నటుడు, నిర్మాత బండ్ల గణేష్ చేసిన ఓ రహస్య ట్వీట్ టాలీవుడ్లో కలకలం రేపింది. బన్నీ వాసు ఇటీవల తమ సినిమా గురించి చేసిన వ్యాఖ్యలకు కౌంటర్గా ఈ పోస్ట్ పెట్టారా అని నెటిజన్లు చర్చించుకుంటున్నారు. ఈ ట్వీట్ సినీ వర్గాల్లో తీవ్ర చర్చకు దారితీసింది.
Key Points
బండ్ల గణేష్ ఎక్స్ లో పెట్టిన ఒక పోస్టు టాలీవుడ్లో తీవ్ర చర్చకు దారితీసింది.
పేరు ప్రస్తావించకుండా ఆయన చేసిన వ్యాఖ్యలు ఎవరిని ఉద్దేశించాయో నెటిజన్లు ఆరా తీస్తున్నారు.
నిర్మాత బన్నీ వాసు ఇటీవల తమ సినిమాను తొక్కేయాలని చూస్తున్నారని ఘాటుగా స్పందించారు.
బండ్ల గణేష్ ట్వీట్ బన్నీ వాసుకి కౌంటర్గానే అని నెటిజన్లు అభిప్రాయపడుతున్నారు.
బండ్ల గణేష్ వైరల్ ట్వీట్
టాలీవుడ్ నటుడు , నిర్మాత బండ్ల గణేశ్(Bandla Ganesh) కు సోషల్ మీడియాలో ఉన్న ఫాలోయింగ్ గురించి తెలిసిందే . ఆయన ఏ ట్వీట్ చేసినా .. క్షణాల్లో వైరల్ అవుతుంటాయి . సినిమా విషయాలతో పాటు రాజకీయ అంశాలపైన తనదైన శైలీలో స్పందిస్తుంటారు . కొన్ని విషయాలపై డైరెక్ట్ గా , మరికొన్ని విషయాలపై పరోక్షంగా ఆయన కామెంట్స్ చేస్తుంటారు . తాజాగా ఆయన ఎక్స్ లో పెట్టిన ఒక పోస్టు ఇప్పుడు టాలీవుడ్ లో తీవ్ర చర్చకు దారితీసింది . గురువారం మధ్యాహ్నం ఆయన తన ఎక్స్ ఖాతాలో “ అది పీకుతా ఇది పీకుతా అని మనం చెప్పాల్సిన పని లేదు… మాటలు మన చేతిలో ఉన్నా, ఆట ఎవరిదో జనాలు తీర్మానిస్తారు……! అంటూ రాసుకొచ్చాడు . పేరునూ ప్రస్తావించకుండా ఆయన చేసిన ఈ వ్యాఖ్యలు ఎవరిని ఉద్దేశించి ఉంటాయా అని నెటిజన్లు ఆరా తీస్తున్నారు.
బన్నీ వాసు వ్యాఖ్యలకు కౌంటర్గానా?
ఆ నిర్మాతకు కౌంటర్గానేనా? ఇటీవల టాలీవుడ్ లో కొన్ని విచిత్రమైన సంఘటనలు జరుగుతున్నాయి . సినిమా రిలీజ్ ముందు కొంతమంది దర్శకనిర్మాతలు , హీరోలు ఇచ్చే స్టేట్ మెంట్స్ చర్చకు దారి తీస్తున్నాయి . తాజాగా మిత్రమండలి సినిమా ప్రీరిలీజ్ ఈవెంట్ లో నిర్మాత బన్నివాసు(Bunny Vasu) చాలా ఎమోషనల్ గా మాట్లాడారు . తమ సినిమాను కొందరు ఉద్దేశ్యపూర్వకంగా తొక్కేయాలని చూస్తున్నారని.. కానీ జనాలు సినిమా బాగుంటేనే చూస్తారని, లేకపోతే చూడరని… డబ్బు పెట్టి ఓ సినిమాను ట్రోల్ చేస్తే అది నడవదని అన్నారు. అంతటితో ఆగకుండా .. తొక్కితే బన్నీ వాసు పడిపోతాడని అనుకోవద్దని.. నా వెంట్రుక కూడా పీకలేరంటూ ఆయన కాస్త ఘాటుగానే స్పందించారు . ఈ రోజు సినిమా రిలీజై మిక్స్ డ్ టాక్ ని సంపాదించుకుంది .
సోషల్ మీడియాలో చర్చ, ట్రోలింగ్
ఇదే రోజు బండ్ల గణేశ్ పైవిధంగా ట్వీట్ చేయడంతో .. బన్నీవాసుకి కౌంటర్ గానే ఇలా పోస్ట్ పెట్టాడని నెటిజన్స్ అభిప్రాయపడుతున్నారు . ఆయన పోస్ట్ కింద చాలామంది ఇది బన్నీవాసు గురించే అని కామెంట్స్ చేస్తున్నారు . బండ్ల గణేశ్ వ్యాఖ్యల వెనుక ఉన్న ఉద్దేశం ఏంటని, ఎవరిని లక్ష్యంగా చేసుకుని ఈ మాటలు అన్నారని తెలియదు కానీ .. బన్నీవాసు పేరు అయితే బాగా ట్రోల్ అవుతుంది .
బండ్ల గణేష్ ట్వీట్ ఉద్దేశం స్పష్టంగా తెలియకపోయినా, అది బన్నీ వాసుని లక్ష్యంగా చేసుకున్నదేనని నెటిజన్లు భావిస్తున్నారు. ఈ అంశం సోషల్ మీడియాలో మరింత చర్చకు, ట్రోలింగ్కు దారితీసింది.
