📌 Key Points
- HPV వ్యాక్సిన్ 2006 నుండి ప్రపంచవ్యాప్తంగా అందుబాటులో ఉంది.
- గర్భాశయ క్యాన్సర్ నివారణకు 14 ఏళ్లలోపు బాలికలకు టీకా 93% నుండి 100% రక్షణ.
- ప్రజలు అసత్య వార్తలను నమ్మవద్దని, శాస్త్రీయ ఆధారాలను మాత్రమే పరిగణలోకి తీసుకోవాలని కేంద్రం సూచన.
- తప్పుడు ప్రచారాలు చేస్తున్న వారిపై చర్యలు తీసుకుంటామని ఆరోగ్య శాఖ హెచ్చరిక.
కేంద్ర ప్రభుత్వం ఉచిత HPV వ్యాక్సినేషన్ కార్యక్రమాన్ని ప్రారంభించింది. ఈ వ్యాక్సిన్పై సోషల్ మీడియాలో వస్తున్న తప్పుడు ప్రచారాలపై కేంద్రం స్పందించింది. ఇది సురక్షితమని, గర్భాశయ క్యాన్సర్ నివారణకు ఉపయోగపడుతుందని తెలిపింది.
HPV వ్యాక్సిన్పై కేంద్రం స్పष्टीకరణ
కేంద్ర ప్రభుత్వం మహిళల ఆరోగ్య భద్రతను దృష్టిలో ఉంచుకొని ఇటీవల ఉచిత HPV వ్యాక్సినేషన్ ప్రోగ్రామ్ ను ప్రారంభించింది. కాగా ఈ ఉచిత HPV వ్యాక్సినేషన్ సోషల్ మీడియాలో తప్పుడు ప్రచారాలు జరుగుతున్నాయి. వాటిపై స్పందించిన కేంద్ర ప్రభుత్వం క్లారిటీ ఇచ్చింది. ఈ టీకా కొత్తదేమీ కాదని, 2006 నుంచి ప్రపంచవ్యాప్తంగా అందుబాటులో ఉందని అధికారికంగా స్పష్టం చేసింది. 2022 చివరి నాటికే ప్రపంచ వ్యాప్తంగా సుమారు 50 కోట్ల డోసుల పంపిణీ జరిగిందని, ఇది పూర్తిగా సురక్షితమని అనేక అంతర్జాతీయ అధ్యయనాలు ఇప్పటికే తేల్చిచెప్పాయని కేంద్రం వెల్లడించింది.
గర్భాశయ క్యాన్సర్ నివారణలో కీలకం
గర్భాశయ క్యాన్సర్ నివారణలో టీకా ప్రాముఖ్యత
ఈ వ్యాక్సిన్ ముఖ్యంగా గర్భాశయ క్యాన్సర్ (Cervical Cancer) నివారణలో అద్భుతంగా పనిచేస్తుందని ప్రభుత్వం తెలిపింది. 14 ఏళ్లలోపు బాలికలకు ఈ టీకా అందించడం ద్వారా భవిష్యత్తులో గర్భాశయ క్యాన్సర్ బారిన పడే ప్రమాదం నుండి 93% నుండి 100% వరకు రక్షణ లభిస్తుందని శాస్త్రీయంగా నిరూపితమైందని వివరించింది. క్యాన్సర్ ముప్పును తగ్గించే ఈ బృహత్తర కార్యక్రమంలో ప్రజలందరూ భాగస్వాములు కావాలని ఈ సందర్భంగా కేంద్ర ప్రభుత్వం విజ్ఞప్తి చేసింది.
తప్పుడు ప్రచారం పై కఠిన చర్యలు..
అసత్య ప్రచారాలపై ప్రభుత్వ హెచ్చరిక
కేంద్ర ప్రభుత్వం ప్రతిష్టాత్మకంగా తీసుకుని దేశవ్యాప్తంగా ఉచితంగా అందిస్తున్న ఈ వ్యాక్సిన్ భద్రత పై అనుమానాలు రేకెత్తించేలా కొన్ని వర్గాలు చేస్తున్న ప్రచారంలో ఎటువంటి నిజం లేదని కేంద్రం పేర్కొంది. ప్రజలు ఇటువంటి అసత్య వార్తలను నమ్మవద్దని, శాస్త్రీయ ఆధారాలను మాత్రమే పరిగణలోకి తీసుకోవాలని సూచించింది. బాలికల ఆరోగ్య పరిరక్షణే ధ్యేయం గా సాగుతున్న ఈ టీకా పంపిణీ కార్యక్రమంలో ఎటువంటి అపోహలకు తావులేదని ఆరోగ్య శాఖ వెల్లడించింది. అలాగే కావాలని అసత్యాలను, అనుమానాలను ప్రచారం చేస్తున్న వారిపై అవసరమైతే చర్యలు తీసుకోవాలని సూచించింది.
HPV వ్యాక్సిన్ పట్ల ప్రజల్లో ఉన్న అపోహలను తొలగించేందుకు కేంద్రం కృషి చేస్తోంది. బాలికల ఆరోగ్య పరిరక్షణే ధ్యేయంగా ఈ కార్యక్రమం కొనసాగుతుందని ఆరోగ్య శాఖ స్పష్టం చేసింది.
