సోషల్ మీడియాలో విమర్శలు ఎదుర్కొంటున్న చిరంజీవి, తన మంచి పనులే తనకు రక్షణ కవచాలు అని అన్నారు. రక్తదానం కార్యక్రమంలో పాల్గొన్న సందర్భంగా ఆయన ఈ వ్యాఖ్యలు చేశారు.
Key Points
చిరంజీవి సోషల్ మీడియా ట్రోలింగ్కు స్పందించరు.
ఆయన చేసిన మంచి పనులు, అభిమానుల ప్రేమే ఆయనకు రక్షణ కవచాలు.
రక్తదానం ద్వారా చిరంజీవి అనేక మంది ప్రాణాలను కాపాడారు.
రాజకీయాలకు దూరంగా ఉన్నప్పటికీ, ఆయన మంచి పనులతో ప్రజల హృదయాలను గెలుచుకుంటున్నారు.
సోషల్ మీడియా విమర్శలకు చిరంజీవి స్పందన
ప్రస్తుతం సోషల్ మీడియా హవా నడుస్తోంది. వీళ్లు వాళ్లు అని తేడా లేకుండా ప్రతిఒక్కరిపై ట్రోలింగ్ జరుగుతూనే ఉంది. మెగాస్టార్ చిరంజీవి కూడా దీనికి బాధితులే. తాజాగా తనపై జరుగుతున్న ట్రోలింగ్ గురించి చిరు స్పందించారు. వాటి గురించి తాను మాట్లాకపోయినా తను చేసిన మంచే మట్లాడుతుందని అన్నారు. హైదరాబాద్లో బుధవారం జరిగిన ఓ బ్లడ్ డొనేషన్ డ్రైవ్కి ముఖ్య అతిథిగా హాజరైన సందర్భంగా ఈ ఆసక్తికర వ్యాఖ్యలు చేశారు.
మంచి పనులే నా రక్షణ: చిరంజీవి
‘సోషల్ మీడియాలో వచ్చే విమర్శలకు మీరు ఎందుకు స్పందించరు అని అందరూ అడుగుతుంటారు. నేనెప్పుడూ స్పందించను ఎందుకంటే నేను చేసిన మంచి కార్యక్రమాలు, నాపై అభిమానులు చూపించే ప్రేమే నాకు రక్షణ కవచాలు. నేను మాట్లాడాల్సిన అవసరం లేదు. నా మంచితనమే మాట్లాడుతుంది. మనల్ని ఎవరైనా మాటలు అంటే మన మంచే సమాధానం చెబుతుంది. అందుకే నేను ఎప్పుడూ దేనికీ స్పందించను. నాలాగే మంచి చేసే నా తమ్ముళ్లకు సాయంగా ఉంటాను. ఇతర దేశాల్లోని అభిమానులు కూడా నా మాటని స్ఫూర్తిగా తీసుకుని రక్తదానం చేస్తున్నారు. నా పేరుని మరింత ముందుకు తీసుకెళ్తున్నారు’
రక్తదానం మరియు చిరంజీవి ఆదర్శం
‘కొన్నాళ్లుగా రాజకీయాలకు పూర్తిగా దూరంగా ఉంటున్నాను. ఈ మధ్య ఓ నాయకుడు నన్ను అకారణంగా మాటలన్నారు. తర్వాత ఆయన ఓ ప్రాంతానికి వెళ్తే.. ఓ మహిళ ఆయనకు ఎదురు తిరిగింది. ‘చిరంజీవి అన్నని మాటలు అనాలని ఎందుకు అనిపించింది?’ అంటూ ఆమె ఎమోషనల్ అయింది. ఆమె వివరాలు కనుక్కొంటే.. చిరంజీవి బ్లడ్ బ్యాంక్ ద్వారా ఆమె బిడ్డ ప్రాణాలు నిలిచాయని, అందుకే నేనంటే గౌరవం అని తెలిసింది. ఆ మాటలు విని నా హృదయం ఉప్పొంగింది’ అని చిరంజీవి చెప్పుకొచ్చారు.
చిరంజీవి తన మంచి పనులు, అభిమానుల ప్రేమే తనకు రక్షణ అని స్పష్టం చేశారు. సోషల్ మీడియా విమర్శలకు అతను స్పందించకపోవడానికి ఇదే కారణం.
