ప్రముఖ బాలీవుడ్ నటుడు అజయ్ దేవగన్ తెలంగాణ ముఖ్యమంత్రి రేవంత్ రెడ్డిని కలిశారు. హైదరాబాద్లో అత్యాధునిక సదుపాయాలతో కూడిన ఫిల్మ్ స్టూడియో ఏర్పాటు చేయాలని ఆయన ప్రతిపాదించారు. ఈ కలయిక తెలంగాణ సినీ పరిశ్రమకు మంచి అవకాశాలను తెచ్చిపెడుతుందని భావిస్తున్నారు.
Key Points
అజయ్ దేవగన్ సీఎం రేవంత్ రెడ్డిని కలిశారు.
హైదరాబాద్లో అంతర్జాతీయ ప్రమాణాలతో కూడిన ఫిల్మ్ స్టూడియో ఏర్పాటు కోసం విజ్ఞప్తి.
యానిమేషన్, VFX స్టూడియో, AI సదుపాయాలతో కూడిన స్టూడియో నిర్మాణం.
నైపుణ్య శిక్షణ కేంద్రం ఏర్పాటుకు అజయ్ దేవగన్ సంసిద్ధత.
అజయ్ దేవగన్ హైదరాబాద్కు విజిట్
ఈమధ్యే రైడ్ 2 సినిమాతో కెరీర్లో మరో హిట్ అందుకున్న బాలీవుడ్ స్టార్ హీరో అజయ్ దేవగన్ ఇప్పుడు హైదరాబాద్ పై కన్నేశాడు. ఇక్కడ ఓ ఫిల్మ్ స్టూడియో ఏర్పాటు కోసం ముఖ్యమంత్రి రేవంత్ రెడ్డిని కలవడం విశేషం. దీనికి సంబంధించిన ఫొటోలు, వీడియో వైరల్ అవుతున్నాయి.
తెలంగాణ లో అంతర్జాతీయ స్థాయి ప్రమాణాలతో కూడిన ఫిల్మ్ స్టూడియో ఏర్పాటుకు అవకాశం కల్పించాలని ముఖ్యమంత్రి ఎ. రేవంత్ రెడ్డి కి ప్రముఖ సినీ నటుడు అజయ్ దేవగణ్ విజ్ఞప్తి చేశాడు. ఢిల్లీలో ముఖ్యమంత్రి రేవంత్ రెడ్డిని ఆయన అధికారిక నివాసంలో అజయ్ దేవగణ్ సోమవారం (జులై 7) కలిశాడు. ఈ సందర్భంగా సినీ నిర్మాణంలో కీలకమైన యానిమేషన్, వీఎఫ్ఎక్స్ స్టూడియో, ఏఐ, ఇతర సదుపాయాలతో అంతర్జాతీయ ప్రమాణాలతో కూడిన స్టూడియో నిర్మాణాన్ని తెలంగాణలో ఏర్పాటు చేసేందుకు అవకాశం కల్పించాలని అజయ్ దేవగణ్ ముఖ్యమంత్రి రేవంత్ రెడ్డికి విజ్ఞప్తి చేశాడు.
స్టూడియో ఏర్పాటుకు ప్రతిపాదన
అంతర్జాతీయ స్థాయి స్టూడియో నిర్మాణంతో పాటు సినీ పరిశ్రమలో వివిధ విభాగాలకు అవసరమైన నిపుణులను అందుబాటులోకి తెచ్చేందుకు నైపుణ్య శిక్షణ కేంద్రం ఏర్పాటు చేసేందుకు అజయ్ దేవగణ్ సంసిద్ధత వ్యక్తం చేశాడు. ఈ సందర్భంగా తెలంగాణ అభివృద్దికి తాము తీసుకుంటున్న చర్యలను, వివిధ రంగాల అభివృద్ధికి తీసుకుంటున్న చర్యలను సీఎం రేవంత్ రెడ్డి అజయ్ దేవగణ్కు వివరించారు. తెలంగాణ రైజింగ్కు సంబంధించి మీడియా, సినిమా రంగాలకు ప్రచారకర్తగా ఉంటానని అజయ్ దేవగణ్ ముఖ్యమంత్రి రేవంత్ రెడ్డికి తెలియజేశాడు.
అజయ్ దేవగణ్ బాలీవుడ్ లోకి అడుగుపెట్టి మూడు దశాబ్దాలకుపైనే అయింది. మూడేళ్ల కిందట ఆర్ఆర్ఆర్ మూవీతో తెలుగులోకీ వచ్చాడు. ఈ సినిమాలో అతడు 8 నిమిషాల పాటు అతిథి పాత్రలో కనిపించాడు.
తెలంగాణ అభివృద్ధికి సహకారం
ఇక ఈ మధ్యే అతడు నటించిన రైడ్ 2 మూవీ బాక్సాఫీస్ దగ్గర మంచి సక్సెస్ సాధించింది. ఈ మూవీ ఈ మధ్యే నెట్ఫ్లిక్స్ లోకి వచ్చింది. ఇప్పటి వరకూ 100కుపైగా సినిమాల్లో నటించిన అజయ్ దేవగణ్కు 2016లో పద్మశ్రీ అవార్డు కూడా లభించింది.
అజయ్ దేవగన్ తెలంగాణ అభివృద్ధికి తన సహకారాన్ని అందించాలని, హైదరాబాద్లో స్టూడియో ఏర్పాటు ద్వారా సినీ పరిశ్రమకు కొత్త శోభను చేకూర్చాలని ఆశిస్తున్నారు. ఈ ప్రతిపాదన తెలంగాణకు మంచి అభివృద్ధిని తెస్తుందని ఆశిద్దాం.
