సుపర్ స్టార్ రజనీకాంత్ నటించిన ‘కూలీ’ సినిమా పాటలు ప్రస్తుతం ట్రెండింగ్లో ఉన్నాయి. ఈ పాటల రచనలో సంగీత దర్శకుడు అనిరుధ్ రవిచందర్ చాట్ జీపీటీని ఎలా ఉపయోగించారో తెలుసుకుందాం.
Key Points
కూలీ సినిమా పాటలకు చాట్జీపీటీ సహాయం తీసుకున్నారని అనిరుధ్ వెల్లడించారు.
క్రియేటివ్ బ్లాక్ నుంచి బయటపడేందుకు ఏఐ సాయం తీసుకున్నట్లు చెప్పారు.
చాట్జీపీటీ ప్రీమియం వెర్షన్ ఉపయోగించి మంచి ఫలితాలు సాధించారు.
సినిమా పాటలు ఇప్పటికే ట్రెండింగ్లో ఉన్నాయి.
అనిరుధ్ మరియు చాట్ జీపీటీ
ఈ ఏడాది మోస్ట్ అవైటెడ్ సినిమాల్లో సూపర్ స్టార్ రజనీకాంత్ నటించిన ‘కూలీ’ (Coolie) మూవీ ఒకటి. ఈ చిత్రం కోసం ఫ్యాన్స్ వెయిట్ చేస్తున్నారు. ఆగస్టు 14న ప్రపంచవ్యాప్తంగా ఈ సినిమా రిలీజ్ కానుంది. ఇప్పటికే అడ్వాన్స్ బుకింగ్స్ లో అదరగొడుతోంది రజనీకాంత్ మూవీ. ఇక ఈ మూవీ మ్యూజిక్ ఇప్పటికే ట్రెండింగ్ లో కొనసాగుతోంది. సాంగ్స్ సూపర్ హిట్స్ గా నిలిచాయి. అయితే ఈ మూవీ సౌండ్ ట్రాక్ కోసం చాట్ జీపీటీ హెల్ప్ తీసుకున్నానని మ్యూజిక్ డైరెక్టర్ అనిరుధ్ రవి చందర్ తెలిపాడు.
కూలీ సౌండ్ ట్రాక్ పై పనిచేస్తున్నప్పుడు కృత్రిమ మేధస్సును ఉపయోగించి క్రియేటివ్ బ్లాక్ ను దాటడం గురించి సంగీత దర్శకుడు అనిరుధ్ రవిచందర్ ఓపెన్ అయ్యాడు. ఇటీవల సన్ పిక్చర్స్ కు ఇచ్చిన ఇంటర్వ్యూలో అనిరుధ్ తాను చాట్ జీపీటీని ఎలా ఆశ్రయించానో నిర్మొహమాటంగా పంచుకున్నాడు.
‘‘రెండు రోజుల క్రితం నాకు క్రియేటివ్ బ్లాక్ ఉన్నప్పుడు చాట్ జీపీటీ ఓపెన్ చేసి నా పాటకు సంబంధించిన సమాచారాన్ని ఫీడ్ చేశాను. ‘ఇది పాట’ అని ఏఐని అడిగాను. చివరి రెండు లైన్లు కంపోజ్ చేసే ప్రయత్నంలో ఇరుక్కుపోయాను. నేనేం చెయ్యాలి బాబూ?’ అని అడిగా. నేను ఈ విషయంలో నిజాయితీగా ఉన్నా’’ అని అనిరుధ్ వెల్లడించాడు.
క్రియేటివిటీ మరియు ఏఐ
టైమ్ వేస్ట్ కాకుండా, మంచి క్వాలిటీ కంటెంట్ పొందేందుకు చాట్ జీపీటీ ప్రీమియస్ వెర్షన్ సబ్ స్క్రిప్షన్ కూడా తీసుకున్నట్లు అనిరుధ్ రవిచందర్ పేర్కొన్నాడు. పాట గురించి అడగ్గానే ఏఐ 10 లైన్లు ఇచ్చిందని చెప్పాడు.
‘‘వెంటనే ఏఐ నాకు పది లైన్లు ఇచ్చింది. అక్కడ నుంచి ఒక లైన్ చూశాను. ఒక ఐడియా వచ్చింది. మిగిలిన పాటను కంప్లీట్ చేశా. క్రియేటర్స్ అందరూ ఇలా ఇలా బ్లాక్ అయిపోవడం కామన్. కానీ ఈ రోజుల్లో దీన్ని అధిగమించడం సులువే’’ అని అనిరుధ్ చెప్పాడు.
కూలీ సినిమా పాటల విజయం
కూలీ సినిమా మ్యూజిక్ అదిరిపోయింది.‘చికిటు వైబ్’, ‘మోనికా’ తదితర పాటలు ఇంటర్నెట్ ను షేక్ చేస్తున్నాయి. చికిటు గురించి చెప్తూ.. టి.రాజేందర్ సార్ బీట్స్ ట్యూన్ వెర్షన్ తో ప్రారంభించానని అనిరుధ్ వెల్లడించాడు. అయితే పూజా హెగ్డే తో కలిసి సౌబిన్ షాహిర్ మోనికాకు డ్యాన్స్ చేస్తాడని చెప్పగానే చంద్రముఖి ‘రా రా’లోని లకలక వంటి కామెడీ ట్రాక్స్ చేర్చానని అన్నాడు.
లోకేష్ కనగరాజ్ దర్శకత్వం వహించిన కూలీ చిత్రంలో రజనీకాంత్ , అక్కినేని నాగార్జున, అమీర్ ఖాన్, సౌబిన్ షాహిర్, శృతి హాసన్, ఉపేంద్ర, సత్యరాజ్ తదితరులు నటించారు. ఇందులో అమీర్ ఖాన్, పూజా హెగ్డే గెస్ట్ అప్పియరెన్స్ లు కూడా ఉన్నాయి. హృతిక్ రోషన్, జూనియర్ ఎన్టీఆర్, కియారా అద్వానీ ప్రధాన పాత్రల్లో నటించిన ‘వార్ 2’ చిత్రం కూడా ఆగస్టు 14న ప్రేక్షకుల ముందుకు రానుంది. బాక్సాఫీస్ దగ్గర కూలీ వర్సెస్ వార్ 2 వార్ జరగనుంది.
చివరగా, అనిరుధ్ రవిచందర్ చాట్ జీపీటీ ఉపయోగించి సాధించిన విజయం, కృత్రిమ మేధస్సు సృజనాత్మకతలో ఎలా సహాయపడుతుందో చూపుతుంది. కూలీ సినిమా పాటలు ప్రేక్షకులను అలరిస్తున్నాయి.
