📌 Key Points
- సంతోష్ శోభన్, మానస వారణాసి జంటగా ‘కపుల్ ఫ్రెండ్లీ’ మూవీ విడుదల, యూత్ ఆడియన్స్లో భారీ అంచనాలు!
- ఫిబ్రవరి 14న తెలుగు, తమిళంలో విడుదలైన ఈ రొమాంటిక్ లవ్ స్టోరీకి ప్రీమియర్ షో నుంచే సూపర్ హిట్ టాక్!
- ఫస్ట్ హాఫ్లో క్యూట్ లవ్ స్టోరీ, సెకండ్ హాఫ్లో ఎమోషనల్ డ్రామాతో ఆడియన్స్ను కట్టిపడేసిన చిత్రం!
- లివ్ ఇన్ రిలేషన్, పేరెంట్స్ ఎంట్రీతో సినిమా మరో టర్న్.. క్లైమాక్స్ ఊహించని విధంగా ఉంటుందని టాక్!
సంతోష్ శోభన్, మానస వారణాసి జంటగా నటించిన ‘కపుల్ ఫ్రెండ్లీ’ మూవీ విడుదలైంది. ఈ సినిమా యూత్ను ఆకట్టుకునే విధంగా రొమాంటిక్ లవ్ స్టోరీతో తెరకెక్కింది. వాలెంటైన్స్ డే సందర్భంగా విడుదలైన ఈ మూవీకి మంచి టాక్ వస్తోంది.
ఫస్ట్ హాఫ్: క్యూట్ లవ్ స్టోరీ!
Couple Friendly Review : సంతోష్ శోభన్, మానస వారణాసి జంటగా తెరకెక్కిన సినిమా ‘కపుల్ ఫ్రెండ్లీ’. యూవీ క్రియేషన్స్ బ్యానర్ పై యూవీ కాన్సెప్ట్స్ నిర్మాణంలో అశ్విన్ చంద్రశేఖర్ దర్శకత్వంలో ఈ సినిమా తెరకెక్కింది. రొమాంటిక్ లవ్ స్టోరీగా తెరకెక్కిన కపుల్ ఫ్రెండ్లీ సినిమా వాలెంటైన్స్ డే సందర్భంగా ఫిబ్రవరి 14న తెలుగు, తమిళంలో రిలీజ్ కాబోతుండగా ముందు రోజే ప్రీమియర్స్ వేశారు.(Couple Friendly Review)
శివ(సంతోష్ శోభన్) చదువు అయినా ఏమి సంపాదించట్లేదని ఇంట్లో తిడుతూ ఉంటె చెన్నై వచ్చి ఇంటీరియర్ డిజైన్ గా ట్రై చేస్తూ డబ్బుల కోసం బైక్ ట్యాక్సీ నడుపుతూ ఉంటాడు. మిత్ర(మానస వారణాసి)కి ఆల్రెడీ జాబ్ వచ్చిందని చెప్పి చెన్నైలో ఉంటుంది. ఇంట్లో పెళ్లి సంబంధాలు అనడంతో జాబ్ వంకతో తప్పించుకుంటూ చెన్నైలో ఉండి జాబ్స్ వెతుక్కుంటుంది. బైక్ ట్యాక్సీ వల్ల వీరిద్దరూ పరిచయం అవుతారు. ఓ రోజు అనుకోకుండా మిత్ర హాస్టల్ ఖాళీ చేసేయడంతో శివ బైక్ మీదే తిరుగుతూ హాస్టల్ కోసం చెన్నై అంతా వెతుకుతారు. రాత్రి అయినా ఒక్క హాస్టల్ కూడా దొరక్కపోవడంతో శివ తన రూమ్ లో ఉండమని, రెంట్ షేర్ ఇవ్వమని అడుగుతాడు.
తనని నమ్మి శివ రూమ్ కి వస్తుంది మిత్ర. రూమ్ లో ఇద్దరూ క్లోజ్ అవుతారు. ఒక రకంగా లివ్ ఇన్ రిలేషన్ లోకి వెళ్తారు. శివ కెరీర్ కి మిత్ర సపోర్ట్ చేయడంతో శివ ఇంటీరియర్ డిజైనర్ గా ఎదుగుతాడు. మిత్ర మాత్రం ఎంత ట్రై చేసినా తనకు జాబ్ రాదు. ఈ విషయంలో ఇద్దరికీ గొడవ అయి దూరం అవుతారు. మరి శివ – మిత్ర మళ్ళీ కలుస్తారా? వీళ్ళ లివ్ ఇన్ గురించి ఇంట్లో వాళ్లకు తెలుస్తుందా? మిత్రకి జాబ్ వస్తుందా? శివ – మిత్ర రిలేషన్ ఎటు వెళ్తుంది.. ఇవన్నీ తెలియాలంటే సినిమా చూడాల్సిందే..
కపుల్ ఫ్రెండ్లీ అని టైటిల్ తో, ట్రైలర్స్ లో రొమాంటిక్, కిస్ సీన్స్ తో సినిమాపై ముందు నుంచే అంచనాలు పెంచారు. వాలెంటైన్స్ డే కి పర్ఫెక్ట్ సినిమా అని ప్రమోట్ చేసారు. ఫస్ట్ హాఫ్ అంతా ఇద్దరి పాత్రల పరిచయం, ఇద్దరు కలవడం, ప్రేమలో పడటం, లివ్ ఇన్ లోకి వెళ్లడం అంతా క్యూట్ గా, అక్కడక్కడా కామెడీతో ప్రేమకథగా సాగుతుంది. ఇంటర్వెల్ కి ఇద్దరికీ గొడవ రావడంతో నెక్స్ట్ ఏం జరుగుతుందని ఆసక్తి నెలకొంటుంది. ఇక సెకండ్ హాఫ్ లో ఇద్దరి పేరెంట్స్ ఎంటర్ అవ్వడంతో మరింత ఆసక్తిగా మారుతుంది.
సెకండ్ హాఫ్: ఎమోషనల్ డ్రామా!
సెకండ్ హాఫ్ లో ప్రేమకథని మరో మలుపు తిప్పి ఎమోషనల్ గా మార్చారు. క్లైమాక్స్ ఎవరూ ఊహించరు. ఫస్ట్ హాఫ్ అంతా సరదాగా సాగుతే సెకండ్ హాఫ్ ఎమోషనల్ రైడ్ అయింది కానీ కాస్త సాగదీశారు. ప్రేమ, భార్య భర్తల బంధం గురించి బాగా చూపించారు. ప్రస్తుతం, గతంతో స్క్రీన్ ప్లే చాలా బాగా రాసుకున్నారు. అయితే ఈ కథకి ఎమోషనల్ క్లైమాక్స్ కాకుండా ఇంకోలా రాసుకుంటే బాగుండేది అనిపిస్తుంది. ప్రేమకథని కాస్త కొత్తగానే చూపించారు. హీరో – హీరోయిన్ పరిచయం కూడా కొత్తగా ఉంటుంది. ఓ రెండు మూడు రొమాంటిక్ సీన్స్ కూడా బాగానే వర్కౌట్ అయ్యాయి. ఓ రెండు సీన్స్ లో కన్నీళ్లు కూడా పెడతారు. వాలెంటైన్స్ డేకి ఈ ఫీల్ గుడ్ సినిమా మీ ఫ్రెండ్స్, లవర్ తో కలిసి చూడొచ్చు.
సంతోష్ శోభన్ చాన్నాళ్ల తర్వాత మంచి పర్ఫార్మెన్స్ ఇచ్చాడు. ఎమోషనల్ సీన్స్ లో చాలా బాగా మెప్పించాడు. మానస వారణాసి క్యూట్ గా కనిపిస్తూనే ఎమోషనల్ సీన్స్ లో చాలా బాగా నటించింది. రాజీవ్ కనకాల, గోపరాజు రమణ హీరోయిన్ హీరో తండ్రి పాత్రల్లో ఒదిగిపోయారు. యోగిబాబు, హీరోయిన్ ఫ్రెండ్ లవర్ పాత్రలో నటించిన నటుడు అక్కడక్కడా నవ్విస్తారు. హీరో అన్న, వదిన పాత్రల్లో నటించిన తమిళ నటులు చక్కగా నటించారు. మిగిలిన నటీనటులు వారి పాత్రల్లో బాగానే మెప్పించారు.
సినిమాటోగ్రఫీ విజువల్స్ చాలా బాగున్నాయి. చాలా వరకు చెన్నై లో రియల్ లొకేషన్స్ లో గొరిల్లా షూట్ చేయడంతో రియాల్టీగా ఉంది సినిమా. బ్యాక్ గ్రౌండ్ మ్యూజిక్ చాలా బాగుంది. విజువల్స్, మ్యూజిక్ ఈ సినిమాకు మరింత ప్లస్ అయ్యాయి. సాంగ్స్ కూడా వినడానికి మెలోడీగా బాగున్నాయి.
క్లైమాక్స్: ఊహించని ట్విస్ట్!
ఎడిటింగ్ విషయంలో మాత్రం సెకండ్ హాఫ్ లో కాస్త ల్యాగ్ కట్ చేస్తే బాగుండేది. దర్శకుడు ఒక క్యూట్ లివ్ ఇన్ లవ్ స్టోరీని కొత్తగా రాసుకొని ఎమోషనల్ గా బాగానే తెరకెక్కించాడు. కొన్ని డైలాగ్స్ బాగున్నాయి. నిర్మాణ పరంగా చిన్న సినిమాకు కావాల్సినంత బాగానే ఖర్చుపెట్టనట్టు తెరపై కనిపిస్తుంది.
మొత్తంగా ‘కపుల్ ఫ్రెండ్లీ’ సినిమా ఓ సరికొత్త ప్రేమకథ. నవ్వించి ఎమోషనల్ చేస్తారు. వాలెంటైన్స్ డేకి పర్ఫెక్ట్ సినిమా. ఈ సినిమాకు 3 రేటింగ్ ఇవ్వొచ్చు.
గమనిక : ఈ సినిమా రివ్యూ & రేటింగ్ కేవలం విశ్లేషకుడి వ్యక్తిగత అభిప్రాయం మాత్రమే.
కపుల్ ఫ్రెండ్లీ మూవీ యూత్ ఆడియన్స్ను బాగా ఆకట్టుకుంటుందని టాక్. రొమాంటిక్ లవ్ స్టోరీతో పాటు ఎమోషనల్ సీన్స్ కూడా ఉండటంతో సినిమాకు మంచి రెస్పాన్స్ వస్తోంది. మరిన్ని అప్డేట్స్ కోసం చూస్తూ ఉండండి!
