📌 Key Points
- తెలంగాణ విద్యా వ్యవస్థలో సమూల మార్పులకు సీఎం రేవంత్ రెడ్డి కట్టుబడి ఉన్నారు.
- కుల వివక్షను రూపుమాపేందుకు రాష్ట్రంలో ఇంటిగ్రేటెడ్ స్కూల్స్ నిర్మిస్తున్నారు.
- విద్యాశాఖకు రూ.1100 కోట్లు కేటాయించడంతో పాటు 11 వేల టీచర్ పోస్టులు భర్తీ చేశారు.
- విద్యార్థులకు ఉదయం బ్రేక్ఫాస్ట్, పాత సిలబస్ మార్పుతో ప్రపంచ స్థాయి విద్య లక్ష్యం.
తెలంగాణ విద్యా వ్యవస్థలో సమూల మార్పులకు సీఎం రేవంత్ రెడ్డి శ్రీకారం చుట్టారు. వివక్ష లేని సమాజం కోసం ఇంటిగ్రేటెడ్ స్కూల్స్ నిర్మాణం, రూ.1100 కోట్ల నిధుల కేటాయింపు, టీచర్ల నియామకం వంటి కీలక నిర్ణయాలతో విద్యారంగంలో నూతన శకానికి నాంది పలికారు.
విద్యా వ్యవస్థ ప్రక్షాళనకు సీఎం సంకల్పం
తెలంగాణ విద్యా వ్యవస్థను సమూలంగా ప్రక్షాళన చేసేందుకు ప్రభుత్వం సిద్ధమైంది. ఎల్బీ స్టేడియంలో నిర్వహించిన ‘ప్రజాపాలన-ప్రగతి ప్రణాళిక’ విద్యా వారోత్సవాల వేదికగా ముఖ్యమంత్రి రేవంత్ రెడ్డి పలు సంచలన నిర్ణయాలను ప్రకటించారు. విద్య ద్వారానే సామాజిక మార్పు సాధ్యమని నమ్ముతూ, ఈ శాఖను తానే స్వయంగా పర్యవేక్షిస్తున్నట్లు సీఎం వెల్లడించారు.
విద్యా వ్యవస్థ బలోపేతం కోసం రూ.1,100 కోట్ల అభివృద్ధి పనులకు ముఖ్యమంత్రి శ్రీకారం చుట్టారు. విద్యాశాఖకు కేటాయించే నిధులను 15 శాతానికి పెంచుతామని హామీ ఇచ్చారు. ప్రపంచంలోనే అత్యుత్తమ విద్యా విధానం ఉన్న ఫిన్లాండ్కు ఇప్పటికే 25 మంది టీచర్లను అధ్యయనం కోసం పంపించామని, అవసరమైతే మరిన్ని దేశాలకు పంపిస్తామని రేవంత్ రెడ్డి తెలిపారు.
‘విద్యావ్యవస్థలో తెలంగాణ ప్రాంతం దశాబ్దాలుగా వివక్షకు గురైనది. వివక్షతో 1969లో తెలంగాణ ఉద్యమం మెుదలైంది. అప్పటి నుంచి కొన్ని దశాబ్దాల పాటు పోరాడి తెలంగాణ సాధించుకున్నాం. యూనివర్సిటీలు నిర్లక్ష్యానికి గురైతే మన విద్యా వ్యవస్థ ప్రమాణాలు పడిపోతాయని గ్రహించాం. పేద బడుగు బలహీన వర్గాలకు సైతం నాణ్యమైన విద్యను అందించడం మా ప్రభుత్వం బాధ్యతగా భావిస్తుంది.’ అని రేవంత్ రెడ్డి అన్నారు.
ఇంటిగ్రేటెడ్ స్కూల్స్: వివక్షకు చెల్లుచీటి
ప్రభుత్వ పాఠశాల విద్యార్థులకు పౌష్టికాహారం అందించే దిశగా, మధ్యాహ్న భోజనంతో పాటు ఉదయం బ్రేక్ఫాస్ట్ కూడా అందించాలని రేవంత్ రెడ్డి నిర్ణయించారు. ప్రస్తుతం ఇది పైలట్ ప్రాజెక్టుగా కొనసాగుతోంది. కులాల వారీగా రెసిడెన్షియల్ పాఠశాలలు ఉండటం వల్ల వివక్ష పెరుగుతోందని భావించి, అందరూ కలిసి చదువుకునేలా అత్యాధునిక ‘ఇంటిగ్రేటెడ్ స్కూల్స్’ నిర్మిస్తున్నట్లు వెల్లడించారు.
గత పాలకుల నిర్లక్ష్యం వల్ల వర్సిటీలు దెబ్బతిన్నాయని ఆవేదన వ్యక్తం చేసిన సీఎం, తమ ప్రభుత్వం వచ్చిన 60 రోజుల్లోనే 11 వేల టీచర్ పోస్టులను భర్తీ చేశామని గుర్తుచేశారు. వివాదాలు లేకుండా 36 వేల మంది టీచర్ల బదిలీలను పూర్తి చేశామన్నారు.
‘ప్రభుత్వ బడుల్లో విద్యార్థి- టీచర్ నిష్పత్తి 17:1 గా ఉన్నప్పటికీ, ఫలితాల్లో ప్రైవేటు కంటే ఎందుకు వెనుకబడి ఉన్నామో ఆలోచించాలి. పాతకాలపు సిలబస్ను మార్చి, టెన్ ప్లస్ టూ విధానం అమల్లోకి తెచ్చి డ్రాపౌట్లను అరికడతాం.’ అని సీఎం రేవంత్ రెడ్డి అన్నారు.
నాణ్యమైన విద్యకు రూ.1100 కోట్లు కేటాయింపు
తెలంగాణ భవిష్యత్తు తరాలను ప్రపంచంతో పోటీ పడేలా తీర్చిదిద్దడమే లక్ష్యంగా ప్రభుత్వం అడుగులు వేస్తోందని రేవంత్ రెడ్డి చెప్పారు. ప్రభుత్వ పాఠశాలలు కేవలం భవనాలుగా కాకుండా, దేశ భవిష్యత్తును నిర్మించే వేదికలుగా మారాలని సీఎం పిలుపునిచ్చారు.
ఆనంద్ సాయి మాదాసు ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్గా బాధ్యతలు నిర్వర్తిస్తున్నారు. డిజిటల్ మీడియాలో 9 ఏళ్లకుపైగా అనుభవం ఉంది. హెచ్టీ తెలుగులో చేరడం కంటే ముందు ఏబీపీ దేశంలో డిజిటల్ కంటెంట్ ప్రొడ్యూసర్గా పని చేశారు. మెుదట నవతెలంగాణ అనే దినపత్రికలో సబ్ఎడిటర్గా జర్నలిజం కెరీర్ మెుదలుపెట్టారు. ఆ తర్వాత కరీంనగర్లో ఈనాడు దినపత్రికలో కొంతకాలం సబ్ఎడిటర్గా బాధ్యతలు చూసుకున్నారు. కాకతీయ యూనివర్సిటీలో 2015-2017 పీజీ మాస్ కమ్యూనికేషన్ అండ్ జర్నలిజం చేశారు. ఈ సమయంలో మేడారం సమ్మక్క-సారలమ్మ జాతర కోసం ప్రత్యేకంగా క్యాంపస్ నుంచి పంపించిన టీమ్లో ఉన్నారు. పీజీ చదివే సమయంలోనే క్యాంపస్ రిక్రూట్మెంట్లో భాగంగా ఈటీవీ భారత్కు సెలక్ట్ అయ్యారు. అక్కడ ఆంధ్రప్రదేశ్ డెస్క్లో పని చేశారు. అంతేకాదు కొన్ని ప్రత్యేక స్టోరీలు కూడా ఈటీవీ భారత్ వెబ్సైట్ కోసం రాసేవారు. 2019 ఎన్నికల్లో ఎలక్షన్ డెస్క్ టీమ్లో ఉన్న నలుగురిలో ఆనంద్ సాయి ఒకరు. ఆ తర్వాత అక్కడ నుంచి ఏబీపీ దేశంలోకి వెళ్లి కొంతకాలం పని చేశారు. ఈ సమయంలో కూడా డిజిటల్ మీడియాకు తగినట్టుగా అనేక ప్రత్యేక కథనాలు రాశారు.
హిందూస్తాన్ టైమ్స్ తెలుగులో 2022లో చేరారు. ఇక్కడ గతంలో నేషనల్, బిజినెస్, లైఫ్స్టైల్, ఎంటర్టైన్మెంట్, స్పోర్ట్స్ సెక్షన్లకు పనిచేశారు. ప్రస్తుతం ఆంధ్రప్రదేశ్, తెలంగాణ సెక్షన్లకు వార్తలు రాస్తున్నారు. అన్ని సెక్షన్లకు డిజిటల్ కంటెంట్ రైటర్గా పని చేసిన అనుభవం ఆయనకు ఉంది. అంతేకాదు ఈటీవీ భారత్, ఏబీపీ దేశం, హిందుస్తాన్ టైమ్స్ వెబ్సైట్స్ లాంచ్ టీమ్లో ఈయన ఉన్నారు. ప్రస్తుతం ఆంధ్రప్రదేశ్, తెలంగాణ రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ప్రభుత్వ పథకాలు, ఉద్యోగ నోటిఫికేషన్లు, ఇతర సమాచారం ప్రజలకు సులభంగా అర్థమయ్యే రీతిలో, వీలైనంత త్వరగా కథనాలను ఇవ్వటంలో ప్రత్యేక శైలి కలిగి ఉన్నారు. అనేకసార్లు హిందుస్తాన్ టైమ్స్ సంస్థ నుంచి ఇన్స్టా అవార్డులు అందుకున్నారు. డిజిటల్ మీడియాలో ఎక్కువకాలం పని చేసిన అనుభవం ఉంది. యూజర్లకు ఉపయోగపడే వార్తలను అందించడంలో ముందుంటారు. Read More
సీఎం రేవంత్ రెడ్డి తీసుకున్న ఈ విద్యా సంస్కరణలు తెలంగాణ భవిష్యత్తు తరాలకు నాణ్యమైన విద్యను అందించి, వారిని ప్రపంచంతో పోటీ పడేలా తీర్చిదిద్దుతాయని ఆశిద్దాం. ఇది రాష్ట్ర ప్రగతికి బలమైన పునాది వేస్తుంది.
