📌 Key Points
- రామ్ చరణ్ను ‘న్యూ ఏజ్ మెగాస్టార్’ అన్న ప్రధాని మోదీ.
- చరణ్ గ్లోబల్ క్రేజ్పై చిరంజీవి భావోద్వేగ ట్వీట్ వైరల్.
- ‘పెద్ది’ సినిమా రూ. 400 కోట్ల క్లబ్లో చేరి భారీ ప్రభంజనం.
- ఢిల్లీ వేదికగా ప్రధాని మోదీని కలిసిన రామ్ చరణ్, ఉపాసన.
మెగాస్టార్ చిరంజీవి కళ్ళల్లో ఆనందం ఉప్పొంగింది! ప్రధాని మోదీ రామ్ చరణ్ను ‘న్యూ ఏజ్ మెగాస్టార్’ అంటూ ప్రశంసించడంతో, చిరు భావోద్వేగ ట్వీట్ ఇప్పుడు సోషల్ మీడియాను షేక్ చేస్తోంది. ఈ సంచలన వార్త పూర్తి వివరాలు తెలుసుకోండి!
మోదీ ప్రశంసలతో రికార్డు సృష్టించిన చరణ్!
‘ఆర్ఆర్ఆర్’తో గ్లోబల్ స్టార్గా క్రేజ్ సంపాదించుకున్న రామ్చరణ్ తాజాగా ‘పెద్ది’తో తన ఇమేజ్ని మరింత పెంచుకున్నాడు. ‘పెద్ది’ సినిమా బాక్సాఫీస్ వద్ద రూ. 400 కోట్ల క్లబ్లో చేరి ప్రభంజనం సృష్టిస్తున్న వేళ చరణ్ ఖాతాలో మరో అరుదైన గౌరవం చేరింది. ఢిల్లీ వేదికగా జరిగిన ‘రిపబ్లిక్ సమ్మిట్ 2026’లో రామ్చరణ్ తన భార్య ఉపాసనతో కలిసి ప్రత్యేక ఆకర్షణగా నిలిచారు. ‘గ్రేట్ పవర్ ఇండియా: నేషన్ ఫస్ట్’ థీమ్తో జరిగిన ఈ సదస్సులో ఆయన భారత ప్రధాని నరేంద్ర మోదీ ని మర్యాదపూర్వకంగా కలుసుకున్నారు. ప్రధాని మోదీ విజన్ను, ‘వికసిత భారత్’ నినాదాన్ని కొనియాడుతూ చరణ్ ఇన్స్టాగ్రామ్లో పెట్టిన పోస్ట్ సోషల్ మీడియాలో విపరీతంగా వైరల్ అవుతోంది. అయితే, ఈ సదస్సులో ప్రధానమంత్రి నరేంద్ర మోదీ… రామ్చరణ్ను ఉద్దేశించి చేసిన ఒక వ్యాఖ్య ఇప్పుడు దేశవ్యాప్తంగా హాట్ టాపిక్గా మారింది. చరణ్ ప్రతిభను గుర్తిస్తూ ప్రధాని మోదీ ఆయన్ని ‘న్యూ ఏజ్ మెగాస్టార్’ ( New Age MegaStar ) అని సంబోధించడం మెగా కాంపౌండ్లోనే కాదు, యావత్ తెలుగు సినీ ఇండస్ట్రీలోనే సరికొత్త చరిత్రకు వేదికైంది. * అప్పట్లోనే ప్రైవేట్ జెట్, కార్గో షిప్స్.. సీనియర్ నటి కేఆర్ విజయ లగ్జరీ లైఫ్ తెలిస్తే షాకవ్వాల్సిందే! చిరంజీవి ఎమోషనల్ ట్వీట్ ప్రధాని స్థాయి వ్యక్తి నుండి తన కుమారుడికి ఇంతటి గొప్ప ప్రశంస దక్కడంపై అగ్ర కథానాయకుడు, మెగాస్టార్ చిరంజీవి సామాజిక మాధ్యమం ఎక్స్ (ట్విట్టర్) వేదికగా స్పందిస్తూ భావోద్వేగంగా ట్వీట్ చేశారు. సుమతీ శతకంలోని ప్రసిద్ధ పద్యంతో ఆయన తన సంతోషాన్ని పంచుకున్నారు. “పుత్రోత్సాహము తండ్రికి పుత్రుడు జన్మించినపుడే పుట్టదు, జనులా పుత్రుని గనుగొని పొగడగా, పుత్రోత్సాహంబు నాడు పొందుర సుమతీ!. నిన్న ప్రధానమంత్రి నరేంద్ర మోదీ గారు పాల్గొన్న రిపబ్లిక్ టీవీ కార్యక్రమంలో రామ్ చరణ్ను ‘New Age MegaStar’ అని సంబోధించడం నాకు ఎంతో ఆనందాన్ని కలిగించింది. ఇలాంటి ప్రతిష్ఠాత్మక వేదికలపై చరణ్కు లభిస్తున్న గుర్తింపు, గౌరవం చూస్తుంటే ఒక తండ్రిగా గర్వంగా ఉంది. తన కృషి, అంకితభావం, నటనతో ప్రేక్షకుల అభిమానాన్ని మాత్రమే కాదు, దేశవ్యాప్తంగా విశేషమైన గుర్తింపును కూడా సంపాదించుకోవడం నిజంగా సంతోషకరం. ఇంకా మరెన్నో ఉన్నత శిఖరాలను అధిరోహిస్తూ తెలుగు సినిమా ఖ్యాతిని ప్రపంచవ్యాప్తంగా మరింత విస్తరించాలని మనస్ఫూర్తిగా కోరుకుంటున్నాను.” అని చిరంజీవి ట్వీట్ చేశారు. * మూవీ ఎలా ఉండబోతుందో మీ ఊహలకే వదిలేస్తున్నా.. RC17పై సుకుమార్ ఇంట్రస్టింగ్ కామెంట్స్ View this post on Instagram A post shared by BommaTV (@bomma.tv) ‘పెద్ది’ వేదికపై పుత్రోత్సాహం! ఈ ట్వీట్కు ముందే హైదరాబాద్లో జరిగిన ‘పెద్ది’ విజయ్సోత్సవ సభలో కూడా చిరంజీవి ఈ విషయాన్ని వేదికపై ఎంతో గర్వంగా వెల్లడించారు. ఒక తండ్రిగా తనకు వంద శాతం పుత్రోత్సాహం లభించిందని ఆనందం వ్యక్తం చేశారు. “బిడ్డలు ఎదిగినప్పుడు తండ్రి పొందే సంతోషం అంతా ఇంతా కాదు. ‘రంగస్థలం’ తర్వాత నేను పొందింది కొంతైతే, ‘పెద్ది’ విజయం మరియు ప్రధాని మోదీ ప్రశంసల తర్వాత వంద శాతం పుత్రోత్సాహాన్ని ఆస్వాదిస్తున్నా. ఇకపై చరణ్ను ముందుంచి నేను వెనుక ఉండటం సరైనది” అంటూ భావోద్వేగానికి లోనయ్యారు. అదే సమయంలో.. బిడ్డ పైకి వచ్చాడు కదా అని తాను నటన ఆపనని, పేరు, డబ్బు కోసం కాకుండా, పని చేయడంలో ఉండే ఆనందం కోసమే తాను నిరంతరం శ్రమిస్తానని, బద్ధకం అనే మాటకు తమ కాంపౌండ్లో చోటు లేదని చిరంజీవి స్పష్టం చేశారు.
చిరంజీవి ఎమోషనల్ ట్వీట్: అసలు విషయం ఇదే!
‘పెద్ది’ ప్రభంజనం: చరణ్ నెక్స్ట్ లెవెల్!
రామ్ చరణ్ సాధించిన ఈ అరుదైన గౌరవం, చిరంజీవి సంతోషం తెలుగు సినీ చరిత్రలో నిలిచిపోతుంది. మెగా అభిమానులకు ఇది పండగే! ఇలాంటి మరిన్ని సంచలన వార్తల కోసం మాతోనే ఉండండి.
