ప్రతిష్టాత్మక తెలంగాణ గద్దర్ ఫిల్మ్ అవార్డ్స్ – 2024 వేడుక సందర్భంగా సీఎం రేవంత్ రెడ్డి ఆసక్తికరమైన వ్యాఖ్యలు చేశారు. సినిమా పరిశ్రమకు ప్రభుత్వం సంపూర్ణ సహకారం అందిస్తుందని తెలిపారు.
Key Points
తెలంగాణ గద్దర్ ఫిల్మ్ అవార్డ్స్ – 2024 వేడుక గ్రాండ్ సక్సెస్.
సీఎం రేవంత్ రెడ్డి సినీ పరిశ్రమకు ప్రాధాన్యతనిచ్చారు.
2047 నాటికి రాష్ట్రాన్ని 3 ట్రిలియన్ డాలర్ల ఆర్థిక వ్యవస్థగా తీర్చిదిద్దాలన్న లక్ష్యం.
సినీ పరిశ్రమ అభివృద్ధికి ప్రభుత్వం పూర్తి సహకారం అందిస్తుందని ప్రకటన.
గద్దర్ ఫిల్మ్ అవార్డ్స్ వేడుక
ప్రతిష్టాత్మక ‘తెలంగాణ గద్దర్ ఫిల్మ్ అవార్డ్స్ – 2024’(Telangana Gaddar Film Awards) వేడుక గ్రాండ్ సక్సెస్ అయిన సందర్భంగా సీఎం రేవంత్ రెడ్డి(CM Revanth Reddy) ఆసక్తికర వ్యాఖ్యలు చేశారు. ఈ మేరకు సోషల్ మీడియా వేదికగా పోస్టు పెట్టారు. ‘‘నిద్రలో కనేది కల.. నిద్రపోతున్న సమాజాన్ని మేల్కొలిపేది కళ. ఆ కళకు ప్రాణంపోసే సినీ పరిశ్రమను గుర్తించి, గౌరవించే సాంప్రదాయాన్ని ప్రజా ప్రభుత్వం తిరిగి ప్రారంభించింది. తెలంగాణ చైతన్యానికి ప్రతీక.. తన గళంతో జనంలో స్ఫూర్తిని నింపిన పతాక.. గద్దరన్న స్మృతిలో రాష్ట్ర ప్రభుత్వం తరపున “తెలంగాణ గద్దర్ ఫిల్మ్ అవార్డ్”ను ప్రారంభించుకోవడం ఆనందంగా ఉంది.
తెలంగాణ రైజింగ్ – 2047 ప్రణాళికలో సినీ పరిశ్రమకు ఒక చాప్టర్ ఉండాలన్నది నా ఆకాంక్ష. మన రాష్ట్రం 2047 నాటికి మూడు ట్రిలియన్ డాలర్ల ఎకానమీగా ఎదగాలి. అందులో సినీ పరిశ్రమ వాటా ఉండాలి. ఆ స్థాయికి పరిశ్రమ ఎదగడానికి ప్రజా ప్రభుత్వం నుండి అవసరమైన సంపూర్ణ సహకారం అందిస్తాం. హైటెక్స్ వేదికగా అంగరంగ వైభవంగా జరిగిన ఈ వేడుకల్లో గడచిన 10 ఏండ్ల సినిమాలకు అవార్డులు అందుకున్న ప్రతి ఒక్కరికి నా హృదయపూర్వక అభినందనలు’’ అని సీఎం రేవంత్ రెడ్డి పేర్కొన్నారు.
సీఎం రేవంత్ రెడ్డి వ్యాఖ్యలు
సిని పరిశ్రమకు ప్రభుత్వం మద్దతు
తెలంగాణ సినీ పరిశ్రమ అభివృద్ధికి ప్రభుత్వం అండగా ఉంటుందని సీఎం రేవంత్ రెడ్డి హామీ ఇచ్చారు. 2047 నాటికి రాష్ట్ర ఆర్థిక వ్యవస్థలో సినీ పరిశ్రమకు ప్రముఖ పాత్ర ఉంటుందని ఆశించారు.
