📌 Key Points
- చంద్రహాస్ హీరోగా ‘బరాబర్ ప్రేమిస్తా’ ఫిబ్రవరి 6న థియేటర్లలో విడుదల!
- ప్రీ రిలీజ్ ఈవెంట్కు ముఖ్య అతిథులుగా హాజరైన జయంత్ సి పరాన్జీ, జేడీ చక్రవర్తి, ఆది సాయి కుమార్
- ప్రేరణగా ఆది సాయి కుమార్, సినిమా కోసం ఎక్కడా రాజీ పడలేదని చంద్రహాస్ వెల్లడి
- సినిమాలో ఊహించని ట్విస్ట్లు, ఒక్క సెకన్ కూడా బోర్ కొట్టని కథనం!
ఆటిట్యూడ్ స్టార్ చంద్రహాస్ హీరోగా నటించిన ‘బరాబర్ ప్రేమిస్తా’ మూవీ రిలీజ్ డేట్ ఫిక్స్ అయింది! ఈ సినిమాపై అంచనాలు భారీగా ఉన్నాయి. విడుదలకి ముందే సినిమా గురించి ఎన్నో ఆసక్తికర విషయాలు వైరల్ అవుతున్నాయి.
ఫిబ్రవరి 6న థియేటర్లలో ‘బరాబర్ ప్రేమిస్తా’ విడుదల
ఆటిట్యూడ్ స్టార్ చంద్రహాస్ హీరోగా నటిస్తున్న ‘బరాబర్ ప్రేమిస్తా’ సినిమా ఫిబ్రవరి 6న గ్రాండ్ థియేట్రికల్ రిలీజ్కు సిద్ధంగా ఉంది. ఈ క్రమంలో తాజాగా ప్రీ రిలీజ్ ఈవెంట్ నిర్వహించారు. ఈ కార్యక్రమానికి దర్శకుడు జయంత్ సి పరాన్జీ, జేడీ చక్రవర్తి, ఆది సాయి కుమార్ తదితరులు ముఖ్య అతిథులుగా విచ్చేశారు.
ప్రీ రిలీజ్ ఈవెంట్లో తారల సందడి!
ఈ ఈవెంట్లో.. ఆటిట్యూడ్ స్టార్ చంద్రహాస్ మాట్లాడుతూ.. ‘జయంత్ గారు తీసిన ‘తీన్ మార్’, ‘శంకర్ దాదా’ చిత్రాలంటే నాకు చాలా ఇష్టం. ఆది అన్న అద్భుతమైన కమ్ బ్యాక్ ఇచ్చారు. ఆది అన్నే నాకు స్పూర్తి. జేడీ చక్రవర్తి గారు అప్పటికీ ఇప్పటికీ ఒకేలా ఉన్నారు. ఈ సినిమాని ఎక్కడా కాంప్రమైజ్ కాకుండా నిర్మించిన చిన్ని, చందు, వెంకీలకు థాంక్స్. ఈ ప్రాజెక్ట్ నాకు రావడానికి కారణమైన కెమెరామెన్ శేఖర్ అన్నకి థాంక్స్. ఈ సినిమా ఒక్క సెకన్ కూడా బోర్ కొట్టకుండా ఉంటుంది. లెక్కపెట్టలేనన్ని, ఊహించలేనన్ని ట్విస్ట్లతో అద్భుతంగా ఉంటుంది. ప్రారంభం నుంచి చివరి వరకు అలా కూర్చుని చూస్తుండిపోతారు. ఫిబ్రవరి 6న మా చిత్రాన్ని చూసి సపోర్ట్ చేస్తారని ఆశిస్తున్నాను’ అని అన్నారు.
సినిమాలో ట్విస్టులు.. ఆసక్తికర వ్యాఖ్యలు చేసిన హీరో చంద్రహాస్
ఆది సాయి కుమార్ మాట్లాడుతూ.. ‘ప్రభాకర్ అన్నతో నేను ‘నెక్ట్స్ నువ్వే’ మూవీని చేశాను. అప్పుడు నాకు చంద్రహాస్ గురించి ఎక్కువగా చెబుతుండేవారు. మంచి హీరో అవుతాడని అప్పుడే అనుకున్నాను. ఆయన పడే కష్టాన్ని చూస్తున్నాను. ఎంతో నిజాయితీగా కష్టపడుతున్నాడు. ‘బరాబర్ ప్రేమిస్తా’ సినిమాతో చంద్రహాస్కు మంచి బ్రేక్ రావాలని కోరుకుంటున్నాను’ అని తెలిపాడు.
చంద్రహాస్ ‘బరాబర్ ప్రేమిస్తా’ ఫిబ్రవరి 6న విడుదల కానుంది. ఈ సినిమా గురించి మరిన్ని అప్డేట్స్ కోసం చూస్తూ ఉండండి.
