📌 Key Points
- తమిళనాడులో సీఎం విజయ్ అవినీతి రహిత పాలనకు కఠిన చర్యలు.
- లంచాలు అడిగితే ఫిర్యాదు చేయడానికి ఆన్లైన్ పోర్టల్, హెల్ప్లైన్.
- సమాచారం ఇచ్చిన వారికి రూ. లక్ష బహుమతి ప్రకటించిన ప్రభుత్వం.
- అధికారులపై తక్షణ చర్యలు, చట్టపరమైన విచారణకు ఆదేశాలు.
తమిళనాడు ముఖ్యమంత్రి విజయ్ అవినీతి నిర్మూలనకు నడుం బిగించారు. ప్రభుత్వ కార్యాలయాల్లో లంచాలు అడిగితే ఫిర్యాదు చేసేందుకు ఆన్లైన్ పోర్టల్, హెల్ప్లైన్ ఏర్పాటు చేస్తున్నారు. సమాచారం ఇచ్చిన వారికి లక్ష రూపాయల బహుమతి ప్రకటించారు. ఇది అవినీతి రహిత పాలన దిశగా కీలక అడుగు.
సీఎం విజయ్ అవినీతిపై ఉక్కుపాదం
గత నెలలో జరిగిన అసెంబ్లీ ఎన్నికల్లో భారీ విజయం తర్వాత ప్రభుత్వాన్ని ఏర్పాటు చేసిన టీవీకే విజయ్ (TVK Vijay) తమిళనాడు ముఖ్యమంత్రిగా తనదైన మార్కును చాటుతున్నారు. సీఎంగా బాధ్యతలు స్వీకరించిన అనంతరం జోసెఫ్ విజయ్ రాష్ట్రంలో అవినీతి రహిత పాలన అందించడమే లక్ష్యంగా తీసుకుంటున్న ముందస్తు నిర్ణయాలు, వ్యూహాత్మక ప్రణాళికల నేపథ్యంలో ఓ వార్త వైరల్ అవుతోంది. తన తమిళగ వెట్రి కజగం (TVK) పార్టీ ఎన్నికల ప్రచారంలో ఇచ్చిన ‘జీరో కరప్షన్’ (Zero Corruption) హామీని నెరవేర్చే దిశగా కొత్త ప్రభుత్వం అడుగులు వేస్తోంది.
సాధారణ పౌరులకు ప్రభుత్వ కార్యాలయాల్లో ఎలాంటి ఇబ్బందులు ఎదురైనా, లంచాలు అడిగినా నేరుగా సీఎంఓ (CMO) కి ఫిర్యాదు చేసేలా ఒక కేంద్రీకృత ఆన్లైన్ పోర్టల్, ప్రత్యేక హెల్ప్లైన్ నంబర్ను తీసుకురావడానికి తమిళపాడే ఐటీ విభాగం కసరత్తు చేస్తోంది. సామాన్య ప్రజలు ఎక్కువగా వెళ్లే సబ్-రిజిస్ట్రార్ ఆఫీసులు, ఆర్టీవో (RTO) కార్యాలయాలు, మున్సిపల్ ఆఫీసులు, రేషన్ కార్డుల మంజూరు విభాగాలలో లంచాల దందాను పూర్తిగా అరికట్టాలని అధికారులకు సీఎం విజయ్ ఇప్పటికే స్పష్టమైన ఆదేశాలు జారీ చేశారు. లంచం అడిగినట్లు ఆధారాలతో సహా దొరికితే ఎంతటి ఉన్నతాధికారి అయినా, తమ పార్టీకి అత్యంత సన్నిహితులైనా సరే ఉపేక్షించేది లేదని, వారిపై తక్షణమే శాఖాపరమైన చర్యలతో పాటు చట్టపరమైన విచారణ (Vigilance Inquiry) జరుపుతామని సీఎంఓ వర్గాలు స్పష్టం చేశాయి.
ఫిర్యాదుల కోసం ఆన్లైన్ పోర్టల్, హెల్ప్లైన్
లంచం అడిగితే లక్ష బహుమతి
సీఎం విజయ్ తీసుకున్న ఈ నిర్ణయాలు తమిళనాడులో అవినీతిని గణనీయంగా తగ్గిస్తాయని ఆశిస్తున్నారు. ప్రజల భాగస్వామ్యంతోనే ‘జీరో కరప్షన్’ సాధ్యమని ప్రభుత్వం నమ్ముతోంది. ఈ చర్యలు ఇతర రాష్ట్రాలకు ఆదర్శంగా నిలుస్తాయి.
