తెలుగులో విడుదలైన ‘డెవిల్స్ డబుల్ నెక్స్ట్ లెవల్’ సినిమా ఓటీటీలోకి అడుగుపెట్టనుంది. పాట వివాదం తర్వాత ఈ సినిమా ప్రేక్షకుల దృష్టిని ఆకర్షించింది. సంతానం నటనతో ఈ చిత్రం ఎలా ఉంటుందో చూడాలని అందరూ ఆసక్తిగా ఎదురుచూస్తున్నారు.
Key Points
పాట దెబ్బకు వివాదాస్పదమైన 'డెవిల్స్ డబుల్ నెక్స్ట్ లెవల్' సినిమా
జూన్ 13 నుంచి జీ5లో స్ట్రీమింగ్
థియేటర్ రిలీజ్ తర్వాత వెంటనే ఓటీటీకి
‘డెవిల్స్ డబుల్ నెక్స్ట్ లెవల్’ ఓటీటీ విడుదల
ఓటీటీలోకి మరో హారర్ కామెడీ సినిమా వచ్చేందుకు రెడీ అయింది. గత నెలలో ఓ పేరడీ పాట వల్ల వివాదాస్పదమైన ఈ చిత్రం.. తిరుమల వేంకటేశ్వర స్వామిని నమ్మే భక్తుల మనోభావాల్ని దెబ్బతీసింది. పలుచోట్ల కేసులు కూడా నమోదయ్యాయి. అలా వార్తల్లో నిలిచింది. ఇప్పుడు ఈ సినిమా ఓటీటీ స్ట్రీమింగ్ డేట్ ఫిక్స్ చేసుకుంది. ఇంతకీ ఏంటా చిత్రం? ఎప్పుడు రాబోతుంది?
పాట వివాదం మరియు దాని ప్రభావం
తమిళ కమెడియన్ సంతానం హీరోగా నటించిన కామెడీ మూవీ ‘డెవిల్స్ డబుల్ నెక్స్ట్ లెవల్’. మే 16న తెలుగు, తమిళ భాషల్లో రిలీజైంది. కానీ కంటెంట్ తేలిపోవడంతో ఘోరమైన డిజాస్టర్గా నిలిచింది. అయితే గోవింద అంటూ సాగే దేవుడి పాటని ఇందులో పేరడీ చేయడం కాంట్రవర్సీకి కేరాఫ్ అయింది. తర్వాత దాన్ని తొలగించడంతో అందరూ సైలెంట్ అయిపోయారు.
జీ5లో స్ట్రీమింగ్ వివరాలు
ఇక ఈ చిత్రం థియేటర్లలోకి వచ్చి నెల కూడా అవ్వకుండానే ఓటీటీలోకి రాబోతుంది. జూన్ 13 నుంచి జీ5లో తెలుగు, తమిళ భాషల్లో స్ట్రీమింగ్ కానుంది. ఈ మేరకు అధికారికంగా ప్రకటించారు. ఈ సినిమా విషయానికొస్తే.. కిస్సా 47 అనే యూట్యూబ్ ఛానెల్ నడిపే కృష్ణ(సంతానం)కి ప్యారడైజ్ అనేది థియేటర్ నుంచి స్పెషల్ టికెట్ వస్తుంది. దీంతో కుటుంబంతో సహా కృష్ణ ఆ థియేటర్కి వెళ్తాడు. తర్వాత ఏమైంది? ఆ థియేటర్లో అసలేం జరుగుతుందనేదే మిగతా స్టోరీ.
చివరగా, ‘డెవిల్స్ డబుల్ నెక్స్ట్ లెవల్’ సినిమా ఓటీటీ ప్రేక్షకులను అలరించడానికి సిద్ధమైంది. జూన్ 13 నుండి జీ5లో చూడవచ్చు.
