📌 Key Points
- రణవీర్ సింగ్ హీరోగా, ఆదిత్య ధర్ దర్శకత్వంలో ‘దురందర్ 2’ చిత్రం విడుదల!
- ప్రపంచవ్యాప్తంగా మొదటిరోజు రూ.172.63 కోట్ల భారీ వసూళ్లు రాబట్టిన ‘దురందర్ 2’!
- కన్నడ నటి దివ్య స్పందన.. సినిమా బాగాలేదని, నిద్రపోయానని కామెంట్స్!
- మొదటి భాగం రూ.1000 కోట్లకు పైగా వసూళ్లు సాధించగా, రెండో భాగంపై భారీ అంచనాలు!
రణ్వీర్ సింగ్ నటించిన ‘దురందర్ 2’ చిత్రం విడుదలైన మొదటి రోజునే భారీ వసూళ్లతో దూసుకుపోతుంది. అయితే, కన్నడ నటి దివ్య స్పందన ఈ సినిమాపై చేసిన కామెంట్స్ ఇప్పుడు హాట్ టాపిక్గా మారాయి. ఆమె ఏమన్నారో చూద్దాం!
దురందర్ 2 పై దివ్య సంచలన కామెంట్స్!
రణవీర్ సింగ్ హీరోగా ఆదిత్య ధర్ దర్శకత్వంలో రూపొందిన ధురందర్ 2 చిత్రం నిన్న ప్రపంచవ్యాప్తంగా విడుదలైన విషయం మనకు తెలిసిందే. ఈ మూవీ మొదటి భాగం కేవలం హిందీలో మాత్రమే విడుదలై 1000 కోట్లకు పైగా కలెక్షన్లను సాధారణ టికెట్ ధరలతో కొల్లగొట్టింది. ఆ స్థాయిలో ఈ సినిమా ఇంపాక్ట్ చూపించింది. ఈ మూవీ మొదటి భాగం విడుదలైన రోజే రెండవ భాగాన్ని మార్చి 19వ తేదీన విడుదల చేయనున్నట్లు ప్రకటించారు. దాంతో ఎప్పుడెప్పుడు ఈ చిత్రం విడుదలవుతుందా అని ఎంతో మంది ప్రేక్షకులు ఎదురుచూశారు. చెప్పిన విధంగానే ఈ మూవీని మార్చి 19న విడుదల చేశారు. విడుదలైన మొదటి షోకే ఈ చిత్రానికి బ్లాక్ బాస్టర్ టాక్ వచ్చింది.
సినిమా చూస్తూ నిద్రపోయానన్న హీరోయిన్!
ఈ మూవీ దాదాపు ప్రపంచవ్యాప్తంగా మొదటి రోజు 172.63 కోట్ల కలెక్షన్లను వసూలు చేసినట్లు తెలుస్తుంది. ఎలాంటి అంచనాలు లేకుండా విడుదలై కేవలం హిందీ భాషలోనే 1000 కోట్లకు పైగా వసూళ్లను రాబట్టిన ఈ చిత్రం రెండో భాగం భారీ అంచనాల నడుమ విడుదలై మంచి టాక్ తెచ్చుకోవడంతో ఈజీగా ఈ సినిమా 2000 కోట్ల కలెక్షన్ల దగ్గరికి వెళుతుందని బాలీవుడ్ ట్రేడ్ పండితులు అంచనా వేస్తున్నారు. ఈ సినిమాపై సెలబ్రిటీలు కూడా ప్రశంసల వర్షం కురిపిస్తున్నారు. రామ్ గోపాల్ వర్మ ఈ చిత్ర విడుదలకు ముందే ఈ మూవీపై, ఈ సినిమా దర్శకుడిపై పొగడ్తలు కురిపించారు.
బాక్సాఫీస్ వద్ద దుమ్మురేపుతున్న కలెక్షన్స్!
సినిమా విడుదలయ్యాక తెలుగు సినిమా పరిశ్రమకు సంబంధించిన స్టార్ హీరోలైన మహేష్ బాబు, జూనియర్ ఎన్టీఆర్, అల్లు అర్జున్ మరి కొంతమంది కూడా ఈ సినిమా గురించి గొప్పగా చెప్పారు. ఈ స్థాయిలో ప్రశంసలను అందుకుంటున్న ఈ చిత్రంపై ఓ నటి చేసిన కామెంట్లు పెద్ద స్థాయిలో వైరల్ అవుతున్నాయి. “నాకు ధురందర్ 2 ఏ మాత్రం నచ్చలేదని, అదొక పరమ చెత్త సినిమా” అని, సినిమా చూస్తూ థియేటర్లోనే నిద్రపోయానని కామెంట్ చేసింది. ఇంతకు ఆమె ఎవరు అనుకుంటున్నారా? కన్నడ నటి మరియు రాజకీయ నాయకురాలు దివ్య. ఈ ముద్దుగుమ్మ కేవలం సినిమాలతో మాత్రమే కాకుండా వివాదాలతో కూడా వార్తల్లో నిలుస్తూ ఉంటుంది. తాజాగా ఈమె ‘ధురందర్ 2’పై చేసిన వ్యాఖ్యలు పెద్ద ఎత్తున వైరల్ అవుతున్నాయి.
‘దురందర్ 2’ చిత్రం గురించి దివ్య చేసిన వ్యాఖ్యలు ప్రస్తుతం సోషల్ మీడియాలో వైరల్ అవుతున్నాయి. సినిమా కలెక్షన్ల గురించి మరిన్ని అప్డేట్స్ కోసం చూస్తూ ఉండండి.
