ప్రముఖ నిర్మాత బండ్ల గణేశ్ తన తదుపరి సినిమా ప్రాజెక్టుల గురించి వస్తున్న వార్తలపై స్పందించారు. ప్రస్తుతం తాను ఏ చిత్రాలనూ నిర్మించడం లేదని, దయచేసి అవాస్తవ వార్తలు ప్రచారం చేయవద్దని చేతులెత్తి నమస్కరిస్తూ ట్వీట్ చేశారు. అభిమానుల ప్రేమ, మద్దతు కోరారు.
Key Points
బండ్ల గణేశ్ ప్రస్తుతం ఏ సినిమానూ నిర్మించడం లేదని స్పష్టం చేశారు.
తనపై అవాస్తవ వార్తలు రాయవద్దని ట్విట్టర్ ద్వారా విజ్ఞప్తి చేశారు.
అభిమానులు, శ్రేయోభిలాషుల ప్రేమ, మద్దతు తనకు కావాలని కోరారు.
గతంలో 'సెకండాఫ్ మొదలవుతుంది' అంటూ చేసిన వ్యాఖ్యలే ఈ వార్తలకు కారణం.
బండ్ల గణేశ్ తాజా ట్వీట్: ఏం చెప్పారంటే?
టాలీవుడ్ నిర్మాత బండ్ల గణేశ్ తాను నెక్ట్స్ ప్రాజెక్ట్ చేస్తున్నారన్న వార్తలపై స్పందించారు. ఈ మేరకు సోషల్ మీడియా వేదికగా రియాక్ట్ అయ్యారు. ఈ సందర్భంగా మిత్రులకు, శ్రేయోభిలాషులకు, అభిమానులకు విజ్ఞప్తి చేశారు. ప్రస్తుతం నేను ఏ సినిమాను నిర్మించడం లేదని ఫుల్ క్లారిటీ ఇచ్చారు. తనపై అలాంటి వార్తలు రాసి ఇబ్బంది పెట్టవద్దని ట్విటర్ వేదికగా కోరారు.
సినిమా వార్తలపై నిర్మాత స్పందన
బండ్ల గణేశ్ తన ట్వీట్లో ప్రస్తావిస్తూ..’ మిత్రులకు, శ్రేయోభిలాషులకు నా హృదయపూర్వక విన్నపం. ప్రస్తుతం నేను ఏ సినిమాను నిర్మించడం లేదు. అలాగే ఎవరితోనూ సినిమా చేయాలనే నిర్ణయం కూడా తీసుకోలేదు. దయచేసి ఇలాంటి వార్తలు రాయడం ద్వారా నన్ను ఇబ్బంది పెట్టకండి. మీ అందరి ప్రేమ, మద్దతు ఎప్పుడూ నాతోనే ఉండాలి. చేతులెత్తి నమస్కరిస్తూ ఇంతటితో విన్నవించుకుంటున్నా. ఇట్లు మీ బండ్ల గణేశ్’ అంటూ పోస్ట్ చేశారు.
నిర్మాత బండ్ల గణేశ్ గత వ్యాఖ్యలు
కాగా.. గతనెలలో తెలుసు కదా మూవీ ఈవెంట్లో బండ్ల గణేశ్ ఆసక్తిక కామెంట్స్ చేశారు. నేను టెంపర్ సినిమాతో బ్రేక్ తీసుకున్నా.. ఫ్లాప్ మూవీతో కాదు, బ్లాక్బస్టర్ సినిమా ఇచ్చి బ్రేక్ తీసుకున్నా.. ఇప్పుడు మొదలవుతుంది సెకండాఫ్ అంటూ మాట్లాడారు. ఇప్పుడే అసలు సినిమా మొదలు కాబోతుంది అంటూ సెకండ్ ఇన్నింగ్స్ ఉండబోతుందని కామెంట్స్ చేశారు. దీంతో మెగాస్టార్తో ఓ సినిమా చేయనున్నారని టాలీవుడ్లో టాక్ వినిపించింది. ఈ వార్తల నేపథ్యంలోనే తాజాగా నిర్మాత క్లారిటీ ఇచ్చినట్లు తెలుస్తోంది.
మొత్తంగా, బండ్ల గణేశ్ తన భవిష్యత్ సినిమా ప్రాజెక్టులపై వస్తున్న ఊహాగానాలకు తెరదించారు. అభిమానుల మద్దతు కోరుతూ, ప్రస్తుతానికి ఎలాంటి కొత్త సినిమా నిర్మాణం లేదని ఆయన స్పష్టం చేశారు. ఆయన తదుపరి నిర్ణయం కోసం సినీ వర్గాలు ఆసక్తిగా ఎదురుచూస్తున్నాయి.
