సత్యదేవ్ ప్రధాన పాత్రలో నటించిన ‘అరేబియా కడలి’ అనే వెబ్ సిరీస్ ట్రైలర్ తాజాగా విడుదలైంది. మత్స్యకారుల నేపథ్యంలో రూపొందిన ఈ సిరీస్ ఆగస్టు 8 నుంచి అమెజాన్ ప్రైమ్ లో స్ట్రీమింగ్ అవుతుంది. ఈ సిరీస్ లో ఆనంది, నాజర్, రఘుబాబు లాంటి నటులు నటించారు.
Key Points
సత్యదేవ్ నటించిన 'అరేబియా కడలి' వెబ్ సిరీస్ ట్రైలర్ విడుదల
మత్స్యకారుల జీవితాల నేపథ్యంలో సాగే కథాంశం
ఆగస్టు 8 నుండి అమెజాన్ ప్రైమ్లో స్ట్రీమింగ్
అరేబియా కడలి ట్రైలర్ విడుదల
తాజాగా కింగ్ డమ్ మూవీతో అలరించిన సత్యదేవ్ మరో ఆసక్తికర కంటెంట్ తో అభిమానుల ముందుకొస్తున్నారు . ఆయన ప్రధాన పాత్రల్లో నటిస్తోన్న వెబ్ సిరీస్ అరేబియా కడలి . ఈ వెబ్ సిరీస్ కు వీవీ సూర్యకుమార్ దర్శకత్వం వహించారు . అమెజాన్ ప్రైమ్ రూపొందిస్తోన్న ఈ సిరీస్ ఆగస్టు 8 నుంచి స్ట్రీమింగ్ కానుంది .
మత్స్యకారుల కథాంశం
ఈ నేపథ్యంలోనే అరేబియా కడలి ట్రైలర్ రిలీజ్ చేశారు . ఈ ట్రైలర్ చూస్తుంటే నాగ చైతన్య నటించిన తండేల్ సినిమాను తలపించేలా కనిపిస్తోంది . మత్స్యకారుల బ్యాక్ డ్రాప్ లోనే ఈ వెబ్ సిరీస్ ను రూపొందించారు . చేపల వేటకు వెళ్లిన మత్స్యకారులను పాకిస్తాన్ కు బందీలుగా దొరికిపోవడం .. ఆ తర్వాత జరిగే పరిణామాలతో ఆసక్తి పెంచుతోంది . సముద్రంలో చేపల వేటపై ఆధారపడి జీవించే కొందరు మత్స్యకారుల జీవితాలు ఎలా ఉంటాయో ఈ సిరీస్ లో చూపించనున్నారు. ఈ సిరీస్ లో ఆనంది , నాజర్, రఘు బాబు కీలక పాత్రలు పోషించారు .
నటీనటులు మరియు విడుదల తేదీ
ఇది కేవలం బ్రతకడం గురించి కాదు . మనుషులు కష్టాల్లో ఎలా ఒకరికొకరు అండగా నిలబడతారో చూపిస్తుందని దర్శకుడు సూర్య కుమార్ అన్నారు . సత్యదేవ్ కూడా తన కెరీర్లోనే ఇదొక ఛాలెంజింగ్ రోల్ అని పేర్కొన్నారు. నా కెరీర్ లో అత్యంత సంతృప్తినిచ్చిన ప్రయాణాలలో ఒకటని సత్యదేవ్ అన్నారు. కష్టాలు, త్యాగాల మధ్య చిక్కుకున్న ఒక పాత్రను పోషించడం చాలా సవాల్ తో కూడుకున్నదని చెప్పారు. ఇందులో చాలా ఎమోషన్స్ ఉన్నాయని, .. అన్యాయంపై పోరాడే మహిళగా నటించడం సంతృప్తినిచ్చిందని హీరోయిన్ ఆనంది తెలిపారు.
మత్స్యకారుల జీవితాలను, వారి కష్టాలను, పోరాటాలను చూపించే ఈ వెబ్ సిరీస్ అందరినీ ఆకట్టుకుంటుందని ఆశిద్దాం. అమెజాన్ ప్రైమ్లో తప్పకుండా చూడండి.
