చిరంజీవి, నాగార్జున, వెంకటేష్లతో మల్టీస్టారర్ చిత్రాలు చేయాలంటే తనకున్న షరతులను బాలకృష్ణ ఇటీవల వెల్లడించారు. తమ మధ్య ఇగో సమస్యలు లేవని స్పష్టం చేస్తూ, మల్టీస్టారర్ సినిమా ఎలా ఉండాలనే దానిపై తన అభిప్రాయాలను పంచుకున్నారు. ఈ కామెంట్స్ ఇప్పుడు హాట్ టాపిక్ గా మారాయి.
Key Points
చిరంజీవి, నాగార్జున, వెంకటేష్లతో ఇగో సమస్యలు లేవన్న బాలయ్య.
మల్టీస్టారర్ చిత్రం ఖచ్చితంగా సూపర్ హిట్ కావాలన్నది బాలయ్య అభిప్రాయం.
అన్ని వర్గాల ప్రేక్షకులను సంతృప్తి పరిచే కథ ఉండాలని డిమాండ్.
పౌరాణిక చిత్రాల ఆఫర్స్ వచ్చినా ఇతర హీరోలు అంగీకరించలేదన్న బాలకృష్ణ.
టాలీవుడ్లో మల్టీస్టారర్ చిత్రాల చరిత్ర
టాలీవుడ్ లో ఒకప్పుడు మల్టీస్టారర్ చిత్రాలు ఎక్కువగా వచ్చేవి. ఎన్టీఆర్, ఏఎన్నార్ కలిసి అనేక అద్భుతమైన చిత్రాల్లో నటించారు. ఆ తర్వాత కృష్ణ, శోభన్ బాబు, కృష్ణంరాజు కూడా ఎన్నో మల్టీస్టారర్ చిత్రాల్లో నటించారు. చిరంజీవి, నాగార్జున, వెంకటేష్, బాలకృష్ణ తరంలో మాత్రం మల్టీస్టారర్ చిత్రాలు రాలేదు.
ఈ నలుగురు హీరోలు కలిసి నటించాలని ఫ్యాన్స్ ఎప్పటి నుంచో కోరుకుంటున్నారు. కనీసం ఇద్దరైనా మల్టీస్టారర్ మూవీ చేయాలని ఫ్యాన్స్ భావిస్తున్నారు. అయితే బాలయ్య, చిరంజీవి ఒకే వేదికపై కనిపించినప్పుడు.. ఇద్దరూ కూడా మల్టీస్టారర్ చిత్రానికి సై అనడం, ఫ్యాన్స్ ని ఖుషీ చేయడం జరుగుతోంది తప్ప ఆ దిశగా అడుగులు పడడం లేదు.
మల్టీస్టారర్పై బాలయ్య షరతులు ఇవే
అయితే బాలయ్య గతంలో ఓ ఇంటర్వ్యూలో మల్టీస్టారర్ చిత్రాల గురించి చెప్పారు. చిరంజీవి, నాగార్జున, వెంకటేష్ లతో మీరు ఇంతవరకు కలిసి నటించలేదు. ఒకే తరానికి చెందిన మీరు ఎందుకు మల్టీస్టారర్స్ చేయడం లేదు.. ఇగో సమస్య ఉందా ? అని యాంకర్ ప్రశ్నించారు. దీనికి బాలయ్య సమాధానం ఇస్తూ.. మా మధ్య ఇగో లేదు. మల్టీస్టారర్ సినిమాల గురించి చెప్పాలంటే.. నాన్నగారు, ఏఎన్నార్ గారు చాలా చిత్రాలు చేశారు. వాళ్లిద్దరూ సూపర్ స్టార్లు అయినప్పటికీ కొన్ని చెత్త సినిమాలు కూడా చేశారు.
ఇద్దరు సూపర్ స్టార్స్ కలిసి నటిస్తుంటే ఆ సినిమా కచ్చితంగా సూపర్ హిట్ కావాలనేది నా అభిప్రాయం అని బాలయ్య అన్నారు. మల్టీ స్టారర్ మూవీ అంటే ఫ్యామిలీ డ్రామా, మాస్, యాక్షన్, కామెడీ కోరుకునే అందరు ప్రేక్షకులని సంతృప్తి పరిచే విధంగా ఉండాలి. అప్పుడే నేను మల్టీస్టారర్ చిత్రానికి ఒప్పుకుంటాను అని బాలయ్య అన్నారు.
ఇగో సమస్యలు లేవన్న బాలకృష్ణ
మైథలాజికల్ కథలతో మల్టీస్టారర్ చిత్రాలు చేయడానికి కొన్ని ప్రపోజల్స్ వచ్చాయి. కానీ వేరే హీరోలు అంగీకరించలేదు అని బాలయ్య అన్నారు. ప్రస్తుతం బాలకృష్ణ బోయపాటి శ్రీను దర్శకత్వంలో అఖండ 2 లో నటిస్తున్నారు. త్వరలో ఈ చిత్రం రిలీజ్ కి రెడీ అవుతోంది.
మొత్తానికి, బాలకృష్ణ మల్టీస్టారర్ చిత్రాలపై తన స్పష్టమైన విజన్ను పంచుకున్నారు. అన్ని వర్గాలను అలరించే కథ, గ్యారెంటీ హిట్ కోసమే తన డిమాండ్ అని తెలిపారు. భవిష్యత్తులో ఈ కల నెరవేరుతుందో లేదో చూడాలి.
