‘బేబీ’ సినిమాతో సూపర్ హిట్ కాంబోగా మారిన ఆనంద్ దేవరకొండ, వైష్ణవి చైతన్యలను పక్కన పెట్టి, కొత్త జంటతో సినిమా తీస్తున్నారని టాలీవుడ్ లో వార్తలు వస్తున్నాయి. ఈ మార్పు వెనుక ఉన్న రహస్యం ఏమిటో చూద్దాం.
Key Points
‘బేబీ’ సినిమా హిట్ కాంబో ఆనంద్ దేవరకొండ, వైష్ణవి చైతన్యలను పక్కన పెట్టారు.
కొత్తగా కిరణ్ అబ్బవరం, గౌరీప్రియలతో ‘చెన్నై లవ్ స్టోరీ’ సినిమా ప్రకటించారు.
అదే దర్శకుడు, అదే నిర్మాణ సంస్థతో ఈ మార్పు జరిగింది.
హీరో హీరోయిన్ల మార్పుకు కారణం ఇంకా తెలియరాలేదు.
‘బేబీ’ కాంబో మార్పు
Baby Combo : కిరణ్ అబ్బవరం – గౌరీప్రియ జంటగా నిర్మాత SKN నిర్మాణంలో డైరెక్టర్ సాయి రాజేష్ ఇచ్చిన కథతో రవి నంబూరి దర్శకత్వంలో ‘చెన్నై లవ్ స్టోరీ’ అనే సినిమాని ప్రకటించి నిన్న గ్లింప్స్ రిలీజ్ చేసారు. ఈ గ్లింప్స్ లో కిరణ్ అబ్బవరం, గౌరీప్రియ చెన్నై సముద్రం ఒడ్డున కూర్చొని ప్రేమ గురించి మాట్లాడుకుంటున్నారు. ఈ గ్లింప్స్ చూస్తుంటే చెన్నైలో జరిగే లవ్ స్టోరీ కథతో మరో ప్రేమ కథ సినిమాగా రాబోతుంది అని తెలుస్తుంది.
అయితే ఇదే కాంబోలో గతంలో ఒక సినిమా ప్రకటించారు. ఆ సినిమాలో హీరో హీరోయిన్స్ ని మార్చేసి ఇప్పుడు మళ్ళీ తీస్తున్నారు అని తెలుస్తుంది. SKN నిర్మాణంలో సాయి రాజేష్ దర్శకత్వంలో ఆనంద్ దేవరకొండ, వైష్ణవి చైతన్య జంటగా వచ్చిన బేబీ సినిమా పెద్ద హిట్ అయిన సంగతి తెలిసిందే. దాంతో ఆనంద్ – వైష్ణవిలని పెట్టి రవి నంబూరి దర్శకత్వంలోనే SKN, సాయి రాజేష్ గతంలో ఒక సినిమాని ప్రకటించారు. ఒక పోస్టర్ కూడా రిలీజ్ చేసి షూటింగ్ స్టార్ట్ అయింది అని ప్రకటించారు.
కిరణ్ అబ్బవరం – గౌరీప్రియ జంట
కారణాలు తెలియాల్సి ఉంది
అయితే ఇప్పుడు అదే దర్శకుడు అదే బ్యాక్ డ్రాప్ తో కిరణ్ అబ్బవరం – గౌరీప్రియ జంటగా సినిమా ప్రకటించడంతో ఆ సినిమానే ఈ సినిమా అని తెలిసిపోతుంది. వాళ్ళిద్దరితో చేసిన షూట్ పక్కన పెట్టేసి కొత్తగా ఈ ఇద్దరితో చేస్తున్నారని టాలీవుడ్ లో వినిపిస్తుంది. మరి ఆనంద్ – వైష్ణవి సూపర్ హిట్ కాంబోని ఎందుకు పక్కన పెట్టారో, హీరో హీరోయిన్స్ ని ఎందుకు మార్చారో తెలియాలి. ఈ చెన్నై లవ్ స్టోరీ ప్రమోషన్స్ లో మూవీ యూనిట్ మీడియా ముందుకు వస్తే దీనికి సమాధానాలు దొరుకుతాయేమో.
చివరికి, ఆనంద్-వైష్ణవి కాంబోని ఎందుకు పక్కన పెట్టారో, కిరణ్-గౌరీ జంటను ఎంచుకున్నారో తెలియాలంటే, ‘చెన్నై లవ్ స్టోరీ’ ప్రమోషన్స్లో సమాధానం వెతకాలి.
