📌 Key Points
- చిరంజీవి, నయనతార జంటగా అనిల్ రావిపూడి దర్శకత్వంలో ‘మన శంకర వరప్రసాద్ గారు’ మూవీ సంక్రాంతికి విడుదల కానుంది!
- సినిమా విడుదలకి ముందే బుక్మైషోలో రివ్యూలు, రేటింగ్స్ సెక్షన్ను నిలిపివేసిన మేకర్స్! అభిమానుల్లో తీవ్ర నిరాశ!
- అసలు టికెట్ కొన్నవాళ్లు మాత్రమే రివ్యూ రాసే అవకాశం ఉన్నప్పుడు ఆడియన్స్ గొంతు నొక్కడం ఎందుకంటున్నారు నెటిజన్లు!
- ట్రైలర్లతో మభ్యపెట్టడం మీ హక్కు అయినప్పుడు, రివ్యూలతో జడ్జ్ చేయడం మా హక్కు అంటున్నారు అభిమానులు!
మెగాస్టార్ చిరంజీవి సినిమా విడుదలకి ముందే వివాదంలో చిక్కుకుంది. బుక్ మై షోలో రివ్యూలు బ్యాన్ చేయడంతో ఫ్యాన్స్ మేకర్స్పై సీరియస్ అవుతున్నారు. అసలు ఏం జరిగిందో తెలుసుకుందాం!
బుక్మైషోలో రివ్యూలు బ్యాన్.. అసలేం జరిగింది?
చిరంజీవి, అనిల్ రావిపూడి మూవీ మన శంకరవరప్రసాద్ గారుకి బుక్ మై షోలో రివ్యూలు, రేటింగ్స్ నిషేధించడంపై ఫ్యాన్స్ మండిపడ్డారు. కోర్టు ఆదేశం ప్రకారం ఈ పని చేసినా.. మీకు ఎందుకింత అభద్రతా భావం అంటూ మేకర్స్ పై విమర్శలు గుప్పిస్తున్నారు.
మెగాస్టార్ చిరంజీవి, లేడీ సూపర్ స్టార్ నయనతార జంటగా అనిల్ రావిపూడి దర్శకత్వంలో తెరకెక్కిన మూవీ ‘మన శంకర వరప్రసాద్ గారు’. సంక్రాంతి బరిలో దిగుతున్న ఈ సినిమా రేపు అంటే సోమవారం (జనవరి 12) ప్రేక్షకుల ముందుకు రానుంది. అయితే సినిమా విడుదలకు ఒక్క రోజు ముందే టికెటింగ్ ప్లాట్ఫామ్ ‘బుక్మైషో’ (BookMyShow)లో ఒక ఆసక్తికర పరిణామం చోటుచేసుకుంది. ఈ సినిమాకు సంబంధించిన రివ్యూలు, రేటింగ్స్ సెక్షన్ను బుక్మైషో నిలిపివేసింది.
అభద్రతా భావమా? లేక ఫేక్ రివ్యూల భయమా?
ఫ్యాన్స్ ఆగ్రహం.. మేకర్స్పై సీరియస్ కామెంట్స్!
” అనిల్ రావిపూడి సినిమాలు చూసే ఆడియన్స్ బుక్మైషోలో రివ్యూలు రాయరు.. అందుకే ఫేక్ రివ్యూలతో సినిమాను దెబ్బతీస్తారనే భయంతో ఇలా చేసి ఉంటారు” అని కొందరు వెనకేసుకొస్తున్నారు.
“పరిశ్రమలో ఎంత అభద్రతా భావం ఉందో దీన్ని చూస్తే అర్థమవుతోంది. టికెట్ కొన్నవాళ్లు మాత్రమే రివ్యూ రాసే అవకాశం ఉన్నప్పుడు.. జెన్యూన్ ఆడియన్స్ గొంతు నొక్కడం ఎందుకు?” అని మరికొందరు మండిపడుతున్నారు.
“ట్రైలర్లతో మభ్యపెట్టడం మీ హక్కు అయినప్పుడు.. రివ్యూలతో మిమ్మల్ని జడ్జ్ చేయడం మా హక్కు. బాట్స్ సమస్య ఉంటే టెక్నాలజీతో పరిష్కరించాలి కానీ.. ఇలా మొత్తం రివ్యూలే ఆపేయడం ఏంటి?” అని ఇంకొకరు ప్రశ్నించారు.
రివ్యూలు ఆపడం కరెక్టేనా? నెటిజన్ల ప్రశ్నలు!
అవతార్ 3 కంటే అఖండకే ఎక్కువ రేటింగ్
గత ఏడాది డిసెంబర్లో కన్నడ స్టార్ దర్శన్ నటించిన ‘ది డెవిల్’ సినిమా విషయంలోనూ కోర్టు ఆదేశాల మేరకు బుక్మైషో ఇలాగే రేటింగ్స్ నిలిపివేసిన సంగతి తెలిసిందే.
చిరంజీవి సినిమా విషయంలో జరుగుతున్న ఈ వివాదం టాలీవుడ్లో హాట్ టాపిక్గా మారింది. మరిన్ని అప్డేట్స్ కోసం చూస్తూ ఉండండి.
