📌 Key Points
- ఢిల్లీలో బ్లింకిట్ కస్టమర్కు ఆర్డర్లో పనిమనిషి రెజ్యూమ్ లభ్యం.
- ఇది ఇన్స్టాహెల్ప్ అనే స్టార్టప్ కంపెనీ వినూత్న మార్కెటింగ్ స్టంట్.
- క్యూఆర్ కోడ్తో పనిమనుషులను బుక్ చేసుకునే అవకాశం కల్పించారు.
- ఈ ప్రచారం సోషల్ మీడియాలో వైరల్గా మారింది, నెటిజన్ల ప్రశంసలు అందుకుంది.
దేశవ్యాప్తంగా స్టార్టప్ కంపెనీలు వినూత్న ప్రచారాలతో ప్రజలను ఆకట్టుకుంటున్నాయి. తాజాగా, ఢిల్లీలో జరిగిన ఓ ఘటన రాజకీయ వర్గాల్లోనూ చర్చనీయాంశంగా మారింది. బ్లింకిట్ ఆర్డర్లో పనిమనిషి రెజ్యూమ్ కనిపించడం వెనుక ఉన్న అసలు రహస్యం ఏమిటి?
బ్లింకిట్ ఆర్డర్లో ఊహించని షాక్!
దేశవ్యాప్తంగా స్టార్టప్ కంపెనీలు కుప్పలుతెప్పలుగా పుట్టుకొస్తున్నాయి. ఇందులో కొన్ని కంపెనీలు వ్యాపార ప్రకటనలు (Marketing) చేయడానికి రకరకాల దారులు వెతుకుతున్నాయి. అయితే, ఢిల్లీ (Delhi)కి చెందిన ఓ స్టార్టప్ కంపెనీ చేసిన ప్రయోగం ప్రస్తుతం సోషల్ మీడియాలో హాట్ టాపిక్గా మారింది. బ్లింకిట్ యాప్లో కిరాణా సామగ్రి ఆర్డర్ చేసిన ఓ కస్టమర్కు, ఆ పార్సిల్ లోపల ఒక పనిమనిషి రెజ్యూమ్ కనిపించింది. మొదట ఆశ్చర్యపోయినప్పటికీ.. ఆ రెజ్యూమ్ను నిశితంగా గమనించిన తర్వాత అసలు విషయం తెలిసి అతడి మైండ్బ్లాంక్ అయింది.
ఢిల్లీకి చెందిన ఓ యువకుడు బ్లింకిట్ (Blinkit) యాప్లో కొన్ని వస్తువులను ఆర్డర్ చేశాడు. డెలివరీ బాయ్ ఇచ్చిన కవర్ను ఓపెన్ చేసి చూడగా.. వస్తువులతో పాటు ఓ తెల్లటి కాగితం కనిపించింది. అది సుశీల అనే పనిమనిషి బయోడేటా (Resume). అందులో ఆమెకు వంట చేయడం, ఇల్లు ఊడ్చడం, గిన్నెలు కడగడం వంటి పనుల్లో ఉన్న అనుభవం, ఆమె నైపుణ్యాల గురించి రాసి ఉంది. అలాగే కింద ఒక క్యూఆర్ కోడ్ (QR Code) కూడా ఉంది. ఏదో డెలివరీ పొరపాటు వల్ల ఈ పేపర్ లోపలికి వచ్చిందేమో అని సదరు కస్టమర్ అనుకున్నాడు. కానీ, ఆ రెజ్యూమ్ను పూర్తిగా చదివాక అది పొరపాటు కాదు, ఒక క్రేజీ ‘మార్కెటింగ్ ప్లాన్’ అని అర్థమైంది. నిజానికి అది ఏ ఒక్క వ్యక్తిగత పనిమనిషి రెజ్యూమో కాదు. ఇళ్లల్లో పనిమనుషులను, వంటవారిని అద్దెకు కుదిర్చే ‘ఇన్స్టాహెల్ప్’ (InstaHelp) అనే కొత్త స్టార్టప్ కంపెనీ చేసిన వినూత్న ప్రమోషన్ స్టంట్ అది. కస్టమర్లను ఆకట్టుకోవడానికి ఆ కంపెనీ.. కమల అనే ఓ ఊహాజనిత క్యారెక్టర్తో రెజ్యూమ్ డిజైన్ చేసింది. ఆ పేపర్ కింద ఉన్న క్యూఆర్ కోడ్ను స్కాన్ చేస్తే.. నేరుగా ఇన్స్టాహెల్ప్ యాప్ లింక్కు కనెక్ట్ అవుతుంది. దానితో కస్టమర్లు తమకు నచ్చిన, నమ్మకమైన పని మనుషులను సులభంగా బుక్ చేసుకోవచ్చు.
రెజ్యూమ్ వెనుక దాగి ఉన్న అసలు కథ
ఈ వినూత్న ఐడియాకు ఫిదా అయిన సదరు కస్టమర్, అందుకు సంబంధించిన ఫోటోలు, వీడియోలను ‘X’ (ట్విట్టర్)తో పాటు ఇన్స్టాలో షేర్ చేశాడు. ‘మార్కెటింగ్ ఐడియా అంటే ఇలా ఉండాలి.. నా బ్లింకిట్ ఆర్డర్లో ఇన్స్టాహెల్ప్ కంపెనీ వాళ్లు పనిమనిషి రెజ్యూమ్ పంపారు. చాలా తెలివైన ట్విస్ట్’ అని రాసుకొచ్చాడు. ప్రస్తుతం ఆ పోస్ట్ కాస్తా నెట్టింట వైరల్గా మారింది.
మార్కెటింగ్ మాస్టర్ ప్లాన్: ఇన్స్టాహెల్ప్ సృష్టి
A post shared by Ankit Bawa (@bawakahandle)
ఈ వినూత్న మార్కెటింగ్ వ్యూహం రాజకీయ నాయకులకు కూడా ఒక పాఠం. ప్రజలను ఆకట్టుకోవడానికి సరికొత్త పద్ధతులను అన్వేషించాల్సిన అవసరాన్ని ఇది గుర్తుచేస్తుంది. భవిష్యత్తులో ఇలాంటి ప్రయోగాలు మరిన్ని చూడవచ్చు.
