బిగ్ బాస్ తెలుగు 9 సీజన్కు సామాన్యులకు అవకాశం లభించింది. సెలబ్రిటీలతో పాటు, మీరు కూడా ఈ రియాలిటీ షోలో పాల్గొనవచ్చు. bb9.jiostar.com ద్వారా మీ అప్లికేషన్ను సమర్పించండి.
Key Points
బిగ్ బాస్ తెలుగు సీజన్ 9లో సెలబ్రిటీలతో పాటు సామాన్యులు కూడా పాల్గొనవచ్చు.
bb9.jiostar.com వెబ్సైట్ ద్వారా ఆన్లైన్లో అప్లై చేసుకోవచ్చు.
3 నిమిషాల కంటే తక్కువ వ్యవధి ఉన్న వీడియోను అప్లోడ్ చేయాలి.
పల్లవి ప్రశాంత్ లాగా మీరూ బిగ్ బాస్ విజేత అవ్వొచ్చు!
బిగ్ బాస్ 9: సామాన్యులకు అవకాశం!
బుల్లితెర రియాలిటీ షో బిగ్ బాస్ తెలుగు తొమ్మిదో సీజన్ కు ముందు ఫ్యాన్స్ కు గుడ్ న్యూస్. ఈ సీజన్ లో సెలబ్రిటీలతో పాటు మనమూ అంటే కామన్ పీపుల్ కూడా పార్టిసిపేట్ చేయొచ్చు. ఈ సీజన్ కు సంబంధించిన క్యాస్టింగ్ ప్రస్తుతం శరవేగంగా జరుగుతోంది. షో చరిత్రలోనే తొలిసారిగా సెలబ్రిటీలతో పాటు సామాన్యులను కూడా ఇందులో భాగస్వామ్యం చేయనున్నట్లు హోస్ట్ నాగార్జున ఆదివారం ప్రకటించారు.
బిగ్ బాస్ 9 ప్రమోషనల్ వీడియోలో నాగార్జున మాట్లాడుతూ.. ‘ఇప్పటి వరకు బిగ్ బాస్ అంటే మీకు చాలా ఇష్టం. కాబట్టి, మీకు రిటర్న్ గిఫ్ట్ ఇవ్వాల్సిన సమయం ఆసన్నమైంది. మీరు ఇష్టపడే బిగ్ బాస్ హౌస్ లోకి మిమ్మల్ని అనుమతించడం మీ రిటర్న్ గిఫ్ట్. ఈ సారి సెలబ్రిటీలే కాదు మీరు కూడా ఈ షోలో పాల్గొనే అవకాశం దక్కించుకున్నారు. కాబట్టి రండి.. బిగ్ బాస్ సీజన్ 9 హౌస్ మీ కోసం వేచి ఉంది’’ అని పేర్కొన్నారు.
నాగార్జున స్థానంలో ఇతర స్టార్స్ బిగ్ బాస్ సీజన్ 9క హోస్ట్ గా వ్యవహరిస్తారని ప్రచారం జరుగుతున్నప్పటికీ ఈ రియాలిటీ షోకు ఆయనే హోస్ట్ గా కొనసాగుతారని ఈ వీడియో స్పష్టం చేస్తోంది.
అప్లికేషన్ ప్రక్రియ ఎలా ఉంటుంది?
ఈ షోను నిర్మిస్తున్న ఎండెమోల్ షైన్ ఇండియా తమ ఇన్ స్టాగ్రామ్ లో ప్రమోషనల్ వీడియోను పోస్ట్ చేసి, ఈ షోలో పాల్గొనడానికి ఆసక్తి ఉన్నవారు ఎలా అప్లై చేసుకోవాలో సూచనలు ఇచ్చింది.
“#బిగ్ బాస్ 9 అందరికీ ఓపెన్! ఈ సారి మీరు కుడా బిగ్ బాస్ హౌస్ లో హౌస్ మేట్ అవ్వచ్చు! పాల్గొనడం చాలా సులభం: 1. bb9.jiostar.com సందర్శించండి 2. మీ పేరు నమోదు చేయండి 3. మీ మొబైల్ నెంబరు వెరిఫై చేయండి. 4. బిగ్ బాస్ 9 లో ఉండటానికి మీరు ఎందుకు అర్హులో తెలుపుతూ ఒక చిన్న వీడియో (గరిష్టంగా 3 నిమిషాలు) అప్ లోడ్ చేయండి. నియమనిబంధనలను అంగీకరించండి’’ అని పోస్టు చేసింది.
గత విజేతల నుండి స్ఫూర్తి!
అయితే బిగ్ బాస్ తెలుగు షోలో గతంలోనూ కొంతమంది సామాన్యులకు ఎంట్రీ ఇచ్చారు. అంటే సినిమా, సీరియల్స్ చేయకపోయినా సోషల్ మీడియాలో పాపులర్ అయితే అవకాశం ఇచ్చారు. అలా వచ్చిన పల్లవి ప్రశాంత్ బిగ్ బాస్ 7 విన్నర్ గా నిలిచిన సంగతి తెలిసిందే.
ఎన్టీఆర్ హోస్ట్ గా 2017లో బిగ్ బాస్ మొదటి సీజన్ ప్రారంభమైంది. 2018లో ప్రసారమైన తర్వాతి సీజన్లో నాని అతని స్థానాన్ని భర్తీ చేశాడు. అయితే 2019లో మూడో సీజన్ నుంచి నాగార్జున హోస్ట్గా వ్యవహరిస్తుండగా.. రమ్యకృష్ణ, సమంత రూత్ ప్రభు వివిధ కారణాలతో రెండుసార్లు గెస్ట్ హోస్ట్లుగా వ్యవహరించారు. శివ బాలాజీ, కౌశల్ మండా, రాహుల్ సిప్లిగంజ్, అభిజీత్, వీజే సన్నీ, ఎల్వీ రేవంత్, పల్లవి ప్రశాంత్, నిఖిల్ మలియక్కల్ గతంలో విజేతలుగా నిలిచారు.
బిగ్ బాస్ తెలుగు 9 లో భాగం కావాలనుకునే వారికి ఇది అద్భుతమైన అవకాశం. మీ ప్రతిభను ప్రదర్శించి, విజేతగా నిలవండి!
