియజేయడంతో ఇప్పుడు టాలీవుడ్ సర్కిల్స్లో ఇదే పెద్ద చర్చగా మారింది.
సబ్స్క్రైబర్లకు లభించే ప్రత్యేక గుర్తింపు
అనన్య నాగళ్ల ఈ సబ్స్క్రిప్షన్ ప్లాన్ ద్వారా నెలకు దాదాపు 2 లక్షల రూపాయల వరకు సంపాదిస్తున్నట్లు సోషల్ మీడియాలో వార్తలు చక్కర్లు కొడుతున్నాయి. కేవలం తన వ్యక్తిగత విశేషాలు, షూటింగ్ సెట్స్ నుంచి వచ్చే అన్ సీన్ వీడియోలను సబ్స్క్రైబర్ల కోసం షేర్ చేస్తూ ఈ స్థాయిలో ఆదాయం గడిస్తుండటం అందరినీ ఆశ్చర్యానికి గురిచేస్తోంది. సినిమాలతో పాటు ఇలాంటి డిజిటల్ ప్లాట్ఫార్మ్స్ ద్వారా కూడా సెలబ్రిటీలు తమ మార్కెట్ను పెంచుకుంటూ కాసుల వర్షం కురిపించుకుంటున్నారు.
ఈ సబ్స్క్రిప్షన్ తీసుకున్న వారికి ఇన్ స్టాగ్రామ్లో ప్రత్యేకమైన గుర్తింపు లభిస్తుంది. అనన్య పెట్టే స్పెషల్ స్టోరీలు సాధారణ ఫాలోవర్లకు కాకుండా, సబ్స్క్రైబర్లకు మాత్రమే ‘పర్పల్ కలర్ రింగ్’లో కనిపిస్తాయి. ఇక అంతేకాకుండా, వారు చేసే కామెంట్లకు పక్కన ఒక ప్రత్యేక బ్యాడ్జ్ కనిపిస్తుంది. దీనివల్ల వందలాది కామెంట్లలో సబ్స్క్రైబర్ల మెసేజ్లు అనన్యకు స్పష్టంగా కనిపిస్తాయి. ఇక అలాగే లైవ్ సెషన్లలో కూడా వీరికి మాత్రమే మాట్లాడే లేదా చాట్ చేసే అవకాశం ఎక్కువగా ఉంటుంది.
డిజిటల్ వేదికగా సెలబ్రిటీల ఆదాయం
అనన్య నాగళ్ల ప్రొఫైల్కు వెళ్లినప్పుడు అక్కడ మనకు ‘Subscribe’ బటన్ లేదా ఒక ‘కిరీటం గుర్తు’ కనిపిస్తుంది. దానిపై క్లిక్ చేసి నిర్ణీత రుసుము చెల్లిస్తే చాలు.. ఆమె పెట్టే ఎక్స్క్లూజివ్ రీల్స్, ఫోటోలు మీ సొంతమవుతాయి. సినిమాల్లో కనిపించడం కంటే ఇలా సోషల్ మీడియా ద్వారా ఫ్యాన్స్కు మరింత పర్సనల్గా కనెక్ట్ అవ్వొచ్చని సెలబ్రిటీలు భావిస్తున్నారు. ఇకపోతే ఇటీవల ఈ జాబితాలోకి విష్ణు ప్రియ కూడా వచ్చి చేరిన విషయం తెలిసిందే.మరి ఈ ‘సబ్స్క్రిప్షన్ గోల’ ఇంకా ఎంతమంది ముద్దుగుమ్మల వరకు పాకుతుందో చూడాలి!
అనన్య నాగళ్ల సబ్స్క్రిప్షన్ ద్వారా భారీగా సంపాదిస్తుండటం టాలీవుడ్లో హాట్ టాపిక్గా మారింది. డిజిటల్ యుగంలో సెలబ్రిటీలు తమ ఆదాయ మార్గాలను అన్వేషిస్తున్నారు అనడానికి ఇదొక ఉదాహరణ.
