📌 Key Points
- రోషన్ హీరోగా ‘ఛాంపియన్’ సినిమా ఈ డిసెంబర్ 25న విడుదల కానుంది.
- ఈ చిత్రం నుంచి ‘సల్లంగుండాలే’ రెండో సింగిల్ తాజాగా రిలీజ్ అయ్యింది.
- వధువు తన గ్రామాన్ని వదిలి వెళ్లే భావోద్వేగాలను పాట వర్ణిస్తుంది.
- చంద్రబోస్ లిరిక్స్ అందించగా, మనీషా ఆలపించారు. ప్రస్తుతం ఈ పాట ట్రెండింగ్లో ఉంది.
రోషన్ హీరోగా నటిస్తున్న ‘ఛాంపియన్’ చిత్రం నుంచి రెండో పాట ‘సల్లంగుండాలే’ తాజాగా విడుదలైంది. వధువు ఇల్లు విడిచి వెళ్లే సందర్భంలోని హృద్యమైన భావోద్వేగాలను ఈ పాట ఆవిష్కరించింది. ఇప్పటికే సోషల్ మీడియాలో ట్రెండింగ్లో ఉన్న ఈ పాట వింటే గూస్ బంప్స్ పక్కా అంటోంది చిత్ర యూనిట్.
‘ఛాంపియన్’ చిత్రం విశేషాలు
టాలీవుడ్ సినీయర్ హీరో శ్రీకాంత్ తనయుడు రోషన్ సినీ ఇండస్ట్రీకి ‘పెళ్లి సందడి’ సినిమాతో ఎంట్రీ ఇచ్చాడు. ఇక, ప్రస్తుతం రోషన్ ప్రధాన పాత్రలో నటిస్తున్న తాజా చిత్రం ‘ఛాంపియన్’. ఈ మూవీలో రోషన్ సరసన మళయాళ బ్యూటీ అనస్వర రాజన్ నటిస్తోంది. నందమూరి కళ్యాణ్ చక్రవర్తి మరియు అర్చన కీలక పాత్రల్లో నటించారు. ఈ చిత్రానికి ప్రదీప్ అద్వైత్ దర్శకత్వం వహిస్తుండగా స్వప్న సినిమాస్, జీ స్టూడియోస్, ఆనంది ఆర్ట్ క్రియేషన్స్ కాన్సెప్ట్ బ్యానర్స్ సంయుక్తంగా నిర్మిస్తున్నాయి. ప్రజెంట్ షూటింగ్ జరుపుకుంటున్న ఈ చిత్రం ఈ నెల(డిసెంబర్) 25న ప్రేక్షకుల ముందుకు రాబోతుంది.
‘సల్లంగుండాలే’ పాట విడుదల, ప్రత్యేకతలు
ఇక, ఈ మూవీ నుంచి ఇప్పటికే రిలీజ్ చేసిన టీజర్, సాంగ్స్ ఆకట్టుకున్నాయి. ఛాంపియన్ సినిమాలోని ‘గిర గిర గింగిరాగిరే’ అనే పాట సోషల్ మీడియాలో ట్రెండింగ్ లో ఉంది. ఈ క్రమంలో నిన్న(సోమవారం) సెకెండ్ సింగిల్ ‘సల్లంగుండాలే’ ప్రోమోను రిలీజ్ చేసిన విషయం తెలిసిందే. ఈ తరుణంలో మూవీలోని రెండో పాట ‘సల్లంగుండాలే’ తాజాగా విడుదల చేశారు. ఈ సాంగ్కు చంద్రబోస్ లిరిక్స్ రాయగా.. మనీషా ఆలపించారు. ఈ పాట ప్రేక్షకుల హృదయాలను కట్టిపడేస్తోంది.
సోషల్ మీడియాలో ట్రెండింగ్లో సాంగ్
అయితే.. పెళ్లికి ముందు వధువు తన ఇల్లు, గ్రామాన్ని వదిలి వెళ్ళాలనే ఆలోచనతో విచారంగా నిశ్శబ్దంగా కూర్చుంటుంది. ఆమె తండ్రి ఆమెను ఓదార్చడానికి వస్తాడు. ఇక్కడి నుంచే పాట ప్రారంభమవుతుంది. అతను ఆమెను సంతోషంగా ఉండమని ఆశీర్వదించినప్పుడు, మొత్తం కుటుంబం – చివరికి మొత్తం గ్రామం – వివాహ వేడుకల ప్రారంభాన్ని సూచిస్తుంది. ప్రస్తుతం సోషల్ మీడియాలో ఛాంపియన్ సెకెండ్ సింగిల్ పాట ట్రెండింగ్లో ఉంది. వీడియో
‘ఛాంపియన్’ సినిమాలోని ‘సల్లంగుండాలే’ పాట ప్రేక్షకులను ఆకట్టుకుంటోంది. దీనికి ముందు విడుదలైన పాట కూడా ట్రెండింగ్లో ఉండటంతో సినిమాపై అంచనాలు పెరిగాయి. ఈ నెల 25న సినిమా ప్రేక్షకుల ముందుకు రానుంది.
