📌 Key Points
- యూట్యూబర్ అన్వేష్ హిందూ దేవతలు, మహిళల వస్త్రధారణపై అసభ్యకర వ్యాఖ్యలు.
- విశ్వహిందూ పరిషత్ (VHP) విశాఖపట్నం పోలీసులకు ఫిర్యాదు చేసింది.
- అన్వేష్ను అరెస్ట్ చేసి కఠిన చర్యలు తీసుకోవాలని వీహెచ్పీ డిమాండ్.
- సోషల్ మీడియాలో లక్షల ఫాలోవర్లను కోల్పోయిన అన్వేష్.
ట్రావెల్ యూట్యూబర్ అన్వేష్ హిందూ దేవతలు, మహిళలపై చేసిన వ్యాఖ్యలు తీవ్ర దుమారం రేపాయి. విశ్వహిందూ పరిషత్ పోలీసులకు ఫిర్యాదు చేయగా, అన్వేష్ను అరెస్టు చేయాలని డిమాండ్ చేస్తోంది. ఈ వివాదంతో అన్వేష్ సోషల్ మీడియాలో భారీగా ఫాలోవర్లను కోల్పోయారు. పోలీసులు విచారణకు సిద్ధమయ్యారు.
అన్వేష్ వ్యాఖ్యలు, వీహెచ్పీ ఆగ్రహం
టాలీవుడ్ నటుడు శివాజీ మహిళల దుస్తుల పై చేసిన వ్యాఖ్యలు తెలుగు రాష్ట్రాల్లో తీవ్ర చర్చకు దారి తీసిన విషయం తెలిసిందే. ఈ వివాదంలో జోక్యం చేసుకున్న ప్రముఖ ట్రావెల్ యూట్యూబర్ అన్వేష్ (నా అన్వేషణ) హిందూ దేవతలు, భారతీయ మహిళల వస్త్రధారణపై తీవ్రమైన అసభ్యకరమైన వ్యాఖ్యలు చేశాడు. దీంతో అతని వ్యాఖ్యలు రాష్ట్ర వ్యాప్తంగా పెను దుమారం రేపుతున్నాయి. ఈ వ్యాఖ్యలు అత్యంత అసభ్యకరంగా ఉన్నాయని, హిందువుల మనోభావాలను దెబ్బతీసేలా ఉన్నాయని ఆరోపిస్తూ విశ్వహిందూ పరిషత్ (VHP) ప్రతినిధులు విశాఖపట్నంలోని గోపాలపట్నం పోలీస్ స్టేషన్లో ఫిర్యాదు చేశారు. ముఖ్యంగా నటుడు శివాజీ వ్యాఖ్యలపై స్పందిస్తూ, దేవతలను కించపరిచేలా మాట్లాడిన అన్వేష్ను వెంటనే అరెస్ట్ చేసి కఠిన చర్యలు తీసుకోవాలని వీహెచ్పీ నేతలు డిమాండ్ చేస్తున్నారు.
నెటిజన్ల ఆగ్రహం, ఫాలోవర్ల నష్టం
నెటిజన్ల ఆగ్రహం.. సోషల్ మీడియాలో తగ్గుతున్న ఫాలోవర్స్
పోలీసుల విచారణ, అన్వేష్ వివరణ
ఇదిలా ఉంటే ఈ వివాదంలో అనవసరంగా తలదూర్చిన అన్వేష్ హిందూ దేవతలపై చేసిన వ్యాఖ్యలతో తీవ్ర వ్యతిరేకతను సొంతం చేసుకున్నారు. గతంలో బెట్టింగ్ యాప్స్ ప్రమోటర్స్ విషయంలో అతనికి మద్దతుగా నిలిచిన నెటిజన్లు తాజాగా అతన్ని పూర్తిగా వ్యతిరేకిస్తున్నారు. ఈ వివాదం సోషల్ మీడియాలో దావానంలా వ్యాపించడంతో అన్వేష్ తన ఇన్స్టాగ్రామ్ ఖాతాలో భారీగా ఫాలోవర్లను కోల్పోతున్నారు. కేవలం కొన్ని గంటల వ్యవధిలోనే సుమారు లక్షకు పైగా ఫాలోవర్లు ఆయనను అన్ఫాలో చేయడం గమనార్హం. అలాగే యూట్యూబ్ లో కూడా దాదాపు 5 లక్షల వరకు ఫాలోవర్స్ అన్ ఫాలో చేసినట్లు తెలుస్తుంది. దీంతో రియలైజ్ అయిన అన్వేష్.. తన వ్యాఖ్యల ఉద్దేశం అది కాదని అన్వేష్ వివరణ ఇచ్చే ప్రయత్నం చేసినప్పటికీ, నెటిజన్లు, భక్తులు ఆయనపై తీవ్ర స్థాయిలో ఆగ్రహం వ్యక్తం చేస్తున్నారు. ప్రస్తుతం పోలీసులు ఈ ఫిర్యాదును స్వీకరించి, చట్టపరమైన విచారణకు సిద్ధమవుతున్నారు.
అన్వేష్ తన వ్యాఖ్యలపై వివరణ ఇచ్చినా, నెటిజన్ల ఆగ్రహం తగ్గలేదు. వీహెచ్పీ ఫిర్యాదుతో పోలీసులు చట్టపరమైన విచారణకు సిద్ధమవుతున్నారు. ఈ వివాదం ఎలాంటి మలుపు తిరుగుతుందో చూడాలి.
