‘వాల్తేరు వీరయ్య’ తర్వాత మళ్ళీ చిరంజీవి మరియు బాబీ కాంబినేషన్లో మరో సినిమా రాబోతోంది. కెవిఎన్ ప్రొడక్షన్స్ నిర్మిస్తున్న ఈ చిత్రానికి ‘మెగా 158’ అనే వర్కింగ్ టైటిల్ ఉంది. అధికారికంగా పోస్టర్ విడుదలైంది.
Key Points
చిరంజీవి మరియు బాబీ కలిసి మరో సినిమా చేస్తున్నారు.
కెవిఎన్ ప్రొడక్షన్స్ ఈ చిత్రాన్ని నిర్మిస్తోంది.
సినిమాకు 'మెగా 158' అనే వర్కింగ్ టైటిల్ ఉంది.
రిలీజ్ చేసిన పోస్టర్ ప్రకారం, సినిమా యాక్షన్కు సంబంధించినట్లుంది.
చిరు-బాబీ కాంబినేషన్ మళ్ళీ!
‘భోళా శంకర్’ వచ్చి రెండేళ్లు దాటిపోయింది. ఆ సినిమా ఫలితం వల్ల ఆలోచనలో పడిపోయిన చిరంజీవి రూట్ మార్చారు. ‘విశ్వంభర’ మొదలుపెట్టారు. అయితే ఇది భారీ బడ్జెట్ చిత్రం కావడంతో లేట్ అవుతూ వస్తోంది. మరోవైపు అనిల్ రావిపూడి దర్శకత్వంలోనూ ఓ చిత్రం చేస్తున్నారు. దీనికి ‘మన శంకర వరప్రసాద్ గారు’ అనే టైటిల్ ఫిక్స్ చేశారు. అలానే శ్రీకాంత్ ఓదెలతోనూ ఓ మూవీ కమిట్ అయ్యారు. ఇప్పుడు మరో ప్రాజెక్ట్ కన్ఫర్మ్ చేశారు. ఈ మేరకు అధికారిక ప్రకటన వచ్చింది.
‘మెగా 158’ చిత్రం అధికారిక ప్రకటన
రెండో ఇన్నింగ్స్లో చిరు సినిమాలు చేస్తున్నారు గానీ సరైన ఫలితాలు రావట్లేదు. ఈ క్రమంలోనే వచ్చి మంచి కమర్షియల్ హిట్ అయిన సినిమా ‘వాల్తేరు వీరయ్య’. ఈ చిత్రానికి బాబీ దర్శకుడు. ఇప్పుడు మరోసారి చిరుని డైరెక్ట్ చేసే ఛాన్స్ బాబీ అందుకున్నాడు. యష్ ‘టాక్సిక్’, దళపతి విజయ్ ‘జననాయగన్’ చిత్రాల్ని నిర్మిస్తున్న కెవిఎన్ ప్రొడక్షన్.. చిరు-బాబీ కొత్త చిత్రాన్ని తెరకెక్కిస్తోంది.
యాక్షన్ ఎంటర్టైనర్గా సినిమా
‘మెగా 158’ పేరుని ఈ ప్రాజెక్టుకి వర్కింగ్ టైటిల్గా నిర్ణయించారు. నెత్తురు-గొడ్డలిని పోస్టర్లో చూపించారు. చూస్తుంటే ఇది యాక్షన్ మూవీలా అనిపిస్తుంది. మరి షూటింగ్ ఎప్పుడు మొదలుపెడతారు. హీరోయిన్, సంగీత దర్శకుడు ఎవరనేది త్వరలో వెల్లడిస్తారేమో?
చిరంజీవి-బాబీ కాంబినేషన్లో తెరకెక్కుతున్న ‘మెగా 158’ చిత్రం యాక్షన్ ఎంటర్టైనర్గా ఉండనుందని పోస్టర్ సూచిస్తోంది. హీరోయిన్, సంగీత దర్శకుడు వంటి వివరాలు త్వరలో వెల్లడించబడతాయి.
