సినిమా ఇండస్ట్రీలో కాస్టింగ్ కౌచ్ అంశంపై హ్యూమన్ రైట్స్ కమిషన్ చైర్పర్సన్ నేరెళ్ల శారద సంచలన వ్యాఖ్యలు చేశారు. అవకాశాల పేరుతో ఓ పెద్ద నిర్మాత ఒక అమ్మాయిని ఎలా మోసం చేశాడో ఆమె బయటపెట్టారు. ఈ షాకింగ్ విషయాలు ఇప్పుడు ఇండస్ట్రీలో చర్చనీయాంశంగా మారాయి.
Key Points
హ్యూమన్ రైట్స్ కమిషన్ చైర్పర్సన్ నేరెళ్ల శారద కాస్టింగ్ కౌచ్పై సంచలన వ్యాఖ్యలు చేశారు.
అవకాశాల కోసం నిర్మాతలు అమ్మాయిలను మోసం చేస్తున్నారని, తమకు కేసులు వస్తాయని చెప్పారు.
పెళ్లై పిల్లలు ఉన్న ఒక టాలీవుడ్ నిర్మాత అమ్మాయిని మోసం చేశాడని ఆమె వెల్లడించారు.
ఆ నిర్మాత పేరు చెప్పలేనని, ఈ విషయం ప్రస్తుతం ఇండస్ట్రీలో హాట్ టాపిక్గా మారిందని పేర్కొన్నారు.
నేరెళ్ల శారద సంచలన వ్యాఖ్యలు
Casting Couch: సినిమా ఇండస్ట్రీలో కాస్టింగ్ కౌచ్ అనే అంశం తరచూ వార్తల్లో వింటూనే ఉంటాము. అవకాశాల కోసం నిర్మాతలు, దర్శకులు, నటుల దగ్గర అమ్మాయిలు మోసపోవడం జరుగుతూనే ఉంది. అయితే, ఇలాంటి సమస్యలు తరుచు జరుగుతూనే ఉన్నప్పటికీ (Casting Couch)బాధితులు బయటకు వచ్చి న్యాయం కోసం పోరాటం చేయడం చాలా తక్కువ అని చెప్తున్నారు హ్యూమన్ రైట్స్ కమిషన్ చైర్ పర్సన్ నేరెళ్ల శారదా. ఈ విషయం గురించి ఆమె మాట్లాడుతూ షాకింగ్ కామెంట్స్ చేశారు. ఇటీవల ఓ ఇంటర్వ్యూలో పాల్గొన్న ఆమె సినిమా ఇండస్ట్రీలో జరిగే కాస్టింగ్ కౌచ్ గురించి సంచలన విషయాలు చెప్పుకొచ్చారు.
Rahul Ramakrishna: కేసీఆర్ కంబ్యాక్.. గాంధీ అసలు మహాత్ముడే కాదు.. సోషల్ మీడియాలో బీభత్సంగా ట్రోలింగ్ తో అకౌంట్ డిలీట్..
ఇండస్ట్రీలో కాస్టింగ్ కౌచ్ వాస్తవాలు
“సినిమా ఇండస్ట్రీ అనేది గ్లామర్ ఫీల్డ్. అందులో రాణించాలని చాలా మందికి కోరికగా ఉంటుంది. కానీ, ఆ కోరికనే చాలా మంది పెద్దవాళ్ళు అడ్వాంటేజ్ గా తీసుకుంటున్నారు. అవకాశాలు ఇస్తామని చెప్పి అమ్మాయిలను మోసం చేస్తున్నారు. ఇలాంటి కేసులు మా దగ్గరకు చాలా వస్తూనే ఉంటాయి. కానీ, మధ్యలోనే విరమించుకుంటారు. మధ్యలో ఏం జగురుతుందో తెలియదు. ఇండస్ట్రీ పెద్దలు కూర్చొని సెటిల్ చేస్తారా, లేక వారిని ఎవరైనా భయపెడతారా తెలియదు కానీ, మధ్యలోనే ఆ కేసును వితిడ్రా చేసుకుంటారు. ఇలాంటివి నేను చాలా చూశాను.
పెళ్లైన నిర్మాత మోసం.. పేరెవరు?
టాలీవుడ్ ఇండస్ట్రీకి సంబందించిన ఒక పెద్ద నిర్మాతపై కూడా మా దగ్గరకు ఒక కేసు వచ్చింది. అతనికి పెళ్ళై, పిల్లలు ఉన్నా నువ్వే నా భార్యవి అంటూ ఒక అమ్మాయిని మోసం చేశాడు. ఆ నిర్మాత రీసెంట్ గా సూపర్ హిట్ అందుకున్నాడు. ఆయన పేరు నేను చెప్పలేను అంటూ చెప్పుకొచ్చారు. ఆలాగే.. సినీమా ఇండస్ట్రీ అంటే వాళ్ళు వేరే లోకంలో ఉంటారని, అందులో నుంచి ఎలాంటి వార్తలను వారు బయటకు రానివ్వరు అంటూ చెప్పుకొచ్చారు నేరెళ్ల శారదా. దీంతో ఆమె చేసిన ఈ కామెంట్స్ ఇప్పుడు ఇండస్ట్రీలో హాట్ టాపిక్ గా మారాయి. అయితే, నేరెళ్ల శారదా చెప్పిన ఆ పెద్ద నిర్మాత ఎవరు అనేది ఇప్పుడు సస్పెన్స్ గా మారింది.
మొత్తంగా, నేరెళ్ల శారద చేసిన వ్యాఖ్యలు సినిమా ఇండస్ట్రీలోని చీకటి కోణాలను మరోసారి వెలుగులోకి తెచ్చాయి. ఆ నిర్మాత ఎవరు అన్నది సస్పెన్స్ గా మారడంతో, ఈ విషయంపై చర్చ మరింత పెరిగే అవకాశం ఉంది.
