బిగ్ బాస్ 9 తెలుగు రెండో వారం నామినేషన్లు ముగిశాయి. ఏడుగురు సభ్యులు నామినేషన్ జోన్ లో ఉన్నారు. ఓటింగ్ ట్రెండ్స్ ప్రకారం కొందరు సభ్యులు డేంజర్ లో ఉన్నారు. ఇమ్మాన్యుయేల్ మరియు తనూజా మధ్య జరిగిన సరదా ఘటన కూడా హైలైట్.
Key Points
బిగ్ బాస్ 9 తెలుగులో రెండో వారం నామినేషన్లు ప్రకటించబడ్డాయి.
ఏడుగురు సభ్యులు నామినేషన్ జోన్ లో ఉన్నారు – ముగ్గురు సెలబ్రిటీలు, నలుగురు కామనర్లు.
ఓటింగ్ ట్రెండ్ ప్రకారం సుమన్ శెట్టి టాప్ లో, మర్యాద మనీష్ డేంజర్ జోన్ లో ఉన్నాడు.
ఇమ్మాన్యుయేల్, తనూజాతో సరదాగా ముద్దులు పెట్టిన ఘటన హైలైట్.
బిగ్ బాస్ 9 తెలుగు రెండో వారం నామినేషన్లు
బిగ్ బాస్ 9 తెలుగు సీజన్ లో పోరు రెండో వారానికి చేరుకుంది. ఫస్ట్ వీక్ లో కొరియోగ్రాఫర్ శ్రష్టి వర్మ్ ఎలిమినేట్ అయిన సంగతి తెలిసిందే. వీకెండ్ ఎపిసోడ్ తర్వాత బిగ్ బాస్ హౌస్ లో సెకండ్ వీక్ నామినేషన్ ప్రక్రియ హోరాహోరీగా సాగింది. మరి ఈ వారం నామినేషన్లలో ఎంత మంది ఉన్నారు? డేంజర్ జోన్ లో ఎవరున్నారో చూద్దాం. అలాగే హౌస్ లో సరదాగా ఉంటున్న ఇమ్యాన్యుయేల్ తనూజాకు సరదాగా ఫోన్లో ముద్దులు పెట్టాడు.
ముందుగా బిగ్ బాస్ 9 తెలుగు సీజన్ లో పదో రోజైన నేటి (సెప్టెంబర్ 17) ఎపిసోడ్ ఫస్ట్ ప్రోమో గురించి మాట్లాడుకుందాం. రెండు రోజుల సీరియస్ ఎలిమినేషన్ తర్వాత హౌస్ లో కాస్త ఫన్ క్రియేట్ చేయడానికి ఇమ్యాన్యుయేల్ ట్రై చేస్తున్నాడు. తనూజాతో కలిసి కామెడీ చేస్తున్నాడు. తనూజా ఫోన్ చేస్టున్నట్లు యాక్ట్ చేయగా.. లిఫ్ట్ చేయగానే ఇమ్మాన్యుయేల్ ముద్దుల దాడి చేశాడు. రెండు మూడు సార్లు అలాగే చేశాడు. దీంతో కెప్టెన్ సంజన గల్రానీ, రాము రాథోడ్, రీతూ వర్మ పడిపడి నవ్వారు.
ఓటింగ్ ట్రెండ్స్ మరియు డేంజర్ జోన్
బిగ్ బాస్ 9 తెలుగు సీజన్ లో రెండో వారం నామినేషన్ల లో మొత్తం ఏడుగురున్నారు. ఇందులో ముగ్గురు సెలబ్రిటీలు, నలుగురు కామనర్స్. భరణి, హరిత హరీష్, ఫ్లోరా సైనీ, మర్యాద మనీష్, ప్రియా శెట్టి, డీమాన్ పవన్, సుమన్ శెట్టి ఈ వారం నామినేషన్ లిస్ట్ లో ఉన్నారు. ప్రస్తుతం ఓట్ల ట్రెండింగ్ ప్రకారం కామనర్ మర్యాద మనీష్ డేంజర్ జోన్లో ఉన్నాడు.
రెండో వారం బిగ్ బాస్ 9 తెలుగు హౌస్ నుంచి ఒకరు వెళ్లిపోయేందుకు నామినేషన్ ప్రక్రియ ముగిసింది. నామినేషన్లలో ఉన్న ఏడుగురి నుంచి ఒకరు ఇంటి నుంచి వెళ్లిపోవాల్సిందే. ఫస్ట్ వీక్ సెలబ్రిటీ శ్రష్టి వర్మ నిష్క్రమించింది కాబట్టి ఈ వారం కామనర్లలో ఒకరు వెళ్లిపోతారనే టాక్ వినిపిస్తోంది.
ఇమ్మాన్యుయేల్ మరియు తనూజా సరదా ఘటన
బిగ్ బాస్ 9 తెలుగు రెండో వారం ఓటింగ్ ట్రెండ్ చూస్తే కూడా కామనర్లలో నుంచి ఒకరు హౌస్ నుంచి ఎలిమినేట్ అవ్వక తప్పదనిపిస్తోంది. ప్రస్తుతం ఓటింగ్ ప్రకారం సీనియర్ కమెడియన్ సుమన్ శెట్టి టాప్ ప్లేస్ లో ఉన్నారు. ఇవాళ ఉదయం 10 గంటల వరకు చూసుకుంటే సుమన్ శెట్టి 40.31 శాతంతో నంబర్ వన్ గా కొనసాగుతున్నారు.
బిగ్ బాస్ 9 తెలుగు రెండో వారం ఓటింగ్ ట్రెండ్ చూస్తే.. భరణి 26.68 శాతం, హరిత హరీష్ 7.70 శాతం, డీమాన్ పవన్ 7.29 శాతం, ఫ్లోరా సైనీ 6.19 శాతం, ప్రియా శెట్టి 6.11 శాతంతో వరుసగా రెండు నుంచి ఆరు స్థానాల్లో కొనసాగుతున్నారు. మర్యాద మనీష్ మాత్రం 5.76 శాతంతో లాస్ట్ ప్లేస్ లో ఉన్నాడు. ఈ ఓటింగ్ ట్రెండ్ ఇలాగే కొనసాగితే మనీష్ రెండో వారం ఎలిమినేట్ అయ్యే అవకాశముంది.
బిగ్ బాస్ 9 తెలుగు ఇంటి నుండి ఈ వారం ఎవరు వెళ్తారో తెలియాలంటే ఓటింగ్ ఫలితాల కోసం ఎదురు చూడాల్సిందే. సుమన్ శెట్టి టాప్లో ఉండటం ఆయన అభిమానులకు ఆనందాన్ని కలిగించింది.
